بسم الله الرحمن الرحيم
السلام عليكم ورحمه الله وبركاته
…….
كان ياماكان في سالف العصر والأوان كان في شاب اسمه(خالد) يحب 
بنت عمه (سمر)وده يخبرها بحبه لها راح وكتب رسالة حب طاهره يقول فيها انو يحبها ويقدرها ويحترمها ويطلب منها انو تنتظروه لين يخلص الدراسة ويشتغل ويتقدم لها راح لبيتهم وعط شغالتهم الرسالة وعطاها عشر ريال وفي طريقها رايحه تسلم الرسالة قابلها الأب وقالها وشو ألي بيدك قامت وعطتو الرسالة قراءها وقال لها إذا سألك قولي عطيتها (سمر) وصار (خالد) كل أسبوع يكتب رسالة ويعطيها الشغالة ومعها عشر ريال وهي تسلمها الأب وكان يتسأل (خالد) ليه ماترسل (سمر) له رسايل وبعدين قال أكيد تستحي
مرت سنتين على ذا الحال تخرج (خالد) وقال لأبوه (بوخالد) انو وده يخطب بنت عمة فرح 
ورحب بلفكره وكلم أخوه وقاله العشا عندك بكره
ومرت الثواني والدقايق والساعات بطيئة
تحمل سنتين مايدري ليه الوقت يمشي على مهله أجتمعو الأخوان في المجلس وقام (سعد) اخو (سمر) يصب القهوة لعمه وولد عمه إلا يقول (بو خالد) مانشرب قهوتك لين تنفذ طلبنا قال (ابو سعد) وهو أصلا شاك بطلب إلا متأكد منه وشو طلبك يخوي استغرب (بوخالد) توقع يسمع كلمه تم بلع ريقه وتمالك أعصابه
عشان خاطر(خالد)وقال نطلبك يد بنتك (سمر) ثار (بوسعد) وقوم الدنيا وصفع (خالد) وقال لك عين بعد جاي تخطب استغرب (بوخالد) شسالفه يعرف أخلاق ولده مصلي مسمي لاراعي سفرات ولابنات وكلن يشهد بخلاقه ويقوم (بوسعد) ويفتح الدرج ويطلع منه رسايل كثير
ويرميها بوجه (خالد) ويقول السالفة لآخوه
ويلف (بوخالد) على ولده ويتفل(يبصق)
عليه ويقوله سود الله وجهك 
قم ويطلب السماح من أخوه,,,,,,
السؤال هنا ليه بوسعد رفض خالد عاده قبليه في نظري مالها داعي إذا اكتشف الابو إن ولد أخوه أو أخته يحب بنته يرفضه حتى لو كان كفئ أبي رأيكم في الموضوع دمتم سالمين…….
مشمش
انة له ما جاء خالد وطرق باب عمة ابو سمر
وطلب يدها ؟؟؟
افضل من الرسايل …
وكويس انها رسائل ورقية .. مافي مسجات جوال … وايميلات
واضح ان عقليته متحجره الحب مشاعر واحساس نفس الجوع والاحساس بالنعاس
او اي احساس طبيعي من الله وفطري يميل الذكر للانثى لكن هذا خالد خطبها يعني موقفه يصلح لما يعلم بزواجه من وحده ثانيه
لكن بصرااااااااحه قهررررني حرام عليه
مستغفل خالد بالرسايل ورده كمان