السلام عليكم ..
بدخل بالموضوع على طول ..
انا عمري 20 متزوجه وعندي طفلين زوجي طيب معي ومعاملته حلوه لكن من تزوجته مايصرف علي ولا ريال كنت اصرف على نفسي من مكافأة الكليه ولما خلصت كليه ابوي صار يمشيلي فلوس 1500 ريال والله اني اشتري فيها اغراض البيت وملابس عيالي وملابسي واشتري ديباج لي وكذا يعني ..
وانا استحي اطلبه شي ..
وهو بعد شخص كذاب دايم يكذب علي بأتفه الاسباب يعني مره كان محتاج فلوس وتسلف من صديقه لما سألته كم تسلفت قال 10 الاف ومره وانا قاعده افتش بأغراضه لقيت ورقه انه متسلف 20 الف ليه طيب يكذب وانا ماواجهته بهالشي ومره ماكنت ادري انه يدخن بس دايم اشم معه ريحة دخان يقول والله من اخوياي يدخنون عندي وصدقته بس لقيت بسيارته دخان ولما رجعت البيت قلتله انت تدخن قام يحلف بالله انه ماعمره دخلت فمه زقاره وجاء بيحلف على القران بس قلتله حتى لو تحلف انا متأكده انك تدخن وبعدين اعترف انه يدخن وحلف لي انها اخر مره وماراح يدخن مره ثانيه وبعده اكتشفت انه يشيش وتكلمت معه وقال انا احس اني متزوج شرطي على كل شي تحاسبيني قلتله من خوفي عليه وابيه يكون قدوه لعياله ..
واشياء كثيره منها يحلف لي انه ماراح يشوف بنت غيري ولما فتحت جواله على يوتيوب شفت يطالع بنات مفصخات وعن العاده السريه المشكله انه يحلف بالله انا اللحين ماعندي ثقه فيه كل كلمه يقولها مااصدقها هو السبب وصلنا لهالمرحله حتى لما يقولي احبك مااصدقه احس يكذب كل شي يكذب فيه اشياء مالها داعي يكذب فيها ..
وهو فيه ضعف جنسي بس انا بعمري ماحسسته بكذا والله العظيم اني اتفاعل معه بالفراش وبعد مايخلص وينام اقعد لحالي وابكي انا محرومه من اللذه اللي يحسون فيها البنات طبعا انا ماحملت لمدة سنه من بداية زواجنا لانه هو ماكان يدخل داخل بس من برى ولما ضايقوني الناس بكلامهم واني اكيد عقيم رحت حاولت معه عشان يقدر يدخل بس احس هو مايبي ليما حملت الحمدالله ورجع يجامعني من برى انا تعبت منه مدري وش الحل ماأحب اكسر بخاطره واحسسه بهالشي لانه انسان طيب معي وهذا اللي مصبرني عليه ..
وهو معيشني بملحق عند اهله ونص الاثاث ناقص ماعندنا فرش ولا سراير لعيالنا ينامون بالارض المطبخ بس 4 دواليب واذا طبخت الشقه كلها تصير ريحة طبخ حتى ملابسي اللي داخل الدروج وصرت ماأطبخ والغساله غسالتي عاديه وكل شوي النشاف خربان وصار يغسل ملابسه بالمغسله وانا اتعب بغسيل ملابسي وملابس عيالي ودروج الملابس مكسره ومره انكسر سريرنا وصرنا ننام بالارض 3 شهور وبعدها شرى سرير لحاله بدون غرفه كامله وكل شهر لازم اتسلف من خواتي حتى هم صاروا يعيبون علي بمزح وانا اضحك بس من داخل ميته ..
ومن اخذته مااحس انه مثل الرجال عنده شهوه يعني اذا لبست مايطالع فيني ولا يتغزل مايحسسني بأنوثتي كرهت حتى اكشخ صرت اللحين بس بالبجايم وحالتي حاله واللحين يمر يومين وثلاثه مايفكر يجامعني وانا جميله الحمدالله وخواتي كل ماشافوني يقولون يحظ زوجك فيك انتي سنعه وحلوه حتى اخلاقك حلوه ..
وطول الوقت قاعد بالبيت وعلى جواله والله من تزوجته مافتحنا مواضيع مع بعض يعني شي بسيط نغسي اتكلم معاه واشكيله مره شكيتله من مشكله صارت لأهلي ابغاه يخفف علي كان حاظني وقاعد يلعب بجواله ولما شفته كذا صديت عنه ونمت وقعد يقولي وش فيك ليه زعلتي قلتله بنام مازعلت ورجع يلعب بجواله يعني الكلام بيننا شبه معدوم مايعلمني بأسراره انا مااعرف شي عن حياته وفوق هذا ماعنده اسلوب مره قلتله لو مت راح تتزوج بعدي قال ايه اكيد اتزوج يعني مايعرف يجامل ولا يحسن كلامه عشان مايجرحني عادي اللي بقلبه يقوله على طول ..
انا الان نفسيتي تعبانه وتغيرت كأني وجه عجوز من الهم والله والله العظيم عمري ماحسسته ولا فتحت فمي بكلمه له لكن انا خلاص متضايقه مليت من هالعيشه اللحين مدري وش اسوي انا احس اني متزوجه طفل مو رجال يخاف من كل شي يخاف حتى مني اذا عصبت على عيالي اذا رحنا للبر يقعد يقرأ المعوذات ويستغفر واضح انه خايف وانا صرت اخاف اطلع معاه لمكان ..
قولولي شلون اغيره انا مليت هو يحبني وانا ماادري وش مشاعري تجاهه مره اكرهه ومره احبه بس اللي اعرفه صعب اتطلق منه وانا اساسا مافكر بالطلاق بس اللحين دايم اتخيل ان احد يحبني واراسل نفسي على الجوال واقول كلام حب واتخيل زوجي رومانسي حيل معاي وافتح عيوني والقى نفسي عايشه بواقع مر ..
لاتقولولي احمدي ربك انه طيب الحمدالله بس هو طيب لان حاس بتقصيره وهو دايم يقولي انا مقصر معاك انا ماأسعدتك بس انا معيشته ومحسسته اني اسعد وحده معاه بس خلاص ضغطت على نفسي وتحملت وحاسه اني بنفجر او اجن ..
ادعولي تكفوووون وعلموني وش اسوي انا اثق بآرائكم ..
هذا الي عندي لك فقط
وبالتوفيق
بيحس بغلطته ان شاء الله وكل انسان ما يتغير بين ليلة وضحاها و معليش يعني بس السعادة ممكن انتي تصنعينها وما تتوقف الحياة على حب واحد ما درى عنك اسعدي نفسك بنفسك بالنسبة للفلوس حاولي تدورين على وظيفه وطنشيه اذا كذب عليك وحتى اذا كلمك ولا تحملين نفسك فوق طاقتك عيشي حياتك وما عليك منه ربي اولادك تربية صحيحة وكوني قدوة لهم
اكثري من الاستغفار
وممكن هو كمان عنده التعبير صعب ممكن هو يحبك جدا بس ما يعرف يعبر بعضهم كذا
لكن لا تيأسي من رحمة الله وان شاء الله مع الدعاء والصبر رح تتحسن أحوالك
|
المشاركة الأصلية كتبت بواسطة $ Nooda
 حاولي تنسي جوالك على ذا الموضوع قدامه عشان يشوفه على انك نسيتي تسكري الجوال فهمتيني
|
………
……….