أهلا وسهلا بكم سيداتي
وحشتوني كثيرا
اليوم جايبلكم طريقة جديدة ومبتكرة ومختلفة لعمل الدجاج
بصي هاتجيبي دجاجة متوسطة وتغسليها بالملح بعدين الدقيق وتشطفيها وبعدين اديها غسله كمان بلمونة بتقسميها نصفين وتعصريها عليها وتقلبي النصين بعد العصر وتمسحيها كويس من كل حتة (العصر اللي هو عصر الليمونة يعني مش بعد ماتصلي
وبعدين تحطيها من غير ماية في القدر الناشفة ومعاها بصل مقطعة قطع كبيرة
وبهارات وملح وفلفل ونقطة زيت وشوحيها بقي مع هز القدر
وبعد ماتتشوح كويس تحطي عليها ماية غالياها في البويلر بتاع الميه لحد ماتتغطي
عشان الدنيا برد
وادي الدجاجة بعد ماتشوهت قصدي استوت نص سوا
وتحطي في الكبة 2 حبة طماطم مع عصير نص برتقالة مع بابريكا ملح وفلفل وبهارات دجاج
وتضربيهم جامد جامد جامد لحد مايحرمو
وتغطي الدجاج من برا ومن جوا ومن تحت الجلد وتغطيها بالصينية بورق فويل
وتحطيها في الفرن علي الشبكة
وتولعي الفرن من تحت
لحد ماتحمر بقي هانحضر حاجة عشان تتحط في طبق التقديم مع الدجاج الا وهي
كور البطاطس اد كور البينج بونج كده بصي ازي
1-هاتسلقي البطاطس اوي وتحطي مع مية السلق ملح
2-بعد ماتتسلق تصفيها خااااااالص من المية وتحطي عليها
بقدونس مقطع ولبن نيدو اد معلقتين وملح وفلفل اسود وبهارات وكمون وبابريكا
وربدة طرية عشان تسيح معاها من السخونية
وتفضلي تهرسي فيها مع التقليب المستمر عشان تبرد وتتهرس في نفس ذات الوقت
وده شكلها اثناء التقليب
وبعدين تكوريها كور كور اد كور البينج بونج زي ماقولنا
وده شكلها وهي كور
وبعدين تغطيها في بقسماط وتقليها في ويت زي البطاطس المحمرة بالظبط
بس براحة عليها عشان بتوكن طرية اوي
وده وهي بتتحمر
وبعدين تطلعي الدجاجة بعد ماستوت واتحمر كمان من كل الجوانب مانتي كل شوية بتفتحي تقلبيها علي جنب
وتحطيها في طبق التقديم وتوزعي حواليها كور البطاطس المحمرة
وتوزعي عليها بقدونس من فووووق
وتعملي معاها ايه بقي يا حلوين شوربة لسان عصفور بشوربة الدجاجة هتطلع تجنن
يارب تكون الطريقة دي عجبتكو وتردو وتقيمو
|
المشاركة الأصلية كتبت بواسطة زهره الاردن
 تسلم ايدك يعطيكي العافيه
|
الله يسلمك حبيبتي
نورتي وأشكرك جزيل الشكر على المرور العطر وحضورك