زوجي الحبيب انا اريد ادخل الجنة حملة لنشر الحب والسعادة في بيوت المسلمين
يا جميع الاخوات والصديقاات
الموضوع باختصار اننا كلنا نفسنا ندخل الجنة …..صح ؟
الرسول صلى الله عليه وسلم عرفنا ان دخول المرأة الجنة بأنها تؤدي فرائض ربها وتطيع زوجها
ان شاء الله الفرائض ربنا سبحانه وتعالي يعيننا عليها وسهلة ان شاء الله لكن التانية…
زوجك جنتك ونارك أه هنا بقى الجد
إما ان ربنا سبحانه وتعالى يمن على المرأة بزوج طيب ومحترم وابن ناس وتبقى المهمة سهلة واكيد ان شاء الله تكون زوجة صالحة لانه سعينها على ذلك ..
وإما العكس يكون الزوج للاسف ابتلاء للزوجة ويحتاج منها جهاااااااااااد طويل عشان تكون زوجة صالحة وتدخل الجنة وطبعا في حالات كتير كدة
الهدف بقى من الموضوع ده اننا نحاول نقدم حلول واقتراحات عملية لكل زوجة بتحاول تكون زوجة صالحة ونساعد بعض كلنا اننا ندخل الجنة
مع ملاحظة مهمة اننا لا يكون كل هدفنا بس كيف نسعد هذا الرجل ونتفاني في ارضائه حتى على حساب المرأة او كرامتها اوحتى قدراتها على طاعته …..
لا.. لازم نراعي الزوجة واحتياجاتها واكيد في حدود جميلة عملها لنا ديننا العظيم
الله نفسي تكون حملة لنشر السعادة والحب والتوافق في بيوت كل أزواج المسلمين
عاوزين اقتراحات عملية
تجارب نفيد بعض بها
نصايح من حبايب قلوبنا صاحبات الخبرة
تحفيز وتشجيع مستمر لبعضنا
واكيد ثواب ده عظييييييييييييم عند ربنا سبحانه وكله يهون عشان الجنة
طب لو اسعدنا ازواجنا هانستفيد ايه
طبعا اهم حاجة انك هاتحسي بالسعادة الحقيقية لان نفسيتك دايما هاتكون مرتاحة
… هتنامي وانتي مطمنة انك ان شاء الله من اهل الجنة بس لازم الفرايض زي نص الحديث الشريف…
… أولادك هايطلعوا اصحاء نفسيا وبلا عقد بالعكس لما يكبرا هيطبقوا ده في بيوتهم وتكون صدقة جارية ليكي
البركة وزيادة الرزق لانك هاتبعدي الشيطان عن بيتك
ها…. مين أول واحدة هاتسبق ع الجنة وتبدأ بأول مشاركة
مشاركة (4)..أول فكرة عملية
(5)..الله جميل يحب الجمال.. انتى قمر انتى حلوة انتى اميرة
(6)..كيف تأسرى قلب محبوبك
(7)..السحر الحلال لدنيا الوله
(8)..لهذه الاسباب يقبل رجولى – العضوة فافا الجلاصى
(9)..جلسة محبة…
(11)..حضور كريم وتثبيت – المشرفة الرائعة ديما
(12)..الهدية المفاجأة – العضوة ايثار 2024
(15)..هل تدخلى الجنة وحدك ؟؟؟؟؟
(16)..هل تتمنى الثراء السريع..تعالى مجربة.. .
(19)..قصة حقيقية رهيبة
(21)..لوزوجك عصبى ومتغير بيوم من الايام-العضوة نيرااااان .
(24)..هذا ما ينتظرك
(25)..العمر كله عسل فى عسل
(26)..استعيدى حب عمرك لاحضانك
(27)..تعالى نحارب ونرجعه لعشه
(28)..كونى ملكة على عرش الانووثة
(42)..هيفاء..اليسا..نانسى..باى باى اسلحة الانوثة الفتاكة
(44)..فنوون ااغراء وصواريخ سكوود بعيدة المدى
(45)..فن العذااب اللذيذ
(51)..قصة حب تبكى
(52)..تعالوا نتجوز من اول وجديد…..
.
… ضعى مشاركتك
|
المشاركة الأصلية كتبت بواسطة سكن العيون
 سلام ،،،موضوعك حلو اختي ،،،انا في شي مخلي زوجي بقولي انك زوجة صالحة وهي ،،أني دائماً اذكره بالصلاة حتي لو هو مش في البيت اكلمه واذكره ودائماً لما احس انه مقصر مع ربي أقوله انا نبي ان نكون مع بعض للابد والأبد هو الآخرة نبي ندخلو الجنه مع بعض ودائما يضحك لما نقوله مش حنتركك في الجنه لحور العين انت متاعي انا بس في الدنيا والاخرة
|
التذكير بالصلاة عمل مهم جدا جدا
للوصول لسعادة الدنيا والاخرة
شكرا سكن العيون على اول مشاكة وخطوة
شكرا ليكم على مشاهدة الموضوع لكن ارجو تفاعلكم الجميل مع الموضوع وفي ميزان حسنات الجميع باذن الله
ونعطر الصفحة البيضا الجميلة دي باحلى و اغلى عطر …
الاخلاص لله واحتساب العمل كله لله وكدة ان شاء الله نفرح لأننا نكون زي المجاهد في سبيل الله وكمان الاخلاص شرط قبول العمل
الحب مفتاح القلوب الحب ثم الحب ثم الحب
أول فكرة عملية لي بسيطة جدا…
كل واحدة فينا تقعد مع نفسها و تفتكر كل صفات جوزها الجميلة.
