كيفكم بنات اليوم سويت مندي وحبيت انزلكم الطريقه بالخطوات كالعاده احط المقادير والطريقه اولا ثم الصور
نجيب اللحم ونقطعه بالحجم اللي تبغيه وتغسليه وبعدين تحطيه في قدر مع ماء وبهارات مشكله كزبره ناشفه قرفه ورق غار هيل وشوي بهارات مطحونه وبصل كبير عشان النكهه وتخليه تقريبا ساعه وتحطي ملح وماجي ابيض وتصفيه وتكوني مجهزه خلطه اللحم المندي وفاتحه الفرن من تحت وهي ملعقه ثوم بهارات كزبره ناشفه زعفران صفار ليمون ماجي ابيض او ملح صيني للطعم قليل من المرقه وتخلطيهم وتدهني فيه اللحم من جميع الجهات خليه 10 دقايق في الفرن من تحت وبعدين ولعي من فوق عشان يحمر في هذه الاثناء تصفي المرق من البهارات والبصل وتحطي الرز وقليل زيت عشان يفلفل الرز وتخليه الين يستوي تكوني منقعه في فنجان زعفران بالماء او المرق وصفار معاه وتحطيه في القدر النصف او في الجنب او على الرز كله وتكوني مجهزه فحمه بعدين تطلعي اللحم من الفرن وتحطيه فوق الرز وتاخذي صحن صغير وتحطي فيه زيت او سمن وتضعي الفحم وغطي القدر الى وقت الغرف وممكن تحطي الفحمه على اللحم في الفرن وتغطيه بقصدير وتجهزي معاه السلطه المطحونه طماطم كزبره ليمون فلفل حار على حسب الرغبه وبالعافيه عليكم
https://www8.0zz0.com/2017/07/01/01/684352328.jpg
https://www8.0zz0.com/thumbs/2017/07/01/01/544774087.jpg
https://www8.0zz0.com/thumbs/2017/07/01/01/178941044.jpg
https://www8.0zz0.com/thumbs/2017/07/01/01/581948846.jpg
https://www8.0zz0.com/thumbs/2017/7/01/01/15518101
اتمنى تعجبكم الطريقه وبالعافيه عليكم ولاتنسونا بالدعوات الحلوه ترى اول مره انزل موضوع بالصور عشان كذا الصور طلعت ناقصه بس يالله مشيت حالي
يسلمو..