ولدي والكلام قلقانة عليه مجابة 2024.

السلام عليكم

قسم مشكلتي لا تخذلوني للمره الثانية لاني سبق وحطيت موضوع هنا ومالقيت له اثر

فرجاء سوو فيني خير وانشرو موضوعي

مشكلتي في ولدي وعدم قدرتة على الكلام بشكل سليم والكل يعلق ويلاحظ وانا زي الجمرة في قلبي لما احد يقول ولدك ما يتكلم . مدري ايش يقول ولدك . والخ من العبارات المقصودة وغير المقصودة

المهم احكي لكم قصته لين كمل سنتين ما كان يقول اي كلمه نهائيا
بعدها فك لسانه شويه وصار يقول "اها" للكل انا وابوه واخته

لما صار سنة ونص صار يقولي " ماما " ويقول لابوه " بابا " والحمد لله واخته يقول لها "اها " واخوه الصغير " بيبي " المهم انه تحسن

والان هو 3 سنين و3 شهور وبرضه كلماته قليله وفيه تحسن بسيط

كل من شافه يساله ايش اسمك وهو ما يرد بعدين على طول يسالوني ما يتكلم

هو ما يعرف يقول اسمه مع ان اسمه سهل وبسيط فقط 3 حروف

ما ادري ايش اسوي معاه اتركه في حاله يتحسن مع الايام والا اعرضه على دكتور البعض يقولون لي ما له داعي دكتور بيحتطم زياده

غير كذا هو خجول وعصبي واحيان لما احد هو ما يحبه يساله اي سوال عناد فيه ما يرد عليه حتى لو هو يعرف ينطق الجواب

هو ذكي ويحب اللعب مع الاطفال ويحب الملاهي

اللي خايفه منه انه بعد سنه ونص يصير في عمر الروضه ما ادري ايش راح يكون وضعه وكيف بدخله الروضه وهو ما يقول اسمه حتى اكيد ما راح يقبلوه

اخليه عندي ويروح عمره يارب رحمتك

والله انا مره قلقانة عليه

اللي عندها حل ارجوكم تفيدني فيه

انا للاسف افرح لما يفاجئني بكلمه جديده حتى هو عارف اني بفرح يقولي "ماما ها انا " وينطق الكلمه الجديده يعني شوفيني كيف تحسنت .

والنصيحه الاولى راح التزم فيها باذن الله

وواما النصيحه الثانية فهو دائم الاختلاط مع الاطفال ومع اولاد خالاته واولاد عماته

اعرضيه بأسرع وقت عشان ما تتفاقم مشكلته

و لا تخافين من الدكاترة هذا شي اساسي للطفل لازم يراجع دكتور يتأكد من نموه و مقدرته الذهنية

ولد عمي عنده نفس الحالة و يوم عرضوه على الدكتور اكتشفوا إنه يعاني من صمم جزئي 🙁