هلا وغلا فيكم
اخباركم
مشكلتي غريبه بس حتى لو تجاملوني
انا طالبه شاطره في المدرسه وحاليا انا في اولى ثانوي بس اخاف من القدرات اخاف من كل سنه جدييده اخاف من التحصيلي
اهلي وعيلتنا كلهم ماتهمهم اكمال الدراسه
يهمهم ابتدائي اكيد وان يدخلو ابناءهم للمدارس
بس مثلا الاولاد يدرسو عشان الوظيفة يعني لا جامعه ولا غيرها ثانوي او صناعيه
والبنات يدرسون وبس يتزوجو عادي انهم يطلعو من المدرسه
يعني مايقيمو الشخص بدراسته
الدراسه عندهم ابد مو معيار للفرد
يعني عندهم بنت متزوجة ومو مكمله دراستها افضل بكثير من وحدة مو متزوجه وتدرس وكيذا يعني
وانا تفكيري غير يعني ابي اشرف دولتي واجعلها من الدول المتقدمة وغيرنا مو احسن منا
بس ابد مافي دافع ولا تشجيع
يعني ابي اكون دكتوره بس مااثق في قدراتي لاني ماشفت احد من اهلي اقتدي به واعتبر هالشي ممكن لنا وان عقولنا مثل عقولهم
خايفه يجي اليوم الي اطلع ولا اكمل دراستي خايفه
والسبب عدم الثقه في قدراتي ومثل ماقلت لاني ماقد شفت احد من اهلي وصل وكيذا فأحس هالشي بس للناس الغييير
وه************ات مش من قدنا احنا
وعدم وجوود الدافع او التشجيع يعني الدراسه عندهم وسيله للوظيفه
الهدف
شجعوني قنعوني ان الدراسه والوظيفه وكيذا شرف وتحقق الغاية من جودنا مو اكل ومرعى وقلة صنعى !
ومن هالكلام
ودي اكون مثل صديقاتي الاردنيات عندهم ان مافي شي مستحيل وكل شي يجيهم يتقبلونا مايستسلمو وماعندهم شي اسموو خروج من المدرسسة او حتى الجامعه
ادري متعجبين بس جاملوني وعطوني ع عقلي
انتي بتكونين شخصيتج بنفسج
ياكثر الشخصيات الي كانوا فاشلين بالدراسه لكنهم واصلوا وحققوا طموحاتهم
والله يوفقج
كوني سباقة اخيتي
اختي انا مثلكِ امي ابي لايهتمان سوا أكملت اولا يضنون ان مصيري بكلتا الحالتين بيت زوجي مثل كل وحده في عائلتنا أقاربي يتشمتون في أحلامي قال دكتوره قال البنت مصيرها لبيت زوجها والمطبخ هو المدرسه
بالبدايه انهارت قواي
في احدا الايام وصلتني هذه الرساله على جوالي
يقولون ان حلمي مستحيل وانا أقول
الله على كل شي قدير
لا اعلم من كان المرسل الا ان رسالته كانت الأمل بالنسبة لي
الحين رغم ان حلمي صعب الا اني لن ايئس
اذا ماحد شجعني انا رح اشجع نفسي بنفسي
العمر مره واحده وما رح اقضيه زي مابد الناس
غداً أفضل بإذن الله
عباره اكتبها على وسادتي على دفاتري دولابي لأجل اذا في مره نسيت تذكرني ان الله على كل شي قدير
انا أؤمن انه لن يحدث غير الي ربي كاتبه فبموافقة أهلي او بدونها ما رح يتغير شي من قدري
فإذا عندي رب يجيب دعوة العبد اذا دعاه لماذا افقد الأمل
احسني الضن بربك عزيزتي فهو وحده من يقول كن فيكون
حافضي على الصلاه والدعا وثقي بقدراتك كل أنسان عنده قدرات ومواهب مافي ناس اسمها غير والله يوفقك
في ناس بذي الطريقه كثيير مثلا عيلتنا نفس الشي من عيال عم و عمات و خالاتي كللهم يادوب وصلوا الثانوي عادي عندهم كملوا او قطعوا دراستهم لكن معانا بالبيت ابوي يحفزنا على الدراسه بشكل كبييير و بكذيه صرنا متميزين بين عيال خالاتي و عمامي و الحين صاروا يشدوا على عيالهم و لازم انهم يكملوا دراسه ..
القصد من كلامي انك تواصلي دراستك و كلمي اهلك انك مأجله الزواج و لك رغبه بالدراسه و ربك بيعينك عليها و إن شاءالله اهلك ما راح يرغموك على شي انتي ما تريديه و إذا وصلتي لطموحك و حققتي شي حلو أكيد راح يفخروا فيك و راح يشجعوا اللي من بعدك بالدراسه …
والله يوفقك و ينولك مرادك