وكل مواقفه الحلوة معاها وأعماله الصالحة ومواقف الشهامة والرجولة الي عملها والذكريات السعيدة الي بينهم…
والاماكن الجميلة الي كانوا فيها مع بعض..
وتعبه في شغله عشانك وعشان الاولاد وكبري الصورة دي في نفسك جدا عشان تشوفيه كبير ومحترم ويستاهل حبك واحترامك وتقديرك
مستحيل ما في انسان يخلو من خير
وكل ذكرى وحشة او موقف ضايقك منه تجاهليه دلوقتي و افتكري اننا احنا بنبدأ صفحة بيضا جديدة
انا متأكدة انك باذن الله لو عملتي كدة هتلاقي ان جوزك فيه حاجات كتيييييييييير حلوة انتي ما كنتى شايفاها وهاتحسي ان فعلا الحب هايزيد في قلبك
جمعوا افكاركم.. عاوزين السعادة ترفرفر على كل بيوت المسلمين والحب الي يرضي ربنا يملا القلوب
طاعتي لزوجي لا تنقص من قدري
طاعتي لزوجي ارضاء لربي
طاعتي لزوجي امتثالا لأمر حبيبي محمد صلى الله عليه وسلم
انتظر تفاااعلاتكم
الله جميل يحب الجمال
انتي قمر انتي حلوة انتي أميرة
وعلى فكرة انت حلوة ولازم تكوني احلى لنفسك اولا …. كل ما بتهتمي بنفسك وجمالك كل ما ثقتك في نفسك بتزيد وتشعري بكيانك اكتر
وثانيا…. انتي حلوة لجوزك حبيبك لان المحبوب يحب دايما يشوف حبيبه في احلى صورة
ايه بقى الخطوات العملية – طبعا يا قمر دي امثلة وماشاء الله المنتدي ملياااااااااان بوصفات هايلة نشوفها ونحاول نطبقها ان شاء الله
1- العطر ( البرفان ) تعرفي ان الرسول صلى الله عليه وسلم اشترى للسيدة فاطمة بنصف مهرها عطور
2- جددي في نفسك اعملي نقش حنة – صبغة – غيري قصة شعرك- غيري نمط لبسك في البيت – غيري الوانك الي متعودة عليها
3- اشتري ملابس جديدة و الوان رومانسية ناعمة وتكون فيها انوثة وحركات وتظهر جمالك
4- اعرفي ايه اكتر حاجة جميلة فيكي وابرزيها يعني لو جسمك حلو ورشيق هاتي ملابس تظهر ده اكتر ولو اسنانك حلوة خليكي مبتسمة طول الوقت ….
5- اعرفي ايه المشاكل الي ممكن تقلل من جمالك وحاولي تعالجيها
6- الصوت اكتر ما يميز الانثى خلي دايما صوتك ناعم وقريب للهمس
7- نضفي نفسك من جوة يعني الغل الحسد الحقد الكره …
8- كل ما تحسي من جواكي انك جميلة كل ما ده هاينعكس على شكلك الخارجي وينتقل الشعور ده لكل الي حواليكي واولهم جوزك حبيبك
9- قيام الليل السر الاول للنور ووضاءة الوجه
شاركينا بافكارك
كل يهون عشان الجنة
حبيباتي في الله ايه اخبار الجنة في بيوتنا ؟؟؟؟؟؟
ان شاء الله يا رب تكون بيوتنا جنة في الدنيا واخرتنا رفقة مع حبيبنا سيدنا محمد صلى الله عليه وسلم
…… الافكار ان شاء الله الجاية اكييييييييد بفضل الله هاتخليكي في قلب وروح وعيون حبيبك ومش هايشوف غيرك في الدنيا
شوفي يا حبيبتي كل انسان عشان تدخلي قلبه لازم يكون معاكي المفتاح الي تقدري تفتحي بيه القلب ده
وطبعا المفتاح ده يختلف من انسان لانسان والست الذكية هي الي تعرف ايه مفتاح قلب جوزها طيب والي متعرفش …..ولا يهمك سهلة
انت لاحظي ايه اكتر حاجة بيحبها جوزك وبتأثر فيه وهو ده المفتاح الي تدخلي منه لقلبه يعني مثلا في واحد عاوز مراته دايما تدلعه وتعامله اكنه طفل صغير وعلى العكس في واحد لو مراته استخدمت معاه الاسلوب ده ممكن يضايقه ويحس انها كدة بتقلل منه
انتي بقى بذكائك اقعدي النهاردة وفكري ايه هو مفتاح جوزك واشتغلي عليه كويس
وعشان اسهلها عليكي اكتر هاقولك
شوفي يا حبيبتي النااااااااااااااس تختلف كتييييييييييييير لكن تتفق في حاجة واحدة
