اليوم جايبتلكم ماركة تجنن اسمها ليني روزيه
ماركة فرنسية في عالم المفروشات المودرن عندهم فرش منازل, أضأة, أكسسوريز و حاجات تانية
الحماسي في الموضوع أنو عندهم 50 مصمم و مصممة و طبعا كل واحد و وحدة عندها تصاميمها و الستايل حقها… بس كلو تحت اسم واحد… فمشاء الله الكولكشن لو حاجة ماعجبتك أكيد التانية راح تعجبك
الكرسي هدا شكلو مريييييييييح و مرة حلو كيف طالع شكلو زي يد حنونة على الي حاضناه
مرة يعطي احساس بيت بحر و ويك اند و فللة
الكراسسي و القعدات هادي تنفع للقراءات الجادة و الي عاملة جروب قراءة… مكتوب أنو متصمم من الروح المغربية
هدا المودرن أكتر شي… أبيض و أسود نفسي أشوف بيت هنى زي كدا بس طبعا أحس ماينفع للي عندهم أطفال كتير لأنو حيسير حصة تلاوين
القعدات هادي مرة عجيبة كأنها مراتب و كسروها و خلوها كده
السرير… مكتوب أنو الأطراف متعدد الاستخدامات لكسب المساحة في البيوت المودرن
حركة حلوة أنو البورد حق السرير يكون لونو زي الجدار … أحس حلوة الحركة
بسيط و أنيق
من أحلى السراير الي شفتها في حياتي
جلسلت السفرة مودرن صغيرة مرة ما تنفع لنا لازم 20 صحن عشان ناكل كويس هههه …. لازم شركات الدايت يروجو للطاولات هادي
المكتبة هادي قمة الابداع و الخيال
طاولة التلفزيون حلوة بس أحس الديكور حق الغرفة مرة أحلى
طاولة مرة عادية حلاوتها في بساطتها
مرة حبيت المودرن
ويعطيكم العافية
منقوول
وتفتح النفس التنسيقات والالوان
ومو بس طاولت الطعام اللي ما تنفع لنا هذا النوع من الديكور ما ينفع لنا بالاخص العايلات السعوديه
لانهم ما شاء الله لا يقل عدد الافراد عن 8 او 9 واطفال وحوسه وهاذي للناس الاتكيت