كرهت ام زوجي بعد ما كنت اعزها ! الطبيب يجيب 2024.

السلام عليكم
بنات انا مشكلتي مع ام زوجي صرت اكرها بشكل ما ينوصف و راح اذكرلكم الاسباب اول شي انا متزوجه لي ثلاث سنين اول سنة كنا انا و هي زي السمن على العسل من قبل ما احمل بفتره بدأت المشاكل اول مشكله كانت على اسم النونو اذا كانت بنت هي تبغى تسميها ياليت عليها لا على اسم امها كانت متمسكه بكلمتها طبعا انا ما حملت الا بعد ما كملت سنه و نص لان ربي ما كتبلي كنت اتأثر لو شفت وحده حامل و لا اذا نزلتلي الدوره يعني كانت نفسيتي صفرررر و تجيني اوقات ابكي لكن ما يأست الحمد لله و كنت ادعي لين ربي كتبلي احمل كانت الفرحه ما هي واسعتني و حتى زوجي طاير من الفرحه اعطينا لاهلينا خبر و الكل بارك لنا لكن ام زوجي كان عقلها و قلبها مع الاسم
المهم وصلت تقريبا للشهر الرابع بدأت تسأل زوجي اذا عرفنا انه ولد او بنت قالها باقي بعدين فتحت موضوع الاسم و قالتله اذا كانت بنت سميها …….. ( المهم ان الاسم جدا قديييم ) و تعرفو بنات الجيل دحين كيف اساميهم
طبعا زوجي مررا مهو عاجبه يعني مو بس انا و قام رفض الا هي شالت الدنيا و حطتها ليش و ما ليش و عشان تلين قلب زوجي سوت نجاسه و صاررت تبكي تخيلو ☻ و طبعا الكلام ذا وصلني من زوجي قلتلو بالله مين اللي حامل و بتولد انا و لا هي قال : مدري ليش ممسكه معاها غلط لكن بحاول معاها اللي طمني ان زوجي معايا و لا كان مدري ايش صار فيني من التفكير يعني بالله ما فكرت قد ايش مستنيه لحظة حملي و تجي كذا و تخرب فرحتي المهم ما قدرت سرت كل ما اتذكر اتحسب عليها
بعد فتره رجع زوجي كلمها لعل و عسى تقتنع لكن لا حياه لمن تنادي جاني زعلااان يقول امي مدري ايش فيها صايره كذا هنا انا حسيت بان فرحتي راح تنخرب سرت ما اتمنى البنت بسببها و صرت ابككي و اتحسب عليها صارت مشاكل كثير بيني و بين زوجي بسبب الاسم ذا لان زوجي كان يقولي هاذي امي مقدر اردها و جا اليوم اللي عرفت فيه ايش في بطني و الحمد لله طلع ولد و راح على طول اعطاها خبر عدت فترة حملي بسلام الحمد لله وولدت
نسيت اقولكم شي سلفتي حملت بعدي بشهرين تقريبا وكان من نصيبها انها تحمل ببنت هي عندها ولد قبلها
طبعا احنا كذا طلعنا من الموضوع و صار الكلام عليها المسكينه و ربي ي بنااااات انها متمسكه بكلمتها لين ولدت الكل حاول معاها و لا في اي فايده طبعا انا كنت والده ليا شهرين يعني لسئ مالحقت انسى الم الولاده يعني مسكينه بعد تعب الحمل و معاناة الولادة تخرب فرحت ولدها و مرته حسبي الله بس
انا حقدت زياده لان كان عندي امل انها تقتنع لكن انصدمت
لاني تخيلت نفسي مكانها
المشكلة الثانيه : لمن كنت حامل في التاسع طلعت لنا فلم جديد سالت زوجي اذا اشترينا طقم نفاس و لالا قالها زوجي لا لان عندي مفرش الدخله جديد و فخم و كان حلو و قلت لزوجي مو ضروري يعني انا راضيه باللي عندي و كمان بحكم ان وضعنا المادي ما يسمح لكن هي اصرررت اننا نشتريه و قامت تقول شوف فلانه امها اشترت لها و امها سوت لها صراحه دي انا اعتبرها وقاحه و حتى اهلي وضعهم المادي ما يسمح صارت بيننا مشاكل هو يقولي نشتري و انا اقوله اللي عندي كويس لان لو اشترينا راح يطير كل الراتب و ايش حيبقى لنا و غير اني بولد في مستشفى خاصه صح يشملها التامين بس برضو لازم ندفع
