السﻻم عليكم ورحمة الله وبركاته
تقدم لخطبتي شخص وامس كانت النظرة الشرعية وأخت الخاطب تمدح فيه وتقول انه هو بار بوالدته مرة وابوه متوفي ومحافظ على صﻻته في المسجد بس يدخن المهم ..انا امس لما دخلت وشفته انصدمت من لونه مرة اسمر قالت لي ترا هو لونه مو كده تراه مسمر من البحر ﻻنه يشتغل في البحر وانا قلت في نفسي اصﻻ حتى لو مسمر باين انه طبيعته اسمر فأنا الصراحة ماني عارفة اهلي يسألوني ايش رايك اقولهم انا ماني عارفة ايش اجاوب مصدومة من لونه يقولوا لي طيب شكليا متقبﻻه سبيك من اللون اقولهم ماني عارفة اجاوب وامي وابويا احسهم مبسوطين مرة امي تقول اهم شي انك انا تكوني احلى منه وﻻ هو يكون احلى منك قلت لها طيب بس ما ادري احس انه موضوع اللون دا مو معدي معايا اتخيل اقول يعني هدا الشخص بعيش طول عمري معاه فماني عارفة ايش رايكم هلهدا شعور طبيعي وعادي يمر وﻻ هدي تنيجة اﻻستخارة 
وصلا الشكل مو كل شي
قال الرسول عليه الصلاة والسلام اذا جاءكم من ترضون دينه وخلقه فزوجوه
اللون مو مشكلة، انا ما بهتم بالمظهر لأن الشخصية و الايمان هم اهم شي
انتي شوفي و فكري كويس، و طالما انك استخرتي، اذا ما ارتحتيلو لا تكملي و خلاص
اختي لو خيرتك الحين بين زوج اسمر: يخاف الله فيكي
وبين واحد ما في احلى منه: يسكر يضربك وحق حريم و……
هدا زواج حبيبتي مو صورة تعلقها على الجدار
اهم شيئ يكون تقي ادا احبك اكرمك وادا كرهك ما يظلمك
تقبلي مروري
ايشبه اسمر اهم شئ مملوح
لكن البلا في الدخان اللي بيكرهك عيشتك
غريبه متساهله بالموضوع هذا
واهم شي في الزواج القناعه برأيي استخيري اكثر من مره
والله يوفقك ويكتب لك الخير يارب