بسم الله الرحمن الرحيم
اول شيء ارحب بالجميع 
ثاني شيء الله يجزاكم خير ان ابي حل ابي اي وحده عندها خبر وعندها خلفية بالحياة
طبعا انا متزوجة الحمد الله حياتي فيها المشاكل الله يعين عليها وانا جهاد مع المشاكل 
لدرجة ان شعري صار ابيض وانا لسه صغيره حتى القرحه والمرارة انفجرت خلوها على الله عسى ربي يفّرجها انا بصراحه طفشت من الاشياء اللي بتحصل معي وللعلم اني اول مره اكتب واتمنى منكم تعطوني الحل اللي يريحني ويريح نفسيتي لان بجد احس استسلمت للمشاكل 
زي ماقلت لكم متزوجة ولكن في معاناه مع ام زوجي مايعلم فيها الا الله لان خوفي من الله فوق كل شيء بس التعامل معها حاجة تقهر فوق ماتتصورون
طبعاَ ام زوجي هي قريبة لي وانا لي تقريبا 10 سنيين والله العظيم بداريها ولا عاجبها حتى الطرد طردتني بدون سبب مره عشان تلفزيون ومره ليه انا لابسه ومتمكيجه حتى المكياج واللبس تزعل منه والله اللي يعلم قد ايش اداريها ما صرت اتمكيج ولا البس 
واشيل واحط لاقيتها تمادت حتى زوجي يصدق كلامها واشياء تقولها انا ما اقولها تتدخل في كل شيء والله لو اجيب ملعقه في بيتي تتصل على زوجي ليه جبت وليه تسوي ولييه وليه وليه انا طفشت من كثر مشاكلها اذا جيت اسلم عليها مدت البوز وزعلانه تعطيني ججنب ولا كأني موجوده كيف حالك ماتتنزل تقولها لي بس امشي واقول الحمد الله الله سبحانه يقول ادفع باللتي هي احسن بعدين صارت تتكلم وتقول انا حالفه ما ادخل بيتكم ولا اركب سياره مع زوجك وانا ياربي مافي سبب زوجي مره مطيع طيب حتى بيتي اللي انا ساكنه فيه تقولي ترا مافي سكن ببلاش ادفعوا اجار والله العظيم انه وضع الحمدالله اقسط وقروض ولا تراعي مع العلم انه ابو زوجي ماشاء الله مو مقصر بأي شيء للعلم انه انا ساكنه فشقة لحالي وهي في دور تحتي ولا انا من حريم العيال اللي بيتلقفوا يعني حالي حال نفسي ولابتكلم تحصل عزايم وحفلات والله ولابيقولون مرت ولدي نعزم ونقولها مع اني عايشه لحالي اهلي في منطقة وانا في منطقة ثانية احس اني مليت والله بحاول اتقرب الاقيهم حتى في التليفون السب اسمع اصواتهم لان الخطوط متشابك وانا قلت لهم اكثر من مره ترا اصواتكم تبان عندي اخته الكبيره تشتكي وتسب مع خطيبها واخته الصغيره سب مع صديقاتها وامه مع الجارات حتى الناس اخذوا عني اشياء والله انها ماهي فيني
بس انا عندي مشكله انه هي صلة رحم لازم اوصلها بالسلام مع انه بعض الاحيان تدخل غرفتها وتقفل بابها وانا بطنش وغير كذا انا طيبه وما ازكي نفسي على الله وفي نفس الوقت باخـــــــــــاف منها بس احاول ما ابين لها لدرجة لسمعت صوتها وهي بتصرخ على زوجي يجيني مغص منها اعطوني حل في التعامل معها مع اني بتمنى من الله انه يهديه ويبعد شرها عننا قادر ياكريم
تحملي يا اختي واصبري وكل شي باجره
ولو تبين نصيحتي خلك معها رسميه وخففي روحاتك لها احسن لك.. اما بناتها مالهم حق عندك حتى لو ما جيتيهم.. وهي بس عشانها بمقام الوالده واحترام لزوجك
ولو فيه امكانيه تنتقلون لبيت ثاني احسن….
وبعدين حافظي ع الاذكار وادعي ان يصرف كيدهم عنك….
وبرضه فيه دعاء قوليه كل ما رحتي لهم او كل ما قابلتيهم….اللهم اكفني اياهم بما شئت….باذن الله راح يكفيك شرهم….
يالله ماعلش طولت عليك………..
الله يوفقك ويصرف عنك كيد الحساد ويشغلهم بانفسهم
وطنشيها ولا عاد تروحين لها ولا تكلمينها ولا شيء
حتى لو أنها أم زوجك .. ياأختي مافي شيء أهم من الكرامة
يعني تخلينها تدوسك عشان أسمها أم زوجك…….!!!!
والله لو أنا منك ماعاد يشوفوني ولا عاد أجيهم ولا يشفون ظلي بعد هذا اللي ناقص
وأنتي سويتي اللي عليك خلااااااااااااااااص مايبيلها واضح أنها هي اللي تبي القطيعة
أقطيعها وأفتكي من شرها … وبعدين بقول لك شيء ياحبيبتي .. ترا كل شيء له حد
يعني حطي لنفسك حدود ولا تخلين أحد يتعدى على كرامتك .. أنتي مو في حاجتها ولا حاجة غيرها
عشان تفرضين نفسك عليها كل شوي وهي مامتحملتك… خلاص خذيها من قاصرها.. وأسحبي عليها
وأحتفظي بالباقي من كرامتك.. وإذا زوجك كلمك بالموضوع قولي أنا مو ملزومة أفرض نفسي
على ناس مو طايقتني .. أهم ماعلي نفسي وكبريائي… وخلي عندك شخصية قوية
ولاترضخين لها ولا لكلامها لو تصير عيونها بيضاء .. والله هالنوعية من الناس
مايجون إلا بالعين الحمراااااااا..
تحياتي لك..