صرررت ابكي لان صرت احس بنقص رحت لامي و قلتلها الهرجه من الى و انا ابككككي لان لو طولت اكثر من كذا مدري ايش راح يصير فيني قامت امي تهدي فيني و قالت خلااص و لا تزعلي احنا نشتريه و للاسف راحت تسلفت عشان تشتريه شايفين كيف الوقاحه وربي ما تستحي
المشكله الثالثه : طبعا مع كل المشاكل اللي صارت انا صرررررت اكره ام زوجي كره العمى صرت لمن اشوفها اسلمها عليها عادي و اتكلم معاها و اضحك مجامله عشان زوجي بسس
اتصلت يوم من الايام على زوجي و قعدو يتكلمو و بعدين سألتو ليش ما صرت اسلم على راسها و جلست تتفلسف يعني كأني صرت فاسده عشان ما سلمت ( لان اول كنت اسلم على راسها دحين سلااام عادي كانها اي وحده انا لو علي ما ابغى اسلم اصلا بس السلام لله )
مدري هي حست اني حاقده عليها و لا كيف لكن انا مررره ما بينت لها لاني كنت معاها جدا عادي
طبعا لمن خلص زوجي من المكالمه جا سالني عن السبب و اخذها تحقيق طبعا لازم اكذب ايش اقولو انا اكرره امك و لا ما ابغاها صعب قلتلو ما في شي و بينت له ان الوضع عادي و اني ما كنت اقصد و قلتلو من المرا الجايه بفتكر و اسلم عليها ان شاء الله شايفين كيف تفرض رأيها في كل شي و تدخل يعني كذا ما اقدر اوصف لكم الى اي مرحله وصلت في كرهي لها ااااااخ بس و ربي وصلت لمرحله اني نفسي اقتلها و اشرب من دمها بس ايش اسوي ما راح استفيد شي
و امس حصلي موقف مع زوجي تضاربنا انا و هو عشان طبخه هو يبغاها و قال خذيها من امي انا اول كنت اتصل على امه و اسأل عنها لكن دحين بس اذا شفتها اكلمها يعني تقريبا اسبوعيا باشوفها قمت صرت اصرف و قلتله يعني انا من زمان ما اكلمها اجي اكلمها دحين عشان طبخه قال ايوا ليش صرتي كذا ما تدقي عليها قلتله انو انا يلا الله القى وقت مع ولدي و قمت االف عليه و اخترع له اعذار عشان ما ادق يعني ناسي كل اللي سوته امه اذا هو ناسي انا ما نسيت هي اللي كرهتني فيها صراحه و لو قلتله اكيد حيوقف معاها و يركبني الغلط و ممكن تصير مشاكل لكن زي ما يقولو البابا اللي يجيك من ريح سده و استريح
و دحين صارلي 8 شهور والده الين دحين مني قادره انسى كل ما افتكر اتضايق و ادعي و اتحسب عليها صرت افكر ايش راح يصير بعدين .. ساعدوني ي بنات ايش اسوي كيف اتغلب على ذا التفكير صرت من فتره لفتره اتذكر و اتضايق تعبت و الله

استغفر الله العظيم الذي لا إله إلا هو الحي القيوم و أتوب إليه

المشاركة الأصلية كتبت بواسطة غرام طفلة والله انتي اللي مكبرة الموضوع و حاقدة على ام ريلج انا ما اقول انه هي مب غلطانة بتصرفاتها بس ما توصل انج تكرهينها وتقتلينها وتشربين من دمها !!! بعدين ريلج لازم ينسى تصرفاتها هذي امه ولا تبينه يحقد عليها ويقطعها !!! موضوع تسمية البيبي خلصتي منه للابد لانه زوجة ولدها يابت بنت و سموها على امها يعني هالموضوع ارتحتي منه و اعتقد انها ما راح تطلب منكم هالطلب اما بالنسبة للمشكلة الثانية فكان المفروض تسمعي وتطنشي و ممكن كنتي تفهميها انه انتي راضية باللي موجود عندج وما تبين تخسرين ريلج والمشكلة الاخيرة هي قصدها تستفسر ليش متغيرة عليها … وما اعتقد انها غلطت بشي موفقة استغفر الله العظيم الذي لا إله إلا هو الحي القيوم و أتوب إليه

فعلا
احمدي الله أنها مو مثل حماة هل وقت