السلام عليكم اخواتي العزيزات :
انا بنت عزباء عمري 23 سنة ادرس اخر سنة لي بالجامعة ان شاء الله ابوي الله يرحمه توفى قبل ستة شهور ومن بعده حسيت اني يتيمة وشفت الذل والمهان على اصوله
والله مافي زي الابو ولا في احد يعوض مكانه
مشكلتي مادية محتاجة فلوس بالحيل مو عشان البس واتكشخ لا والله ابي اشتري علاجاتي واكلي الخاص انا معي سكر واضرب ابر انسولين ومحتاجة فلوس اشتري لي شرائط تحليل السكر وابر ومسحات غير اكلي الدايت حق مرضى السكر والي سعره غالي جدا
صحيح اني طالبة بالجامعه لكن مكافأتي مقطوعه لاني تعديت المدة النظامية
امي متقاعدة وينزل لها راتب تقاعد كل شهر تضيع ثلاثة ارباعه على العناية بنفسها من ليزر للشعر وفيلر وبوتكس لبشرتها وحاليا تبي تتزوج وجالسة تضيع الفلوس بالسوق على مكياج وفساتين وتغيير ديكورات البيت لان الامور عريسها اصغر منها بعشرين سنة ومارح يدفع شئ كل شئ عليها وبيسكن ببيتها
كل مااطلب من امي ماترضى تعطيني تقول انقلعي بس دبري عمرك انتي كبيرة مفروض انك متوظفه ماني ملزومة فيك روحي لاهل ابوك يصرفون عليك
كل يوم تسمعني كلام مثل الزفت وتحسسني اني بنت الشارع مو بنتها لدرجة طردتنا انا واخواني من البيت (البيت باسمها) لاننا مو موافقين على العريس
جيت بقدم على جمعية خيرية لاني يتيمة ومحتاجة بس قالوا ماتعتبرين يتيمة اليتيم لازم عمره اقل من 10 سنوات عند وفاة والده
بالله الحين وش اسوي ابي فلوس امشي نفسي فيها لين مااتخرج واتوظف ان شاء الله تعبت من الحاجة البنات بالجامعه يلبسون ماركات وجوالات اخر موديل ماشاء الله وانا شرابي مقطع ولونه اصفر من كثر الغسيل
الله لايحوج مسلم في يوم من الايام والله الحاجة صعبة ربي مايذوقها احد فيكم
طلبت سلف من زميلاتي الي من نفس دفعتي وتخرجوا وتوظفوا ماشاء الله لكن اعتذروا بحجج واهية مع ان المبلغ الي طلبته بسيط الف ريال فقط شكلهم خايفين ماارجعه لاني مو موظفه وماتنزلي مكافأة
اقترحوا علي طريقة لكسب المال البسيط بالحلال ؟؟؟
الزمي الاستغفار فمن لزم الاستغفار جعل الله له من كل ضيق مخرجا
وزرقه من حيث لا يحتسب
والله يوفقك ويرزقك بالمال الحلال ياارب
ويهدي امك
كلمي اعمامك اهل ابوك بحاجتك للمال
ماعندك اخوان كبار موظفين ؟
امك الله يهديها بعد 6 شهور من وفاة ابوك تبي تزوج !! وواحد اصغر منها ب 20 سنه ..
يا اختي انتبهي ع نفسك اشلون بتعيشين معه ببيت واحد …
الزمي الاستغفار وسورة الواقعه وبأذن الله يكغيك الله الحاجه ..
وتوددي لامك يمكن تحن عليك وتعطيك ..
بالنسبه لمرحلة الفقر التي تمرين بها فأشهد بالله العظيم الذي لا إله إلا هو لا يوجد لدي غير أربعة ثياب أنظري لمن هم أدنى منك ولا تنظري لمن هم أغنى منك وتصدقي فالصدقه من الفقير إلى من هو أفقر منه أمرها عظيم عند الله فقيره جوربها قد إصفر وتمزق ومريضه بالسكر وتقرض الله قرضا حسناً تخيلي كم يكون أجرك عند ملك الملوك وجبار السماوات والارض فالصدقة تشفي المريض وتعني الفقير وتطفي غضبا الله سبحانه وتعالى وما نقصت صدقة من مال وما نقصت صدقة من مال حتى لو تصدقتي على من هو اغنى منك أو حاله أحسن من حالك أو خدعك أحد ومثل بأنه فقير وأعطيتيه الصدقه فإن الله يكتبها لك لانك نويتي في داخلك أنها لله سبحانه