بسم الله الرحمن الرحيم
أولا أدري هذي مو مشكلة لكن ماعندي عضوية عشان كذا كتبتها هنا
أول شي أنا بنت عمري 14 سنة ثاني متوسط وعندي أخت وحدة بثاني أبتدائي وأخ واحد برابع أبتدائي
وأمي الله يخليها اللحين حامل توها داخله الشهر ال 8 وتبيني أتعلم الطبخ وغسيل الملابس والكوي وووووو أعمال البيت
لأنها لما بتروح المستشفى تولد مافي أحد بيقوم بالبيت غيري لأنه ماعندنا أحد خوالي عايشين في الطايف وعمامي في جدة
ومانقدر نروح لهم عشان المدارس المهم أمي تحاول معي والمشكلة أسوي كل شي تقول عليه مره طبخت وهي معطيتني المقادير
وطلعت الطبخة ، أستغفرالله العظيم ، مرره طعمها مو حلو وأبوي أشترى لنا كاوية البخار عشان ماتتعب أمي لأنها حامل
أوكية وهذا الكوي عادي أقدر أكوي عليها والتنظيف للبيت أتعب ع طول بحكم أن عندي فقر دم وغسيل الملابس أوكية عندنا
غسالة أتوماتيك يعني سهل نوع ما أن شاء الله مع التعليم أقدر ومشكلتي اللحين بيتنا دورين وصعب تنظيفة أبغى تقولون لي
طريقة أقدر أنظفة بسرعة وبسهولة والطبخ بعد أبغى أطبخ لأخواني ع الأقل أذا جاعوا وأمي تعبانة وأبوي قال بيجيب لنا أكل
من المطعم لحد ماتتعافى أمي وأنا مررره خجلانة من أبوي وأمي أني ما أقدر أنظف بسرعة ولا أطبخ والله العظيم حتى مره
سويت لأبوي شاي كانت أمي متنومة في المستشفى وجاء مدري كيف وأبوي أحسه جاملني وشرب منه شوي حتى ما أزعل
واللي مخجلني أكثر أن خالتي بعد عايشة في خميس مشيط لحالها وعندها بنت عمرها 15 سنة وولدت قبل شهرين وماشاء الله
ع بنتها تطبخ لأخوانها وأبوها وتنظف البيت وكل شي والكل يمدح فيها لكن أنا ما أقدر أسوي شي أمانة بنات ساعدوني ودي
أصير مثلها واللي بتقول خلي أبوك يجيب شغالة جبنا شغالة وقعدت معنا شهرين وكل يوم نفقد شيء ودورنا في غرفتها ولقينا
كل شي سارقته وحلفت أمي ماعد تدخل ولا أي شغالة البيت والصراحة أنا ما أبغى أجادلها بهالشيء لأنها حلفت يعني
مستحيل تتراجع ،، في النهاية بنات أمانة ساعدوني قولوا لي أفكار أي شيء يخليني أقدر أسوي كل هذا للعلم أني بأصير
مضغوطة مررره يعني بين دراستي ومساعدة أمي للعلم يابنات أمي مررره تتعب في ولادتها وأنا ما أبغاها تقوم لمدة شهر
ومافي أحد يقدر يجينا لأنها دراسة ودوامات وكل واحد لاهي في حياته والله يوفقها اللي تساعدني "
انا اقولج
اولا
لازم تقسمين وقتج
ولا تحسبينها مشكله ابدا عادي
اخذي الامر طبيعي
انتي متهاونه شوي بالموضوع لان امج بعدها ماولدت
لكن اذا ولدت صدقيني بيصير عندج حماس قوي
وبتقومين تنظفين من حالج
شششوفي اتكلم عن تجربة شخصية ها
انا عمري 18 حلوو
واللحين اسوي كل شي كنت نفسج
حشاج بقره مااعرف ولا ولا ولا شي السنة اللي فاتت
صرت اساعد امي بكل شي
وتعالي شوفي اللحين اطبخ غدا واسوي عشا
واضيف الضيوف
واسوي قهوة وشاي واكوي واغسل ملابس ومواعين وكل ش ي والله
شوفي
لازم تقسمين وقتج
بما ان عددكم قيلي جدا
يعني مافي احد يوصخ
او يااذيج اثناء التنظيف
حلو
المطبخ اولا
اي قفشة اي كوب اي صحن
تعلمي غسسسسيل اول بااول
مايضل شي ع حطته وصخ اووكك
لان اذا تراكم مشكله بيصير ضغط عليج
صدقيني
نجي للطبخ
اخذي الطبخة من امج
اللي حابه تسوينها
واكتبي المقادير بالتفصيل الممل
ولاتزيدين ولا شي ولا حبه زود ع المقادير اللي
وصفتها امج اوك حياتي
نجي للغسيل
مشكلته خالصه دامج تقولين
ان الغساله توماتيك حلووو وايد حلو
يعني يبقى عليج بس نشر الملابس
لازم تفتحينهم عدل من تنشرينهم ع المنشر
اووكك
خلصنا تنظيف مطبخ وطبخ وغسيل ملابس
نجي للكوي
تعلمي ياروحي الواحد اذا مايغلط
مايتعلم
يووو انا حرقت عباييات فوق العشر والله
مو بس عبايتي المشكلة عباية امي معاي
وحرقة مره دشداة حق ابوي
والله كل شي حرقت
لكن بعدها تعلمت شنو اتجنب
شنو يلزمني اسوية
اوككي عمري
والله مومشكلة انتي حاسة انها مشكله وعايق كبير عليج
حاسة فيج وربي
