صباح الخير صبايا انا من كثر السهر والفضاوه يعني لا شغله ولا مشغله جاء ع بالي اللحين موضوع المدرسات اللي درسونا اولا الله يجز اهم خير والله ماقصروا معانا بس اللحين اللي ابغاه بموضوعي كل وحده تكتب مين الأبله اللي كانت غاليه عليها واللي جاب الموضوع اللحين والله ابله والله أني لو اقول عنها اللي اقوله قدرها اكثر من كذا بقولكم اسمها هي ابله:منى البابطين.. جعل ربي يساعدها كانت دائماً تفهمنا وتفهم ضروفنا اذا شافت بالحصه وحده متضايقه تحاول تتغاضى عنها ولا مره سببت إحراج لاحد الله يستر عليها والله باقي مدرستا كثير يستهلون المدح اذا تفاعلتو معي بكمل معاكم يلا كل وحده تكتب مين الأبله اللي كانت تغليها…وان شاء الله يعجبكم موضوعي…
المهم راحت وحده واعتذرت لها بالنيابه عن الجميع
اسمها امل وناسيه اسم العائله لانه قديمه يوم كنت باول ثانوي الحين انا متخرجه من الكليه وفيه استاذه عمري ماانساها لانها طيبه وتنجح ههههههههه الاستاذه سلمى وتنظر لنا على اننا بناته الله يوفقهن ومشكوره على الموضوع الرائع ذكرتيني بايام المدرسه
معلمة الدين الرائعه فكل ماتعلمنا اياه كانت مطبقته على نفسها اولاً..
وايضاً لا انسى معلمتي الفاضله بهيه القليطي في الثانويه ذات القلب الطيب الحنون والتعامل الراقي, ورغم تباعد السنين إلا انني مازلت اذكرهن,,
,,,للمعلم فضل كبير في انشاء الاجيال
و قليلون هم الذين يدرك هذا الفضل,,,,
فكره رائعه….جميع معلماتي لهن بصمتهن الخاصه بداخلي وبفضل الله ثم هن توجهت للمسار الذي اسير عليه الان
ومنهن المعلمه البارعه المذهله المتمكنه المخلصه المتحدثه باللغه العربيه بطلاقه وللحديثها لباقه …ماشاءالله لاقوة إلابالله معلمتي,,,,[[سعاد الحجيلي]]حقا اكن لها الاحترام والتقدير بداخلي….
فعلا لها فضل كبير بعدالله علي….اقرالله عينهابإبنتها واوابنائها…
شكرا معلمتي!!!!!!!!!!!!!!!
تعالو بنات نكمل الموضوع أنا مادرست سنه او سنتين هذي 12 سنه بكل سنه نشوف مدرسه اعظم من الثانيه اللحين بقولكم عن ابله؛ مها كانت تدرسنا احيا والله ان مادة الاحياء حق الثنوي تعرفون كيف دسم سهلته علينا اكثر من كلمة كثــــــــير جعل ربي ييسرلها كل أمورها لا وفوق كذا كانت تسولف معانا عادي مو خلاص جات ابله نسكت بس يضايقها شي واحد اذا صار فيه اختبار وتجي وحده تقولها ماذاكرت تعالو شوفو شلون تعصب أتوقع اللي درستهم وشافوا موضوعي علطول بيعرفونها…
يلا لاتوقفون خلينا نشوف قدر المدرسات كم عندنا…
من جد الابله اللي نفسي اشوفها الحين هي مدرستي باول ابتدائي اسمها الاستاذه سميره حمزه
الله يذكرها بالخير ويعطيها الصحه
كمان فيه الاستاذه فوزيه حمود الفريح كانت تشجعنا داااااايما والكل عندها سووووووا
وابله بدريه السواجي..وبالمتوسط كانت ابله هيله الزهراني الله يذكرهم بالخير
ويسلموووو عزيزتي عالموضوع من جد حمستيني شوي واقوم البس مريولي ابي ادرس»»»»»ههههههههه لاتصدقون
والله بالابتدائي صار لي موقف مع ابله علياء كانت تدرسنا صف رابع المهم كانت تبيع مقالم وبعدين جت اول يوم وماكنا ندري انها تبيع علشان نحسب حسابنا بالمصروف ورحت عندها أنا وبنات يمكن كنا خمس بنات وكل وحده حجزت لها مقلمة ع اساس نجيب بكره الفلوس ونأخذ حقنا المهم بعد ماطلعت الأبله بعد حصتين جات ونادتني وقالتلي خذي هاذي وانا كان معاي فلوس بجيبي وقلت لها تفضلي أستاذه قالتلي لا هذي مني خبي فلوسك وقولي للبنات انك دفعتيلي وبس وتخيلو أنا والله اني لليوم أموت واعرف ليه سوت معي كذا قاعده أبرر لنفسي اقول يمكن شكلي كان يكسر الخاطر..هههههههههه
والله لو الود ودي لادور عليها وإرسالها وارتاح..
اممم الابلة الي ماناساها من تعااملها الراااقي معانا واسلوبهاا وطيبتها مس وضحى العذبة كانت تدرسنا اجتمااعيات والله لحد الحين القصص الي كاانت تقوولنا ايااهم مانسييتهم الله يذكرهاا بالخيير ,,,
يعطيك العافية ,,