وصفة التبوله……………….
1-ربطتين بقدونس
2-,وثلاث حبات بندوره
3-ونصف ربطه نعنع أخضر
4-وليمون حامض حسب الرغبه وبصل اخضر حسب الرغبه
5-وبرغل معلقتين كبار
6-وزيت زيتون 4 معالق كبيره
وطريقه التحضير
بتقطعي البقدونس ناااعم قد ما فيكي وبعدين بتغسليه وبتحطيه بمصفايه لحتى تروح المي عنو وينشف شوي
وبعدين بتقطعي البندوره ناعمه
وبتقطعي البصل نااعم
وآخر شي بتقطعي النعنع مشان ما يسود كمان ناعم واكيد انتي بتكوني ناقعه البرغل بمي بارده
وبعدين بتخلطيهم مع بعض كلهم الخضره بالاول وبعدين البرغل بتعصريه من المي وبتضيفيه للتبوله
وبعدين بتضيفي زيت الزيتون والليمون الحامض حسب الرغبه
وانشاءالله صحه وهنا
بس لا تنسو الملح
وهي صحن التبوله
هههه الصحن معجق شوي لأن بنتي كانت عم تاكل ما ستنت لحتى آخد صوره للصحن
تسرنا مشاركاتك معنا بالقسم
ياريت نشوفها دائما
منوره عيونـــــــــــي00
أميره بطيبتي شكرا على الدعوه الله يسمع منك
ويخليك بنتك يارب
