مرحبا كيفكم
حبيت اطرح مشكلتي الى مسببه لى قلق …واتمنى الاقي الردود المفيده البعيده عن الاستهزاء والسخريه
مشكلتي هي زوجي له فتره كل مااطلب شي لي يقولي يعني وش بيتصيرين انتى هي انتي ماراح
يغير شي منك بتبقين انتي فلانه
وزواج اختى قريب الشهر الجاي تخيلو اانا الي شريت القماش وفصلته وابيه يطلعه رفض قلت طلعه لي واسددتك ويالله وافق…..طلبته اشري جزمه واشياء الشهر الي فات نكد على وبطلت قلت اشري من فلوسي …..
ومره كنا طالعين عشان ابفصل لبنتي فستان تكلمت عن المكياج بزواج اختي واني حابه كذا وكذا
رد علي قال يعني وش بتطلعين انتى هي هي دايم يقلل من قيمتي وشكلي وانت مافيني جمال
وانه كبرت بالعمر مع انى توني داخله 30
وزعلت وبكيت قدام بنتي عمرها 10 سنوات وتكلمت الين نشف ريقي وماخليت شي بقلبي الا قلت له…..هو طبعا الموقف جدا عادي عنده ويحاول يكلمني ولا كانه شي صار…ثم قال خلاص امشي اشريلك رضاوه قلت مابي …توقعت يوح للسوق غصب عني ويخليني اختار لاني مابي اضعف قدامه ولكن رجع ادراجه للبيت ولا كانه شي صاير …تعب ذيك اليله نفسيا وجسديا لانه معي صداع يجيني مع العصبيه لدرجة اني اسكر على نفسي بغرفتي بدون نور واقعد بالساعات عشان يخف,,,,المهم باليل جاء يترضى ويتاسف وراح وطلبلي من موقع تسوق
مكياج ,,,,ليش لانه يبي حقه الشرعي وبس خلص طلع من الغرفه ولا كانه مخلف وراه انسانه محطمه منه كل هالترضي والهديه عشان …………
ولكم تتخيلون كل مااطلبه شي يقول لا لا لا وازعل وانكد على نفسي بعيدين يقولي يالله امشي جيبي ال تبينه واكون انا نفسي محطمه وطابت نفسي من الي كنت ابيه
مره طلبته اروح للصيدليه لانه بشرتي تعبتني مره وقلت اروح اجيب كريمات غسولات شي يخفف المعاناه لمن قلت له قال ماله داعي وبعدين قال مامعي وهو اصلن يكذب تعبت منه ومن طريقة تعامله لمن اطلب شي يخصني هو ماكان كذا بس هالاشهر هذي متغير مره
طلبته امس اروح اصبغ شعري لاني من زمان عن الصبغه وابي اطلع بزواج اختى بشكل جديد
قالي وش يعني بتطلعين لاحظو يتعمد يحطمني من ناحية شكلي وانا الحمدلله مابي قصوروراضيه بشكلي لانه ماينقصني شي
ورفض يوديني مع انه المشاغل بكل مكان بحكم اننا ساكنين بالرياض
وقلت يالله بكره وجاء بكره قلت له قال عيال عمي بيجوني العصر انتضرنا ماجو الا بعد صلاة المغرب ومع زعلي قمت ووجبته هو وضيوفه وبعدها طلعو معزومين باستراحه ,,,هذا من غير الحبسه بالبيت لانطلع لحدايق ولاموالات ولا ملاهي نوسع العيال
والله طفشت من تصرفاته حتى اني قلت مستحيل اري هو يحاول يكلمني لكن ارد بثقل ابيه يحس
ولكن لاحياة لمن تنادي تعبت حطمني
والله يابنات اني اعاني من اسناني ابي ازينهن واهتم فيهن يقولى ليش مو لازم مع انه كانت اسناني تمام بس من سنه ضهرت السوسه ب3 اسنان اماميه وانا خايفه انها تسقط وعاد كيف ازرع والله بجد خايفه حتى الابتسامه مابتسم كثير من خوفي احد يلاحظ اسناني وهو لاحياة لمن تنادي
حبيايبي حبيت افضفض من الى اشوفه ومنكد علي ’’’’’كل الي ابيه دعوه بظهر الغيب ان اسمي يطلع بتعينات المعلمات تعبت وانا انتظر
لكن اصبري انت تقولين ان هذا ليس طبعه دائما انما امر جديد عليه لعله عنده عذره وسوف يعود افضل ان شاء الله
ماجبتي جديد
ولانتي بلحالك
ماجاك منه خذي
بعد خير فيه رجا يبي يرضي ويبي يودي سوق
ويطلب من مواقع
نعمه وخير فيه الي يسب طالع نازل
ولو المره تطيرله وتوقع له ماتسمع غير وجعة الخاطر
والا اطلعي من عندي
حالك اشوى من حاااال غيرك بواااااجد
شوفي المحاكم وش فيها والله ان تلمين راسك من الهول
اسأل الله العظيم رب العرش العظيم ان يفتح لي ولك بارب الرزق ويطلع اسمك مع اول دفعه يارررب بخير وعافيه
اميييين
ربي يسخره لي ويحلينى بنظره ويرجع لسابق عهده
تكفون حبايبي من يدخل موضوعي يدعيلي بالوظيفه
وفقكم الله لما يحب ويرضا
الله يفرج همك وييسر أمرك
ويرزقك من حيث لاتحستبين
حبيبتي عليكي بالدعاااااااااااااااء والصبر والمصاااابرة
وتوكلي على الله
حبيبتي عند طلبك له
تحري أوقات يكون مرتاااااااااح نفسيا ومنبسط
ثم اطلبيه
الله يجمع بينكم على خير
وهذا علاجه ببساطة الا تنكدى على نفسك بل تزداد ثقتك بنفسك ولا تبالى بتعليق لا يعجبك اذهب وعالجى اسنانك وحاولى الا تزعلى من اقل شىء فالابتسامة تضفى على المراة جمالا
وان شاء الله ربنا يسخره لك