السلام عليكم ورحمة الله وبركاته
مساكم على صباحكم احلى من ريح الورد لافاح
مثل قلوبكم اخواتي سيدات منتدى سيدتي
ربي يسعد قلوبكم دوووووم برضا الرحمن عنا وعنكم
اليوم طبقي شعبي معروف ومحبوب لدى الكثير منا
وهو المرقوق
انا حطيته بطريقتي واتمنى ان يحوز على ذوووق الجميع
المقادير:
عجينة المرقوق مكوناتها {خمس اكواب طحين بر+ ماء = تعجن حتى تصير مثل عجينة الفطائر }.
تترك العجينه لمدة ربع ساعه ترتاح قبل فردها.
طريقة العجين :
اقوم بتقطيع العجين بحجم البيضه الكبيره.
بعدها احضر صينية فرن وادهنها وادهن يدي بعدها افرد قطعة العجين بصينية
كما هو واظح بصورة.
وادخلها في الفرن يكون حار يعني مشغلينه من فتره
بس يتغير لون العجينه بصينية من دون ماتتحمر بعدها نطلعه ونشيلها من الصينية
ونجمعهم بصحن زي ماسويته انا ((كذا اسرع من فردها وشيلها وحطها بالقدر مثل
مايعملو امهاتنا ممكن تنقطع منك وتخرب).
وبهذي الطريقة تضمنين بئذن الله ما تخرب معك ^_^
بقية المقادير:
كيلو لحم غنم بالعظم.(وممكن حاشي (صغير الابل للي مايعرفه).
طماطم مقطعة صغير العدد حبتين كبيره.
بصلة كبيره مقطعة صغير.
خمس فصوص الى راس ثوم مقشر حسب الرغبه.
ثلاث حبات ليمون اسود + مكعبين ماجي + ملعقة طعام ملح +ملعقة وسط ماجي ابيض(أجي نوموتو)
+ ملعقة وسط فلفل احمر حار + صلصة طماطم + فلفل اخضر بدون تقطيع حبتين .
خضار مشكله مقطعه تقطيع كبير(باذنجان + قرع + كوسة + جزر )واي خضار تفضلونها.
ورقائق المرقوق الي عملناها قبل تحضير المقادير.
الطريقة :
نطبخ اللحمه حتى تستوي نص استواء.
نحمس البصل بقليل من الزيت وبعدها اضع الطماطم ولما تنحمس كويس
اضعه على اللحمه بعدها اضع الصلصة وباقي المقادير ماعدا
رقائق المرقوق والخضار والليمون والفلفل الاخضر.
نخلي القدر يطبخ لمدة ربع ساعة
بعدها نضع رقائق المرقوق وحده وحده يعني لما نضع الرقاقه الاولى نتركها شوي
ونزيحاها على جنب مثل الصورة
ونحضر ثانيه ونضعها ولما تغلي نزيحها ونضع غيرها على جنب القدر لانه ما يصلح تحطين الرقاق
فوق بعض حتتكون عليك عجينة ثقيله غير مرغوبه
بعد ماننتهي من وضع الرقاق نصف الخضار فوق والفلفل الاخضر واليمون الاسود
ونخليه على نار قويه لمدة 10 دقائق بعدها نتركه على نار متوسطه
لمدة نصف ساعة بعدها نخليه على نار ضعيفه مره عشان مايحترق
وبعدها نقدمه نشيل الخضار من وجه القدر ونضع المرقوق
ونصف على وجهه اللحم والخضار واليمون الاسود ونرش عليه حسب ذوقك الفلفل الاحمر
او ليمون اسود مطحون يعطيه منظر حلو
وبالهنائي والعافيه
مع تمنياي ان تحوز على رضاكم
انتظروني مع اطباقي الاخرى.
ويعطيك العافية
شكرااااااااااااااااااااااااااا لك
والله شكلها بتفتح النفس
شهيتيني اكلهـــــــــــــــــــــــــــــــــا
