نفسيتي بالحضيض كرهت المدرسه 2024.

السلام عليككم ورحمة الله وبركاته

انا عمري 17 ثاني ثانوي ، نفسيتي جدا نعبانه وكئيبه وكرهت المدرسه باللي فيها حتكلم بالمشكله ، انا شيخيصتي كويسه مافيها شي مو اجتماعيه ولا انطوائيه متوسطه بس مو من النوع اللي احتك واثق بسرعه ومستحيل اروح للبنت وابدا بالكلام معهم كل اللي عرفتهم هم يتكلمو معاي لاني شوي خجوله بس البنات يشوفو انو ذا غرور واا ابدا مو كذا مو هنا المشكله انا عندي صديقه وحده ومن الابتدائي معاي وفاهمتني كثير وعلى طول معها وهي اللي معطيتني ثقه حتى لما اروح اتكلم مع غيرها مايشفقون علي ويقولون انو ماعندها صديقه وجت تسولف معنا والحمدالله مرت السنه على خير جينا للسنه دي طبعا اخترنا القسم نفسه بس للاسف انو فصلين وكنا ندعي نكون مع بعض بس للاسف ربي ماكتب وجلسنا نحاول يرجعونا بس مافي امل هما متعمدين يفرقونا طيب ليه ابغى سبب مقنع ماكنا نسوي شي والحمد لله مستوانا كويس م ادري ايش هالقسوه هما عارفين مالنا غير بعض المهم اني طول الاسبوع كئيبه وم اتكلم مع احد بالفصل لان كل وحده مع صحبتها وانا وحيده الكل يناضرلي بشفقه اني وحيده حتى المعلمات يدقون بالكلام ويقولو احسن فرقوكم ليش ايش ضريناهم والله العضيم اني ماني قادره افتح كتبي منسده نفسي وكل يوم ابكي حتى صرت انطوائيه بشكل فضيع حتى مع اهلي ,انا كنت متضايقه بالاجازه وقلت ارفه عن نفسي ان شاء الله بالمدرسه يمكن تروح الضيقه وانساها لكن للاسف هم اعدموني قتلوني زادو همي همين , حتى البنات اللي كانت علاقتي معهم سطحيه بدو ينسحبو مني لانهم يشوفوني ضعيفه وحيده ويناضروني بشفقه حاولت اروح للمديره بس ماتقدر نفسيتي وتقول مو لازم خليك بحالك وتقول معقوله ماتعرفين احد من الفصل وربي بموت قهر حتى افكر بالغياب صرت لا اكل ولا اشرب ونومي كثير حتى امي لاحظت طيب هم وش استفادو غير تحطيمي انا خايفه تجيني حاله نفسيه اه وربي بموت من البكي نفسي اكون اجتماعيه بس البنات مايعطون مجال كل وحده مع صديقتها وانا من النوع اللي اخاف احد يفشلني او شي لاني ماتعودت على كلامهم تعودت على صديقتي اللي سنين معها فاهمتني وفاهمتها حتى كلامنا كله ضحك وبرائه بس هم البنات غير تحسينهم شوي فيهم خراب ومراهقه زياده عن اللزوم طبعا مو الكل انا اقصد اللي حولي عشان كدا مابي احتك وانا ماتعودت اتكلم مع غير صديقتي واطيح الميانه من يومي سلام بيني وبين البنات بس يعني حتى لو تدخلت من بينهم بيناظرون فيني بنضره انو خير تبين شي خلاص معروف كل وحده مع شلتها او صديقتها , تحطمت كنت ناويه اجتهد بدراستي والمشكله تراكمي وربي صرت افكر بالموت حتى بالحصص تنزل دمعتي ماحب نظرة الشفقه ذي ماتعودت انذل كذا ,يعني جد ذليت نفسي الاحق المعلمات عشان ينقلوني بشكل انا كرهت نفسي واقول انا مو كذا وماعمري انذليت