السلام عليكم /
انامتزوجه وتعرفت ع وحده من منتدى نسائي لان كنا مشتركين بموضوع وبالبدايه كان تواصلنا ع الايميل جلس ست شهور وبعدين طلبت رقمي واعطيتها رقمي لاني بصراحه وثقت فيها وكنا نتواصل بشكل يومي ع الواتس لمدة شهور قليله وبعدين قللت تواصلها وانا كنت اعذرها لان كل شخص له ظروف وحتى لما اقلق عليهاارسل احيانا ترد واحييانا لا وبعديين رجعت علاقتها معي هي بدات برساله انها قلقانه علي ورجعنا وانا كنت ارجع معها حتى لو قطعتني يوم اشوفها ترسل مااطنش وبعدين اكتشفت بالصدفه انها متعرفه ع بنات من المنتدى تعرفت عليهم مثلي انا قل تواصلي معها لما اكتشفت انها ماخذتني بس وقت الطفش المهم انها خلال السنه هذي ماتتواصل معي الا اذا بغت خدمه مني وبعدين تغيب ولا كانها تعرفني ونفس الشي اذا بغت شي ترسل وانا الصراحه ماامدح نفسي اخدمها بكل شي تبغاه يمكن مرات قليله تسال عني بس عارفه انها طفشانه وتبي تضيع وقت وانا لما اطلبها شي ماتخدمني مع العلم ببداية علاقتنا كانت تخدمني و بالفتره الاخيره من خلال احساسي احسها مو طايقتني
وطبعا هذي الفتره محد من اهلي او زوجي يدري اني اكلم بنت من النت لان هذا الشي ممنوع عندنا انا نكلم احد مانعرفه واهلي يشوفوني اكلم بنت ويسالوني واقولهم صديقتي من ايام الدراسه
الحين انا قررت اني اتركها حتى لو ارسلت علي راح اطنش لاني اكتشفت خلال السنوات اللي فاتت ضيعت وقتي مع وحده ماتستاهلني وخصوصا اني كنت اوقف معها بوقت هي محتاجتني وهي للاسف خذلتني ومريت بمواقف الاشهر هذي وكنت اقول لها بس ماشفت منها اي وقفه معي
سؤالي الحين هل تحسون اني ظلمتها لو اتركها نهائي لاني انسانه اخاف من الظلم
والشي الثاني هل انا غلطانه اني استغفلت اهلي وكلمت البنت من وراهم ام لا
وجزاكم الله خير
والحل النهائي ان تعامليها لوجه الله ، يعني اذا اتتك في خدمة لها ان كان باستطاعتك فقومي بها وعليها تؤجرين ، وان لم يكن فالله عليم حكيم
لي العديد من الصديقات على الواتساب ، لكن طول العشرة تبين لك حقيقة المرء
فمنهن صديقات تحبنك لوجه الله ، ومنهمن فقط تكتبي عليها صديقة رغم انها اسم على غير مسمى
شوفي حبيبتي اي عمل خير تعملينه ﻻي احد ابتغي فيه وجه الله قبل كل شئ وﻻ تنتظرين منه يجازيك ﻻن الله الي بيجازيك عليه
بالنسبه لسؤالك
هذا الظلم مو لها لك انتي
ﻻنك تكونين راضيه على الي تسويه فيك
الصديقه الحقيقيه هي الي تعزك وتحرص عليك وقت الضيق وتشاركك حياتك سواء بالشدة او الضيق
مو الي تخذلك وتتهرب منك وتعتبرك مصلحه لها
انا كنت اتعلق بالي اعزهم واحرص عليهم بس اللحين صرت اطنش الي يطنشوني او يتجاهلوني مابي اجبر احد علي والله شعور صعب تعزين وحده وباﻻخير هي ماخذتك تسليه او مصلحه اتركيها والله يعوضك بأحسن منها
وبالنسبه لسؤالك الثاني اذا اهلك مانعين ﻻ تكلمين مايجوز تكذبين عليهم
الله يغفر لنا لك
صاحبة المشكلة
أنتي غلطانة من البداية أنك
عطيتها رقمك على الأقل كان
خليتها على الايميل و أنتي
ما ظلمتيها أنتي ظلمتي نفسك
لما كلمتيها و عطيتها رقمك
وخدميتها و استغفلتي أهلك
و زوجك أحسن شي ممكن تسوينه
في هذي الحالة أنك تغيرين رقمك
عشان ما تضايقك و لا تتواصلين معها .
و إن شاء الله أكون أفدتك .
|
المشاركة الأصلية كتبت بواسطة مشكلتي
 سؤالي الحين هل تحسون اني ظلمتها لو اتركها نهائي لاني انسانه اخاف من الظلم
والشي الثاني هل انا غلطانه اني استغفلت اهلي وكلمت البنت من وراهم ام لا وجزاكم الله خير |
عن سؤالك الأول لايوجد اي ظلم لها لأنو في النهاية أختي العلاقة التي فيها أخذ بدون عطاء هيا علاقة مختلة ! و لا تخافي من الظلم بل فكري انك ظلمتي نفسك بتضييعك لوقت انتي محاسبة عليه على إنسانه و إن كانت مهمة لا تستحق هذا الوقت من عمرك !
بالنسبة لسؤالك الثاني : انتي ما اخطأتي خاصة عندما اتأكدتي انها بنت و ليست شاب ، ولكن لنكون واضحين علاقات النت في الأغلب تكون علاقات وهمية أو و إن كانت جادة فلا تصل لجدية علاقتك مع شخص ترينه امامك و جها لوجه ! لانك في النهاية هذه الفتاة لم تعرفي عنها غير ما صرحت هيا به ، لا تعرفين عائلتها و منطقتها و ظروفها الاجتماعية و أخلاقها الحقيقة و مبادئها .. لأن كل هذه الامور تحتاج لعشرة لمعرفتها .
لكنك أخطئتي في شيء واحد ، إعطائك لشخص أهمية كبرى أكثر من التي يستحقها !
تحياتي لك .. 
واتركيها