——————————————————————————–
اليكم بعض الوصفات غير عادية وما تجربها الا اللي تريد؟::::::::::::
1/ اذا جاء زوجك من العمل وطبعا تعبان وودة يقيل ( نومة بعد الغداء ) شغلي الغسالة وابدأي في غسيل الملابس وياليت يكون باب الحمام مفتوح علشان يستمتع بصوت الغسالة.
2/ اذا رحتي معاة للسوق ( لاسمح الله ) واصرّ انة يدخل محل معين أصري على عدم الدخول تراة شايف وحدة ( احلى منك ) دخلت المحل وودة هو ووجهه يتميلح قدامها.
3/ اذا تأخر في الليل عن الحضور في موعدة وبمجرد ما يفصخ ثيابة ويدخل الحمام يغسل شمشمي ثيابه هي نفس الريحة حقتة والا تغيرت وشوفي الثوب من الخلف من جهة الياقة فية ( حمره ) وللمتحضرات تعني ( روج سان لوران ) وللقديمات تعني (ديرم ) .
وشوفي بعد شماغة شعرة لاصقة هنا والا هناك ..الامر ما يخلى
4/ اذا حصلتية منهمك في مطالعة التلفزيون ولازم يكون مبارة بين الهلال والنصر حطيلة طرطيعة وراء ظهرة من حقت البزارين بقايا عيد رمضان .
النقطه الجااايه مهمه جداً جداً … ركّزوا معي
5/ اذا كنت تشتغلين وهو برضة يشتغل يعني اثنينكم بتروحون الصبح للدوام طبعا لازم يكون فية شغالة ..خلية الين تجي الساعة 9.30 واتصلي على البيت وبترد الشغلة وفي نفس اللحظة دقي على جوالة واذا سمعتي صوت جرس الجوال في السماعة معناة تتركي الدوام وتروحين للبيت وتدعسين في بطنة ولا تنسين الشغالة .
6/ حاولي انك تبرمجين الرسيفر حق القنوات الفضائية بأنك تلغين قنوات لبنان كلها وتحطين قناة ( المنار/ السودان / السعوديه الاولى والثانيه ..ولا يمنع وجود الرياضيه / والشارقة )واذا اصر انة يتابع ( ما إلك الا هيفا او فيديو كليب نجلاء حق الحصان ) عليك بأفيوز العداد خرجية وارمية فوق سطوح الجيران.
7/ اذا جاء في يوم وعادة يكون في الصيف وقال لك عندي انتداب لتبوك او جيزان تراة كذاب مسافر كازا بلانكا ( المغرب ) مع الشلة حتى وان كان الجواز معك بيطلع ( بدل فاقد )
8/ اذا جاء في الليل ودخل ينام واعطاك ( اشكل ) يعني عطاك ظهرة قومي سيدتي ببخ الغرفة بالمبيد الحشري ( فليت ) وقفلي الباب وروحي كملي سهرتك قدام التلفزيون
9/ حاولي تقشطينة اول بأول ترى اذا كثرت الدراهم راح يتزوج عليك علشان كذا غثية كل يوم طلبات .
10/ سيدتي العزيزة انا غير مسئول عن أي مضاعفات تنتج خلال استعمالك لهذه الخلطات
كالطلاق والتكفيخ والتدعيس والرفس لانها حالات فرديه خخخخخخخخخخخخخ
شكرا على موضوعك
هذا تطفييييش رسمي
لكن احلى شي:
6/ حاولي انك تبرمجين الرسيفر حق القنوات الفضائية بأنك تلغين قنوات لبنان كلها وتحطين قناة ( المنار/ السودان / السعوديه الاولى والثانيه ..ولا يمنع وجود الرياضيه / والشارقة )واذا اصر انة يتابع ( ما إلك الا هيفا او فيديو كليب نجلاء حق الحصان ) عليك بأفيوز العداد خرجية وارمية فوق سطوح الجيران.
خخخخخخخخخخخ
حلوه بس مو بس في البيت!
نسيتي الديوانيه!!
يا متزوجات
اهم شي دواوين ازواجكم
ديروا بالكم
تسلمين ترانيم ورديه