السلام عليكم ورحمة الله وبركاته ..
اكتب لكم مشكلتي واتمنى القى الحل,,
انا عمري 28 سنه واعاني صارلي سنين من يوم كنت بالابتدائي ,,
تعرضت للاغتصاب ماادري تحرش والله العظيم مااذكر شي شنو صار ف وقتها
والله مااتذكر انو صار الم ولا نزل دم ,,,قبل انا م
احاول اتذكر شي بس مااقدر
تعبت والله حاسه اني وحيده بهالدنيا ,,تقدمولي 2 ف نفس الاسبوع وصليت استخاره وماقدرت اوافق كل يوم كنت ابكي تعبت والله اخاف انو صار فيني شي ..
ورفضت بحجة عدم الراحه ,,,تعبت كل البنات الي ف عائلتنا تزوجو..بس الحمدلله ادري هذا نصيب من عند رب العالمين بس كلام الناس مايرحم ..
ووف نفس الوقت مااقدر اروح عند دكتوره ..ومااقدر اطلع صعب والله صعب
درست وللحين مااشتغلت ..الله كريم..
اتمنى تساعدوني كيف اتخلص من هالشك.؟والله الدكتوره صعب اروح عندها
فيه بنات اعرفهم يكشفون عند دكتوره وهم مافيهم شي بس عشان تسوي تقرير.. لان بعضهم اذا تزوجو ماينزل منهم دم ويستغرب زوجها
واللي صار لك بطفولتك انسيه وخلي حسابه يوم القيامه على ربي اللي ماينسى
طبيبه نسائيه تكشف على كل شي مو شرط فقط العذريه
يعني اذا خايفه تتفشلي من الي راح يوصلك
كلمي اختك الاخت اقرب شي اذا خايفه تقولي لامك
روحي وارتاحي من العذاب يمكن لساعك بنت
بلاش تظلمي نفسك ويفوتك القطار
لو فقدتيها بتحسي الم زي مانحس احنا ببداية الزواج
بيستمر هالالم
وانا كنت مثلك خايفه لاني كنت انط وانا صغيره
وتزوجت الحمدلله. فعلا ضحكت على نفسي
ضيعت عمري وانا في قلق بس طلع ولا شي
وفعلا بيكون ضيييق المكان ومابيحس
نصيييحه نصيييحه نصيييحه لاترفضين الخطاب
بكره ينتشر عنك انك ماتبغين تتزوجين
ومحد يجيك
الناس بيقولون هذي كلما جاها احد رفضته
والعمر يمشي لو تقدمبك السن محد يجيك الا متزوج
انتي استخيري
وبعدين المنتسر عند الناس انو الاستخاره تكون يااما ارتحت او لا …..وهذا غلط
الاستخاره هي ان الله ييسر هذا الامر اذا كان فيه خير لك
ويصرفه اذا كان فيه شر لك
مو شرط شي واضح
ممكن تصير مشكله ويروح الخاطب فهذا ممكن يكون شر لك وانصرف عنك
وممكن تصير عدة مشاكل وبعدها يصير حاجه حلوه ويتم الموضوع
اختي صار لها زي كذا صار مشكله وراح الخاطب ..وفيما بعد تبين لنا ان الناس مايصلحون لها …
فإنتي لااااااا تستسلمين لوساوس نفسك والشيطان
ترا والله مو سهل تنسى حتى لو مافقدت عذريتها
أختي صاحبة المشكلة أنا أقولك داومي على قراءة القرآن وصلاة الليل
وحاولي تنسي مو تتذكري
النسيان نعمه
واذا تقدم لك أحد لا ترفضي
ربنا لطيف بعباده وطالما تعرضتي للتحرش مو برضاكي فربنا راح يستر عليك ويوفقك
لا تخافي انا اعرف بنات زيك وتزوجوا عادي
ربي يوفقك ويرزقك بالزوج الصالح