المهم الكوي لازم تلتزمين بدرجة في الكواية
يعني اذا بخار عشان يكون اضمن ماتحترقين انتي
ولا تحرقين الملابس ولا الطاولة او العلاقة
حطي رقم واحد مع البخار تمام
دامج صغيرة وتوج
انا صرت احط رقم اثنين وبخار واتقنها اتقان وربي
تو اللحين كويت 9 دشاديش لابوي
امي ماتقدر قلبها يعورها وماتقدر ع الكوي
اووك ياعمري
نجي لتنظيفات البيت بااكملة
طبعا ومن غير اي تعريف
من تقعدين من النوم لالالالازم ترتبين
سريرج وغرفتج
بششكل كامل متكامل اووك
عشان من تذاكرين
تكونين متهيأه نفسيا اووكك حبيبتي
وبعدين تطلعين برا غرفتج
ع اساس انج سكرتي الليت والباب وهي
ع حال اكبر من النظافة
اوكي عمري
بعدها تبدين بتنظيف غرفة غرفة
مع كنسها بالمكنسة الكهربائية اذا عندج
واذا ماعندج العادية اليودية تستخدمين مومشكلة
حلوة الحركة بعد
وبعدها تبدين بتنظيف الصالة او الديوانية
او المجلس انتم تسمونه ع مااظن
تنظفينه بششكل كامل عشان اذا ضيوف او شي
فرضــآآ
نجي عزج الله الحمامات
غسيل بمنظفات وتمسحينهم وتنشفينهم
واذا اكو شفاطات او زائلات الرائحة الكويهه ( الشفاطات)
شغليهم
بعد كل هذا الجهد و الانجااز الكبير والعظيم
شغلي النار ع فحمة او فحمتين وبخري البيت كله
واذا تبين شي
اانا اختج الكبيرة
امريني والله وااسالي
ترا عيوني لجج
وعساني
وضحت لج وسهلت لج الطريقة
حبيبتي انتي
لا تحاتين بينحل هالموضوع
ومثل ماقلت لج انا لج اخت وبساعدجج
واسمحلي اقولك انتي ماشاااااااء الله عليكي صغيرة ومهتمة وحريصة تتعلمي عشان تساعدي امك الله يعينك حبيبتي و اقوم امك بالسلامة
موفقة ان شاءالله
كفيتي ووفيتي يالغاليه بس ازيد نقطه ممكن تساعدك اختك يلي بثاني ابتدائي واخوك بترتيب غرفه على اقل تقدير وتعطيهم هدايا شوكليت عشان يتحفزوا صدقيني يالغاليه انا عودت بنت لسه ع خمس سنوات ونص ربي يحفظها ويحميها انها تطلع ع كرسي وتغسل الصحون صح انها تغسيلها مو ذاك النظافه بس خليتها تغسلهم يلي يضيق علبت المنظف تخلص فصحن بس قمت اقيس لها المطهر عشان تتعود اليوم ما تعرف بعد فتره بتعرف وبخصوص غرفتها اناديها وخليها تساعدني بترتيبها لو ما تعرف مع الايام بتعرف بس اختك ماشاء الله قدها عمرها 8 سنوات يعني افهم من بنتي مافيها شي علميها وخليها تساعدك تطبق الملابس بعد ما تشيليهم من المنشر تبع الغسيل والله خوانك من صوب يساعدوك ومن صوب يتعلموا للاعتماد ع النفس وبينالك الاجر الكبير لانك تساعدي امك حبيبتي ربي يحفظك ويحميك لكل عين ترجيك
|
المشاركة الأصلية كتبت بواسطة نبض الجود
 يابعد عمري
انا اقولج اولا لازم تقسمين وقتج ولا تحسبينها مشكله ابدا عادي اخذي الامر طبيعي انتي متهاونه شوي بالموضوع لان امج بعدها ماولدت لكن اذا ولدت صدقيني بيصير عندج حماس قوي وبتقومين تنظفين من حالج شششوفي اتكلم عن تجربة شخصية ها انا عمري 18 حلوو واللحين اسوي كل شي كنت نفسج حشاج بقره مااعرف ولا ولا ولا شي السنة اللي فاتت صرت اساعد امي بكل شي وتعالي شوفي اللحين اطبخ غدا واسوي عشا واضيف الضيوف واسوي قهوة وشاي واكوي واغسل ملابس ومواعين وكل ش ي والله شوفي المطبخ اولا نجي للطبخ نجي للغسيل اووكك خلصنا تنظيف مطبخ وطبخ وغسيل ملابس نجي للكوي وحرقة مره دشداة حق ابوي لكن بعدها تعلمت شنو اتجنب اوككي عمري المهم الكوي لازم تلتزمين بدرجة في الكواية حطي رقم واحد مع البخار تمام اووك ياعمري نجي لتنظيفات البيت بااكملة وبعدين تطلعين برا غرفتج بعدها تبدين بتنظيف غرفة غرفة واذا ماعندج العادية اليودية تستخدمين مومشكلة وبعدها تبدين بتنظيف الصالة او الديوانية تنظفينه بششكل كامل عشان اذا ضيوف او شي نجي عزج الله الحمامات واذا اكو شفاطات او زائلات الرائحة الكويهه ( الشفاطات) بعد كل هذا الجهد و الانجااز الكبير والعظيم شغلي النار ع فحمة او فحمتين وبخري البيت كله واذا تبين شي امريني والله وااسالي |