السلام عليكم يا حلوات
اليوم حبيت اعرفكم على اكلة سورية طيبة كتير بس انا عملت عليها تعديلات محدثة اسمها مخلوطة العدس وهي اكلة غنية بالمكونات المفيدة جدا للجسم وخاصة بفصل الشتاء
بس انا بعملها بطريقتي الخاصة انشالله تعجبكم نبدا بالمكونات
2 كاس عدس مجروش يعني البرتقالي اللون
واحد كاس رز مصري مش رز بسمتي لازم يكون حصرا ابو الحبة القصيرة معروف عندنا بالمصري
نصف كيلو كباب
حبة بطاطا
3 فلفل احمر
اربع مكعبات ماجي
رشة بهار ابيض
ربع ملعقة زنجبيل مطحون
بصلتان
جزرتان مبشورتان
يالله نبدا
نسلق العدس اولا على النار مع حبة البطاطا ورشة البهار الابيض والزنجبيل المطحون والماجي وننتظر حتى تستوي البطاطا والعدس
وبقوم بهرسها بالخلاط وتصبح كما بالصورة
[img]
[/img]
ثم نقوم بتكوير الكباب الى كرات صغيرة ووضعها في مقلا تيفال وقليها على نار هادئة [img]
[/img]
وطبعا الارز يكون مغسول ومنقوع نقوم باضافته الى العدس المطحون مع كرات اللحم طبعا بعد قليها جيدا ونقوم بالتحريك المستمر حتى لا يلتصق الرز ببعضه
وفي هذه الاثناء نضع بالمقلاة البصل المفروم ناعما والفلفل الاحمر المقطع ونقلبه جيدا حتى يذبل كما بالصورة
[img]
[/img]
نضيفه فوق الطبخة ونضع اخيرا الجزر المبشور ونحرك باستمرار حتى استواء الرز
[img]
[/img]
ولما تشوفونها استوت وصارت متجانسة تضعونها بطبق تقديم وترشون فوقها فلفل اسود وفلفل احمر ناعم للتزين كما بالصورة
[img]
[/img]
وصحتين وهنااااااااااااااااااااااااااااا
وصدقوني مش راح تندمو لانها اكلة طيبة كتير ولاحظو انها غنية بالمواد الغذائية
يالله انتظر ردوردكم على احر من الجمر ترا تعبت وانا احمل واكتب واصور 
هههههههههههههههههههههههههههههههه
هالله هالله على التقييم يا حلوين
شكلها كثير حلو ولذيذ
الله يعطيك العافية
روعه
اكلة حلوة وجديدة علي 🙂
لكن ارجوا منك كتابة اسمك…على الصور لانها من قوانين القسم..كي لا اضطر الا نقل الموضوع للاقسام الاخرى
واي مساعدة انا بالخدمة
تفضلي هذا الموضوع للافادة
طائر الوئام جاري التطبيق اشكرك