انا ماادري كيف ابدأ لانه شارد فكري من امس مااعرف اش المشكله بالضبط امس زوجي جالس على النت يسولف مع زميل له بخصوص ان زوجي ارسل له جزء من الزكاه الخاصه فيني اناواهلي وتفاجأت انه ارسلها لهذا الشخص يقول انه محتاج.!!طبعا هو اجنبي هالشخص
انا جيت سالته كيف محتاج وهو يسولف معك عالمسن؟كيف يدخل النت هذا مومحتاج شكله؟قال الا محتاج اهله بعيدين وهو يكلمهم عن طريق النت ارخص له..! قلت له اساله طريقة دخوله للنت مومعقول تروح فلوسنا على مصاريفه للنت وفيه ناس احوج منه للفلوس.!
قام زوجي عصب وتضايق قال انتي ماتثقين فيني ولاعبيت عينك وسكر النت وقام متضايق
الزبده موهنا لكن هناكانت بداية المشكله.
المهم انا رحت اتقرب منه عشان اراضيه وقلت له كم كلمتين حلوات وقال خراطه طبعا بكيت بحكم اني بعيده عن اهلي وحسيت بالقسوه والوحده مدري حساسه شويتين
المهم عصبت زياده وكلمه منا وكلمه منا لين قال انا تعبان خلاص اتركيني في حالي..
المشكله انه صار يتنفس بقوه ويتنهد بقوه وقام جلس بالارض وعطاني ظهره خفت من المنظر قلت قم لاتقعد بالارض
وياله قام وقالي انتي تحسسيني بالفشل وعدم الثقه بالنفس وانا كنت اعاني من هالشي وانا صغير وقلت لاتزوجت بتخلص منه لكن انتي زدتيه وقال اذا بتساعديني اني تخلص منه والا اتركيني اعيش حياتي ..
(زوجي مو متوظف وظيفه حكوميه رسميه عشان كذا يحس انه فاشل ولاقدر يكمل دراسته بحكم انهم ماقبلوه بالجامعه)
المهم
انا هنا انصدمت ولااادري وش معنى كلامه لي..مع اني ماكان قصدي كل هذا..وقال انتي ماتحبيني
المهم قال بنام قلت لاتنام وانت كذا قريت عليه آية الكرسي قام انهز كل جسمه برجفه قويه
(طبعا هالرجفه تجيني انا بعد كأني خفت من شي عند النوم وقمت مفجوعه اكيد تعرفونها)
وبعدها قعد يبكي بصوت عالي شوي ..انا خفت وتجمدت مادري شسوي وقتها وبعدين قال خلاص مافيني شي
ونام
..مادري يابنات وش هالحاله اللي عنده عجزت اشخص حالته؟؟هل هو مرض نفسي او شعور بالنقص او مادري ليه وليه تجيه ؟؟مع ان امس كان مبسوط الحمدلله ولافيه شي ابد..!!
مع العلم ان هالشي حصل له قبل سنه وكان يقولي نفس اللي قالي ..!وآخر شي يبكي..
ولااعرف كيف اتعامل معاه
اسفه طولت وثقلت عليكم بكلامي لكني والله محتاره مررره ولاادري كيف اتصرف وايش اقوله اذا قام من النوم ..
انصحك تروحي انتي واياه لشيخ يرقيكم
ممكن هذا الشخص اللي يرسل له يكون ساحره او شي
مشكلة الثقه مالها دخل بالبكاء بصوت عالي
وبعدين المفروض الزكاة ماتعطوها لأي أحد
ترا كثير انتشرو الارهابيين والدواعش يسلبو اموالنا عن طريق النت ويستخدموها في غير مرضاة الله
روحوا لشيخ يرقبه يمكن فيه شي
موفقه حبيبتي
تساعديه وتر فعي معنوياتو
الله يعينك ويوفقك