تأثر في الكل وتأسر كل قلب تعرفي هي ايه ؟؟؟؟؟
الاحسان والعطف لان الانسان اسير الاحسان ومفتاح كل القلوب هو الرحمة والحنية
الخطوات العملية بسرعة :
نادي عليه دايما بكلمة حبيبي خلي في كل حوارك معاه كلمة حبيبي موجودة
حسي بيه لو متضايق وبيني له ده وعيشي معاه مشاكله لحد ما تلاقوا حل سوا
امسكي ايده بحنية وطبطبي عليه لان التلامس الجسدي رائع في التقريب بين الناس ما بالك جوزك حبيبك
اهم حاجة بلالالالالالالالالالالالاش العتاب الكتير( طنشي)مهمة اوي وعلى فكرة هايكون فاهم كويس وهايقدرها لك
استخدمي كلمات تبيني بيها لهفتك عليه
دايما ادعي له و ولا تتخيلي دي بتفرح الشخص ازاي وادعي انكم تكونوا مع بعض في الجنة هاتفرحه اوي
لا تتقلي عليه الطلبات خاصة لو هاتكون فوق طاقته حسي بيه وهو لما يعرف ان ده تنازل منك هيعمل كل جهده وهايحققهولك
لو غلط معاكي معلش سامحي واحسن العفو
من وقت للتاني ابعتي له ابتسامة حنية وخاصة لو كنتوا خارجين او معزومين عند ناس بتفرح اوي بيحس انك مشغولة بيه حتى في وسط كل الناس دي
وكله يهون عشان الجنة
حتى لا تجعلى زوجك صيد سهل جدا لاي واحدة تانية تعرف تعطيه ما يحتاجه
اعملي سحر بس سحر حلااااااااااال
حبيباتي ماذا يريد الرجل …. ؟؟؟؟؟؟؟؟؟؟؟؟؟
الست الشاطرة لازم تفهم طبيعة الراجل …
الراجل بتحكمه صفتين عكس بعض وهم الرجولة والطفولة …يعني لازم تعرفي تشبعي احتياجه كرجل وكمان تشبعي احتياجه كطفل
كيف اتعامل مع الرجل الي اسمه زوجى ؟؟؟؟؟؟؟؟؟؟؟؟
كوني اسيرة (ضعيفة)- على فكرة الرسول صلى الله عليه وسلم ودي معجزة – عند موته وصى الرجال على المرأة ووصفها بالعوان وهي الاسيرة واثبتت كل التجارب ان مقاومة الراجل تنهار تماما امام المرأة الضعيفة وخاصة دموعها لانه تشعره برجولته اكتر وبالتالي يزيد الرغبه عنده في الانجذاب لها
اظهري احتياجك له و-بشكل فطري ربنا خلقه عليه هيتفاني في مزيد من العطاء لكي وسبحان الله مش القوامة بالانفاق كلما انفق عليكي كلما كنتي في احتياج اوعي تستغني عنه على الاقل اشعريه انك محتاجة له
اظهرى غيرتك عليه لكن طبعا في حدود عشان يحس بكيانه وترضي غروره
شجعيه دايما واظهري تقديرك له ولتعبه هايكون حافز له انه يقدم اكتر لان هايرتبط عنده العطاء بسعادة وهي كلمة حلوة يسمعها منك
كلمة شكرا سهلة لكن تملك قلب جوزك خليها ملازمة في كل عمل يعمله لك حتى لو بسيط
اشعريه انه بطل انه فارس احلامك انه الرجل الوحيد في الكون واوعي تخافي انه يتغر لا بالعكس هيقلدك وهايخليكي انت كمان عنده نفس الشئ
لا تخلعي برقع الحياء عن زوجك فالحياء كله خير كما قال حبيبك صلى الله عليه وسلم اجعلي الحياء يصبغ خديك بالحمرة وانظري لزوجك كغريب احيانا
ادفعي زوجك للخير دائما واشعلي فيه الرغبة الفطرية للخير حثيه ع الصدقة وصلة الرحم وخليه يتقدم في عمله وساعديه يكون محبوب من الجميع
كوني انيسة وحدته والصدر الحنون الذي يضم ويحنو عند اشتداد الهموم فاكرة السيدة امنا الحبيبة السيدة خديجة رضي الله عنها كنت بتعمل ايه مع حبيبنا صلى الله عليه وسلم
اعرفي نقاط ضعفه واشبعيها واياكي ان تطعنيه فيها لحظة غضبك اياكي ومعايرته عند الغضب اياك للاسف كتير من النساء تفعل
اتركي له مساحة من الحرية اياكي تحاصريه حتى ولو بحبك تدللي وكوني عزيزة احرميه منك من فترة للتانية لتجديد الوله والاشواق
عشان الجنة كله يهون