قصة شعري البائسة الله يسعد من تساعدني مجابة 2024.

السلام عليكم بدخلكم بموضوعي بسرعة انا يابنات قبل خمس سنين جاتني غدة درقيه من نوع خطير كانو يقولو سرطاناية وماني عارفة ايش لصغر سني كنت مافهم شي ولفيت مستشفيات الدنيا الى مالحمدالله لقيت العلاج وتعافيت ولله الحمد والشكر .. وقتها شعري تسااااقط وطااااح وصلعت من قدام حتى جبهتي صارت كبيييرة واي احد يشوفوني يقعد يطالع فيني ويقول مسكينة وانا ماحب كذا اثر في نفسيتي كثيير هذا غير جسمي الهيكل ..
رحت لدكاترة كثييير كثييير كانو ياملوني بعلاج وخرابيط لكن دون فايدة حتى هم يستغربون لان مافي اي تحسن … ناس تعطيني خلطة وناس تعطيني زيت وحنة وووو ..والله زيوت الدنيا كلها جربتها حتى في زيوت جبتها من دول خارجية ومافي امل ياناس … قالولي احلقيه وحلقته هذا قبل ثلاث سنين وكنت متاملة وفرحانة انو بيطلع شعر جديد ومرتب ويرجع شعري مثل اول كثيييف وطويييل لكن طلع مثل ماهو بس شوي احسن قالولي قصيه دايما وكل ماطال اقص واقص واقص حتى ابوي خاصمني قالي خلاص لانو مايحب شعر قصير .. صديقاتي مدحو لي دكتور وقالو ممتاز وكذا رحت له اعطاني فيتامينات وسيريوم وبلاوي سويتهم واستمريت 4 شههورر يابنات السيروم لمن اسويه يقطع شعري تقطيع رحت له قالي عادي قتلة وش عادي شعري تقطع قال بعطيكي كريم لفيت جميع الصيدليات مالقيت هالكريم حقة ولا والفيتامينات حقة ذي الي استمريت عليها شهوور من غير اي فايدة تذكر كلو خسارة في خسارة …وكرهت نفسي واهلي طفشو مني قالو خسرتينا خمس سنين من دكتور لدكتور … الان يابنات شعري والله العظيم سار مثل القش والله مثل القش مقصف مقطع الشعرة الوحدة مقسمة كثير ماقدر امشطة ماقدر امسكة مثل القش والله … ورحت وقصيته بنفسي وخربته امي يوم شافتني سارت تخاصم فيني قتلها عادي مافرقت معي .. مشكلة شعري مانتهت بعدها بشهريين ظهرت حبوب شديدة في وجهي وندبات وسار وجهي مثل الزيت … شعري خربان والان وجهي …. ساعدووني الله يوفقكم ويحميكم من كل شر معليش طولت عليكم سامحوني لكن حبيت اوضح لكم من بداية الخراب كيف الى الان ساعدوووني الله يرزقكم الخير