السلآم عليكم ..
انا بنت كنت على علاقه بشاب لمده 7 سنين في البدايه ماكنت احبه بس هوا كان يحبني كنت اخاصمه اقفل الجوال بوجه ويرجع يكلمني ماكنت اطيق اسمع صوته او حتى كلامه انا انسانه متربيه واخاف الله كان دايما ضميري يئنبني اني كلمته بس مااعرف ليه كلمته كل يوم ابكي احس ربي غضبان علي وابغى اتوب وابعد عنه ودايما ادعي ينصرف عني ودايما افكره بربه وان ابعد عن حياتي هاذي بدايه علاقتنا ..
من كثر ماصار يكرر ويلح علي انه يكلمني بديت اكلمه بس يشهد علي ربي من باب الادب والاحترام ماعمري وريته صورتي او حتى قابلته كم مره عرض علي يتزوجني بس انا رافضه الفكره نهائيا انا من مبدئي الزواج التقليدي احلى لكل بنت وماارضى يجي من بره
المهم قعد يلح ويلح يبغى يخطبني عرفني ع عمته وخالته واعطاني رقم امه وقالي خدي كلميها بس انا مارضيت وعلى داه الحال
كنت احس انه يكلمني عشان يتباهى انه يكلم بنت وعنده خويه قدام اصحابه لاني لاحضت هاذي الحركه طبعن عدت الايام
بديت احب الشخص هذا من كثر اهتمامه وسواله وكلامه وانه شخص محترم معاي لاقصى الدرجات .. وصرت احبه
كان مايهمني اذا غاب عادي مااسال ماافكر وين يروح او الومه عادي راح او جا مااغار عليه ولا اي احساس كنت متاكده مليون بالمميه قد ماحب وقد ماعرف بنات ماراح يحب غيري
المهم في فتره تقدم لي واحد مااعرفه ولا اعرف اهله ولاشي سالنا عنهم ناس طيبين وماعليهم خلاف انا وافقت ع طول بعد مااستخرت وارتحت بس للاسف الي ملكت عليه صرت اقارن بين تصرفاته وتصرفات الشخص الي كنت اعرفه
احس زوجي مايحبني ولايهتم برايي دايما يتمصخر ع طريقت كلامي اسلوبي حواري مايعجبه شي دايما انا وهو في مشاكل مايعدي اسبوع الا واحنا متخاصمين يغيب بالايام ومايسال وكنت اتضايق
العجيب في الموضوع اني حبيت زوجي بشكل ماتتخيلوه اكتر من الشخص الاول ومن يوم ماملكت قطعت علاقتي في الشخص الاول نهائيا عشان انا لازم اخلص لزوجي بس تعبت زوجي مايسمع لي لمن اتكلم معاه بس يسال عن احوالي ويقفل يقولي ابغى الرصيد . . انا هنا انصدم ؟؟
يبغاه لمين ؟؟ واحس لمن يكلمني يعد الدقايق دايما مشغول وبره ومع اصحابه مايفضى لي 🙁
تعبت من تصرفاته احس اني اعطيه بدون ماافكر من احساس انقهر انه لمن يجي عندي نتهور وعادي انا اقول انه زوجي مو بيدي استغرب من نفسي اتضايق لمن يبوسني ويصير بيننا شي احس اني استعجلت ودايما افتكر كلام الي اكبر مني ان كل شي بعد الزواج احلى عشان مايشبع منك . ,
انا احس اني ضيعت فرصه عمري مع الشخص الاول مع اني ماحبيته زي ماحبيت زوجي ع فكره الشخص الاول يحاول يوصل لي وبين فتره وفتره يتصل وخايفه ان الشيطان يخليني ارجع له قولو لي ايش اسوي
زوجي يحبني ؟؟ ولا مايحبني ..
تصرفاته ومصخرته ع كلامي ودايم دق بالكلام ويمسك ع الكلمه ويقولي انتي تنكدي علي وهدا انا لسى مملكه ساعات يقولي بجي ازورك وبعد كم يوم يتصل يعتذر يقول مااقدر احس في شي يغيره ..
وارجع اتعوذ من ابليس صارحته بتصرفاته يقولي انتي تبغين مشاكل قفلي الموضوع نامي احسه يصرفني وديما جواله صامت او يقولي نسيته مايرد علي او يقفل جواله عنده اكثر من جوال اهله ناس محترمين وملتزمين مره بس هو احسه غير عنهم ايش اسوي
شورو علي الله يسعدكم دنيا واخره والله انا خايفه من المستقبل 
بس الله يووفقك ان شاء الله والله يكتب لك الي فيه الخير..
والله يتمم لك على خير..
وهذا الشيطان يوسوس لك يبي يخرب بينك وبين زوجك بالحلال..
ماعندي فكرة..وان شاء الله الاخوات راخ يساعدونك
مووفقة
سبحان الله وبحمده سبحان الله العظيم
استغفر الله ربي واتوب اليه
لزوم بآلآول إنتِ تتعدلــــي
حتى زوجك يتعـــدل ..
أســــأل الله لكِ الهدآيـــه
و أن يصلح لكِ زوجــــك
و انا بقول لك انتي و شطارتك
حتسمعي كلام ربك و للا الشيطان !
الدعاء الدعاء الدعاء ان الله يصلح احاولك
وكثرة الصدقة تدفع البلاء وتتصلح الا حوال
( مادام انتي وافقتي عليه لما اتقدملك واستخرتي وكل شيء خلاص انسي الي راااح ولأتنسين ان علاقتك بهداك الشخص كأنت غلط حب وما حب لو كان يحبك كان تقدملك حتى لو انتي منعتيه لآن مكالمتكم مع بعض حرام ومالها اي اساس )