السلام عليكم
حابه اخد استشاره منكم
بنتي عمرها 5 سنين وجاتها حاله تشنج ومن بعدها نصف جسمها مايتحرك يعني عشت لحظه الناس اللي عندهم اطفال معاقين بس الواحد يقول الحمد لله بعدها في فتره رجع جسمها شويه الحمد لله
طبعا انا وديتها المستشفى في لحظتها اول مره يصيرلها والدكتور يقولي اشتباه جلطه الحاله نادرا ماتصير وماعرف سبب الشي اللي جالها مشينا على السيوله ولله الحمد طابت بس باقي يدها اليمين وجبنالها شيخ يقرا عليها قولت يمكن عين او اتلمست بسم الله عليها الحمد لله طمني قالي بنتك مافيها شي بس اعصابها مشدوده وعليكي بالقران والصدقه وان شاء الله ترجع بنتك احسن
الحمد الله مشيت على الصدقه والقران
بس المشكله اللي انا دحين باعاني منها
نفسيتها مررره تعبانه تصرخ تزعل على اقل شي حساسه بزياده
الحاصل انا قررت اني اوديها لدكتوره نفسيه عشان توجهني كيف اتعامل معاها كيف اخرجها من الوضع ده بالرغم انو من يوم ماجاتها الحاله وانا اعاملها بشكل كويس
ايش تنصحوني بدكتوره كويسه في المدينه المنوره اخصائيه نفسيه او دكتوره مختصه بمشاكل الاطفال ونفسيتهم واللي تدلني الله يجزاها خير
عجلو بالرد عشان ارتاح
ا
اسال الله ان يشفي بنتك واستمري ع القران والصدقه…
اتمنىمن اخواتي يدلني ومايبخلو علي
وحده ان يشفيها واسالي من حولك من
جيراك وجماعتكم اللي بالمدينه
ونفسي افيدك بس ماني من المدينه
انشاء الله تفرحي بشوفتها طيبة
لست في المدينة،وستدلك الاخوات
وفقك الله