السلام عليكم ورحمة الله ,
حابه اقولكم موضوعي بس ماني عارفه كيف ابدأ , المهم يارب الأغلب يفهمني
انا مشكلتي صحبتي ياعالم اغار عليها مااحب لما تقولي مثلا في مكان فيه بنات جمعه او زي كذا اخاف بس تصير صديقة غيري 
وعلى فكرا هي (صديقتي لا غير ) يعني مو شذوذ ومدري ايش والعياذ بالله وهي صحبتي من اربع سنوات , دحين انا مخلصه الثانويه لي سنتين و كنا شله 12 بنت تقريبا وكل اثنين دايما مع بعض ولين ماخلصنا بس كنا صحبات يعني و بعد ماخلصنا صرت انا و صحبتي أ مرررا صحبات و في اثنين من صحباتنا كمان زينا ومع مرور الايام صرت انا و أ و م و س احنا اربعه مع بعض يعني نشوف بعض دايما الموهم قبل 3 شهور اتوفت س ربي يرحمها 
ومن بعدها صارت م صحبتنا وصرنا احنا الثلاثه ممرا صحبات زي الاخوات والى يومي هذا بس ايش اللي اكتشفته انه م متعلقه ف أ مررا وانا هذا الشي يحرقني وربي ابكي منه ماني عارفه كيف اغير تفكيري يعني مثلا اذا أ راحت ل م من غير ماادري ازعل او اذا قالتلها موضوع ماادري عنه مرا ازعل , وترا م تحبني وتعزني وادري بكذا بس ماابغاها تتقرب لـ أ اكككثر مني ! والله العظيم يابنات صرت احاول ابتعد عن أ بالعاني كذا من غير ماتسويلي شي احاول اكلمها بطريقه استفزها مدري ليش كذا لانه ف بالي انه بيوم من الايام بتخذلني وتخليني زي ماسسوو غيرها ! ياجماعه انا ادري اللي اسويه غلط وغلط مرررررا بس ابغى وحده تدلني ع الطريق الصح الله يعافيكم ترا هذا الشي يتعبني واناا ماابغى اكون كذا ادري انه المفروض مااغار والغيره مو صح ومو بكيفي امنعها من اللي تبغاهم وولا اتعلق بس والله غصبا عني , زي مثلا امس رحنا ملاهي يوم نسائي ولعبنا ليييين شبعنا و ف الالعاب كوولها بس اركب جنب أ واخلي م تركب جنب اختي بالعاني كذا اجرها واقولها أ ياللا نركب سوا والاحظ م مستغربه مني ! ولما رجعت البيت حسيت انه اللي سويته غللط وشغلات عبط ! ليه يعني ماتكون م زي أ واركب جنبها ! وبرضو اليوم جالسه افتكر امس والملاهي وافتكر كل لحظة وكنت مبسسوطة انه رحت مع صحباتي وكذا بعدها بدأت أبكي اقول هذا اليوم لابد يختفي و أ خلاص رايحه وحتى م ! اقول ليش اضيع وقتي كذا وانا عارفه انهم بيروحوا من حياتي وقبل اسبوع تقريبا جالسين نتكلم انا و أ و م وبدأت تحكينا تقول ترا لي صديقه صدووقه اللي عمري مااشفتها وهي ف الاردن ودايما نتكلم مع بعض وتحكي تقول يابنات حملت برنامج الواتس عشاني عنجد مرا طيبة وعسوله وتمدح فيها , انا ما سمعت كذا اتغير صوتي بدات ابكي قفلت خلاص مو قادرة اتكلم عنجد كنت يومتها شي …. لأسف ادري انه قالتها بحسن نيه بس انا تفكيري غلط ’ و هي بعد كم شهر بتسافر ل بلدها ثلاثه شهور تقريبا وبترجع ان شاءالله , وكل مااتذكر كذا ابكي ! لاني مرررررا اتعودت عليها احبهاا اكثر من كل الناس مااقدر ارفضلها طلب وكل خرجاتي معاها هي بس ماخرج مع غيرها لاني احس مااقدر اخذ راحتي واتونس مع احد زي مااكون معاها , وعلى فككرا انا كنت مرا اجتماعيه بس اتغيرت جدا بعد ماانخذلت مرتين صرت مااثق في احد بس هذي البنت مدري ليش كذا خلتني ! وانا من النوع اللي افهم غلط دايما ومتسرعه ! ربي يهديني .. وتجي اوقات أ تقول شي او تسوي شي وافهمها غلط وازعل تقوم تقولي انتِ اشبك ليش كذا تفكري انتِ عارفه انه مستحيل اسوي شي يأذيكِ وكانت دايما تقول انتِ توأمي انت أحسك انا يعني مستحيل اسوي شي يزعلك ! كل ماافتكر كلامها هذا اقول ياارب ماتخذلني تؤا ودااايما ادعي ربنا وابكي اقووول ياارب لاتعلق قلبي باححدج غيرك وانا الحمدلله متقربه ل ربي 
اللي ابغاه منكم يااخواتي انه تدلوني ع الشي الصح انصحوني ويياليت اللي عندها كلمه طيبة وكلام مفيد تقول واللي غير كذا وفالحه بس تجرح اترجاها ماتدخل ! .. وانتظركم 
والاهم دايم ادعي وقولي اللهم علق قلبي بحبك عمن سواك واذا انتي متضايقه اقري قران صدقيني بترتاحين انا كنت اسوي كذا ويوم شفت اني بتاثرفيها كثير وخفت ع معدلي بالجامعه غيرت من نفسي خليتهم هم يحتاجوني ويدوروني حتى اللقب او النك تبعي كان حزين وغيرته للقب قوووي حتى قوى من شخصيتي لايغرك حتى اللقب يغير من النفسيه وعديت هالمرحله بنجاح والحين عندي صديقات كثر يسالون عني واسال عنهم
