انا متزوجه
اخت زوجي تكرهني واتوقع انها تبغاني اتطلق
عندي اخ من ابوي هو كمان يبغاني اتطلق
5سنين زواج كاننت احلى ايام عمري وعمر زوجي زي ماكان يقول
اول تغير:الين مابداء الصيف يدخل وزوجي صار يتصرف بغرابه لما نخرج السوق طبعا هو الي يطلب الخرجه مو انا يجلس يراقب شخص بطريقه غريبه ما قدرة اعرف مين بس بطلت اطلع السوق متى ماهو يبغى وانا اختار ايام الخرجات
ورجع طبيعي فتره الين نص شهر 8
صار يطلع الساعه12 اليل ويرجع2 ويقولي بروح اقابل اخوي
والي كان يحيرني انو يجلس طول الوقت في السياره قدام البيت ساعتين يكلم اخوه في الجوال
صرت اسئلو بعباطه وشبكة الامور
والي اكتشفتو انو وحدة تدق عله ويعطيها بزي وينزل السياره ويكلمها ساعتين
وانا 
اتشحتو يتكلم معاي5دقايق ومايرضى يعبرني يجلس فاغر في التلفزيون
اكتشفت انو انا الي غبيه ماكنت عايشه حياه سعديه كنت مسترخصه نفسي
انا ماعندي عيال واالمشكله منو وهو مايبغى يتعالج
قلت معليش اهم شي العشره
عندو مشروع رائع بس اكثر مالو مشغول مافي سيوله ويقدر يدبر المبلغ الي يبغاه وقت مايحتاج ومسكني في بيت خرابه حرفيا خرابه مو ابالغ وربي يشهد وكمان مايبغى يصلحو
سرير غرفتي مكسور وظهري انكسر منو وما يبغى يشتري
قلت معليش في المستقبل على قولتو
خصص لي مصروف 200 ريال في الشهر وطبعا لازم يحدف كم شهر منها
مقاضي البيت مايقصر فيها عشان بطنو طبعا
وكمان يخوني انا مو قبيحه الكل يقول اني جميله انا ما امدح نفسي الكل يقلي اني حنونه وحبوبه حتى هو
طيب ليش يخوني
انا ما اقدر اتطلق منو لانو مالي مكان اروح فيه غيرو واليوم اتخاصمت معاها واعترف لي وغير شريحتو واعطاني القديمه
انا ما اقدر اطلع من حياتو ابد بس ما ابغاه يحس اني سهله يغلط ويعتدر واسامح بكل بساطه
انا مالي بعد الله سبحانه وتعال غيرو
بس عندي احساس كبييييييييير انو الي شجعو على الشي اهلو ولا اخوي من ابوي نفسي اعرف
قولو لي اصر عليه واخليه يقول لي ولا اطنش وكيف اتعامل معاه لي يومين مانمت من الحزن
طنشيه اول شيء وشوفي وش بيصير