انا متضايقه جدا ساعدوني زوجي ولا اهلي الطبيب يجيب 2024.

السلام عليكم ورحمة الله وبركاته ..
يا اداره تكفون نزلو موضوعي انا لاني من جد ابي حل
انا متزوجه صار لي شهرين زوجي شخصيته غريبه ما ادري معقد ولا ايش بالظبط مافهمت
من قبل مانتزوج يوم كنا مخطوبين كان يمنعني من اقرب صديقاتي بدون سبب ما ادري ليش مع انهم سلوكهم كويس وسمعتهم طيبه اخر وحده صديقتي والاقرب لي قال لي ابعدي عنها يا انا ياهي قلت له لا بختارها هي انفجر وقتها صديقتي انسحبت من نفسها وقالت لي انا ماودي اخرب حياتك انا ببعد بس بقولك شي حطيه ببالك وتذكري كلامي رجال قبل لايملكك يمنعك من صديقاتك بعدين اذا تزوجتي بيمنعك من اهلك خفت من كلامها شوي بعدين نسيت تزوجنا اول ايام يوديني عادي بعدها صار يتحجج بأعذار مالها داعي ويوم صار بينه وبين اختي خلاف قال لي لو كلمتيها او رديتي عليها بالجوال اعتبري نفسك طالق بالثلاثه خفت اعلم اهلي بالموضوع وتصير مشكله بس اخر شي قلت لهم وصارت مشكله كبيره وتركت له البيت ورد اعتذر ورجعني وقال لي مالي دخل في علاقتك مع اختك بعدها صار يقول لي اهلك ماتروحين لهم الا مره بالاسبوع اللي هو يوم الخميس قلت اوكي يمكن عشان يوم اجازته يوم ثاني اهلي سوو عزيمه بالبيت بمناسبة خروج ابوي من المستشفى رفض يوديني والله صرت انحرج من اهلي من كثر ما اعتذر حتى هم لاحظو وصار يزعلو يحسبوني متغيره بعد ما اتزوجت اخر شي صار اليوم وعدني اروح عندهم من صباح العيد فجاه غير رأييه قال لا اوديك لهم بعد ما انام واصحى طبعا مايصحا الا العصر على بال مانطلع يمكن يكون جا المغرب مشكلتي انه جاني على الوتر الحساس انا ما ارضا على اهلي واذا في يوم حط نفسه بوجه مقارنه بختار اهليي وخايفه انه يبي يبعدني عنهم مره لانه كثير يقول لو فكيتني من اهلك برتاح والله تعبت من ها الحال غير انه مايخليني اطلع كثير مع العلم اني مو من النوع اللي احب قعدة البيت لاني كنت اشتغل قبل الزواج يعني مو متعوده اكون جالسه وبس بصراحه عيشة العزوبيه كانت احلى بكثير بالنسبه ليه قولو لي ايش الحل كيف اخليه يتغير من جد يابنات انا ماعندي صبر لو ما يبي يغير ها الطبع بطلب منه يطلقني . في حال ثاني بوجهة نظركم .. صار ماعندي صديقات حتى اهلي اخاف افقدهم صرت احس بالوحده .

~~~~~~~~~~~
تقبلي مروري
اختج ساندريلا
~~~~~~~~~~

المشاركة الأصلية كتبت بواسطة ♫ ساندريلا ♫ السلام عليكم ورحمة الله وبركاته بسم الله الرحمن الرحيم ماله حق ابدا انه يبعدج عن الناس هذا شكله مريض …اومتوووحد يحب الووحده حبيبتي كل مابغيتي ترووحين عند اهلج …قوليلة وقولي مالك حق تمنعني هذول اهلي والبر فيهم وااجب ولزوم ….ازورهم والمفرووض تقولين له انه احرجك مع اهلك وانتي كل اللي عليك تعرفين السبب ….منه بعدين وقتها قرري وتقدرين تستفسرين منه ؟!! ممكن يكون شاك بالبنت هذي … او في شيء ماتعرفينه عنها …او ممكن تكون اتصالاتها كثيرة وهذا الشيء مسببلة ازعاج …. مايادريك لاتحكمين على الشيء بسرررعة ياغلاتي بصرااحه حرااام تكسرين خاااطر …. صديقتج رفيقة عمرج بدوون …. سبب مسكينة مالها ذنب وبرضوا المفروووض تطيعين زوجك وتسمعين كلامه …. وزوجك الان كل حياااتك واذا عن صديقتج خليها … تقلل مكالماتها الهاتفيه وتخففها … عشان تكسبين زوجك وصديقتج حبيبتي او يمكن يخاف انها تفرق بينكم … لان في بنات كثير سمعنا قصصهم يفرقون بين الازواج .. فيمكن سمع قصة وخاااف منها وخاف على بيته يمكن زوجك شااف شيء ضااايقة من صديقتج حبيبتي ياما تحت السوواهي دوواهي ولاتكرهوا شيئآ وهو خيرآ لكم واذا كان عن زيارتج لاهلج فقوليلة مالك حق تمنعني وهذا القرار محرم شرعا ولزوم احد يتدخل بينكم يعني يكون وسسسيط شوفيلك احد من اهلك يتدخل بس بهدووءءء لان بصراااحه مايصير يمنعج من اهلج ~~~~~~~~~~~~~~ وبنيبة لصديقتج اذا منعج منها فااتركيها وخلوو اتصالاتكم قليله لان لزوم طاعة الزوج ورضااةومايدريك يمكن خيرة فيها ~~~~~~~~~~ واذا عن اهلج فهذا حرام شرعا يمنعك منهم ~~~~~~~~~~~~ وكل عاام وانتي بخير ومن العايدين وعيدك مبارك ~~~~~~~~~~~ تقبلي مروري اختج ساندريلا ~~~~~~~~~~

كلام أاختي سندريلا صح أنصحك بتطبيقه بلحرف الواحد وأنتي بعدك عروس لاتحكمين علرجال من هسه بلتوفيق