يا أخوات والله أنا مش عارفة أحط موضوعي ده فين أنا هحكي قصتي وهتركها للأخوات المشرفات يضعوها في القسم المناسب لله الحمد أنا تزوجت مرتين مرة تزوجت وطلقت من زوجي بعد سنة وستة أشهر وكان نتاجها طفل هو معي الآن عمره 11 عام وفي مراحل التعليم طول عمره متفوق الحمد لله وكانت الأسباب هي عدم تحمل الزوج مسئولية البيت فكان هو المدلل في المنزل وولد على بنات زي ما بيقولوا عندنا في مصر وكانت المأساه فكانت النتيجة الحتمية بعد كل هذا هي الطلاق بعد طلاقي بعامين تقدم لي رجل فاضل جدا وعلى خلق ودين ولكن كان معه أربعة أطفال لهم أم توفيت فتزوجنا وارتضينا بالحياة معا وكانت الحياة معه في غاية السعادة وبصراحة كانت حلم وردي ولكن جاء القدر ليذهب إلى المستشفى ويعمل عملية توفي بعدها بعام وأيضا كانت نتيجة هذا الزواج طفلة هي الآن عمرها 7 سنوات ومضى على وفاة زوجي الثاني حوالي 5 أعوام الآن فمنذ ذلك الحين وأنا أجاهد في الحياة بين عمل وراحة لكي أوفر لأولادي حياة كريمة طيبة وتقدم لي بعدها أشخاص كثيرين لكني كنت في بعض الأحيان أتردد لأن بعضهم كان يرفض تربية الأولاد والبعض الآخر كان بيحسبها بالورقة والقلم وبصراحة كنت برفض بشدة لأني بقدم مصلحة الأولاد على كل شيء فهم ما تبقى لي في هذه الدنيا ومش مستعدة أخسرهم لأي سبب من الأسباب ولكن الحياة في مصر أصبحت صعبة جدا مش عارفة ليه دايما الأرملة بتبقى عاملة زي الكهربا ماشية على الأرض ودائما الستات تغير منها وبيبقوا متصورين أن الأرملة عاملة زي القنبلة لما تنفجر مما تبقى درة علطول الواحد تعب بصراحة من المعاملة دي لدرجة إني كنت برفض الأشخاص اللي ليهم زوجات ومش عايزة أكون درة ليهم حرصا على مشاعر أي زوجة ممكن تتأذي لمجرد أنها تسمع إن جوزها اتجوز عليها – المهم أنا ليه طلب صغير عند الأخوات اللي تقدر تدعيلي ياريت بالصبر – والحاجة التانية إذا في أي أخت ممكن تساعدى بتوفير فرصة عمل بدخل جيد حتى أستطيع أربي أولادي التربية الجيدة فأنا أجيد أعمال الكمبيوتر ومعايا شهادة ICDL وعلى فكرةأنا دبلوم فني قسم كمبيوتر وأعمل مدربة بالفترة ولي خبرة في الأعمال اليدوية فياريت أي أخت تقدر تساعدني يكون ليها الجنة إنشاء الله وتوفر لي فرصة عمل إما داخل مصر أو في أي دولة عربية أكون شاكرة جدا جدا ويارب أكون ضيفة خفيفة عليكم وشكرا ليكم
لاحول ولا قوة الا بالله
معلش يا عسـل
وانتى ربنا هيديكى ان شاء الله على اد صبرك
وتربية اولـادكـ
والله انـا لسـه بتعلم فى المدرسه مش هقدر اساعدكـ اوى
بس انا متفقه معاكى ان مصر فعلـا العيشه
بقت صعبه جدا فيها وخاصة بعد ارتفاع الاسعار
عشان كده بقولكـ ان جالك عريس كويس
ورضى يربى اولـادك معاكـى
وافقى عشان تعرفى تربيهم وانتى كمان تبقى محروسه من العين
وعن الوظآئف
انتى ممكن تدخلىة القسم ده
ويـأرب حد يسـاعدكـ
ويارب يصبرك ويعزكت ويقدرك
على تربية اولادك ويبعتلك الزوج المناسب
وهديعيلك فى كل صلـاه ان شاء الله