&**& قصة من اجزاء بالهجة السعودية&* *&
*·~-.¸¸,.-~*عمــــــــق القلــــــــــوب*·~-.¸¸,.-~*
شخصيات القصــــــه:
بيت ابو خالد:
ابو خالد**منصور**اب الاسره والي قريب بيصير جد وام خالد**ناديه** ام خالد من الرياض وعايشه في جده مع زوجها وهي اصلاً من لبنان وامها لبنانيه بس والدها سعودي……المهم عندهم ولدين وتلات بنات
_ خالد ابنهم الكبير وعمره27 سنه ولد وسيم ويشتغل طيار والكل يحبه ويحترمه وخصوصا اخواته لانهم يخافو منه لانه شوي عصبي بس هو حنون وخفيف دم لكن محد يدري عنه ويمووت في صديقه ماجد الي اصغر عنه بكم سنه بس يحبه ويموت فيه ((ماجد عمره 23 سنه ويدرس بالجامعه طب))وخالد تزوج قريب بحبيبته نهال وعايش في بيت ابوه وهادولا الاتنين عايشين اجمل قصة حب وبيرزقو عن قريب بطفل…
_مي البنت الكبيره بعد خالد عمرها 25 سنه بنت حلوه وجمالها مناسب واحلى شي فيها انها ام عطوفه ومتفهمه والكل يستشيرها لان عقلها كبيرر ومتزوجه من ولدعمها رائد الي حبته طول عمرها بس محد يدري عنهم ولا عن قصتهم وعندها ولدين يجننو احمد 5 سنين وفهد ولدهم البكر وسموه على جده فهد وهو اولى ابتدائي يعني عمره 7سنين…
_منــى بنتهم التالته وتؤم لأخوها امجد وعمرها17 سنه وهي ثالث ثانوي وعندها صديقتها الي لاصقه فيها ومن هم في الابتدائي**رهف رهف هادي قد منى ثالث ثانوي وبنت رقيقه وجمالها طبيعي وتحس البرأه في وجهها الطفولي بس ما شاء الله عليها اخلاق وادب والكل يعجب بها**منى بنت هاديه ويقولو عنها الي دمها بااارد بس رقيقه وعطوفه لأبعد درجه وهي بنت حلوه وجمالها اخااذ والكل يحبها برغم برودتها…
_امجد ثالث ثانوي تؤم منى بس ما يشبها بس حلو ومملوح وجماله يجننننننننن روووووووعه البنات يتخبلو عليه لانه يشبه امه فشكله صاير زي اللبنانين بس هوا ما يعطيهم وجه وماعنده حركات الاولاد الي زي عمره يحب دراسته ومخلص فيها وعنده خطط مستقبليه عظيمه…
_ورندا اختهم الصغيره اخر العنقود على قولتهم الي ثالث متوسط عمرها 14 سنه وهيا كمان اخده جمال امها وطالعه زي اللبنانين حتى بدأت تتكلم زي امها وهيا اكبر ملقوفه في العيله ويقولو عنها الساحره لانها تعرف كل شي بدون محد يقولها بس محبوبة العيله ودلوعتهم وصديقتها المفضله**مها اكبر منها بسنه اول ثانوي بس مقربه منها كتيـر واسرارهم عند بعض**ورندا الكل يعجب بشخصيتها القويه وهي معجبه بولد عمتها رامي تقول عليه يجنن متل جواد<<<ايه هادا الي مقطعكم يالبنات جواد وطقته…بس تقريبا بدت تنساه لانه صار لها زمان ما شفته
بيت ابو محمد:
ابومحمد*فهد* رب هالاسره متزوج من حبيبة قلبه ام محمد*نهى* برغم من كبر سن هالاتنين الا انهم متل العشاق ويموتو في بعض المهم
عندهم ولد وبنت
_ولدهم الاكبـر رائد ومتزوج من بنت عمه مي وعندهم ولدين كما سبق ذكره رائد حلو وجماله مناسب وهادي ومتفهم متل زوجته ويمووت عليها وما يقدر يبعد عنها يوم…
المهم
_وبنتهم التانيه لمــى وهادي جمالها مو طبيعي وجذابه وورقيقه والكل يعجب فيها بس يقولو عنها مغروره لانها دايما منطويه وما تخالط الناس كثيــر وهي عمرها 16 سنه وهي تاني ثنوي…
بيت ابو رامي:
ابو رامي**جمال** متزوج من ام رامي**غاده**
وعندهم ولدهم الوحيد رامي ولد حلووو ويجنن الكل وخصوصا اولاد عمه برغم من انهم اغلبهم حلوين الا انه احلى واحد فيهم لكن ما كان الكل يحبه لانه شوي مغرور المهم رامي عمره 21 سنه ويدرس بالجامعه هندسه وهو اقرب شي له خالد ولد عمه…
بيت ابو جابر(ابو جابر اخو ام خالد وساكنين بالرياض))
ابو جابر**هادي**متزوج من ام جابر**بسمه**
عندهم ولد وبنت
_جابر ولدهم الكبير بالجامعه عمره25 سنه اخر سنه حاسب آلي ولد عادي هادي وحبوب والكل يحترمه بسبب اخلاقه العاليه
_منال بنتهم الوحيده وهي اول سنه جامعه عمرها 19 سنه تدرس شريعه بنت مرجوجه عكس اخوها بس حبوبه واجتماعيه وصديقاتها كتيــر وهي ساكنه بجده في سكن الجامعه لظروف دراستها واذا عندها اجازه ترجع الرياض او تروح عند عمتها ام خالد تقعد عندهم وهي تحب وتموت في منـى الي مو مره معطيتها وجه…
المهم
نبــدأ قصتنا بعد هالتعريفات
رندا:يلااااااا عااااااد اتأخرنا على الاختبار بسرعه منووي <<<عندهم الاختبارات الشهريه
منـى: طيب طيب جااايه اصبري دقيقه
رندا: مافي حيبدؤ امشي قدامي يلا
منـى: الي يسمعك يقول الاوله على المملكه امشي يلا بس
رندا: اوووففففففففففف منك قووويه في التحيطم امشي وانتي ساكته يلا
منى: دا وانا اختك الكبيره اجل لو اصغر منك ايش كان سويتي
رندا: اممممم اظن بعطيك كفففف زي محا اسوي دحين لو ما مشيتي
منى: يالطيف سكنهم مساكنهم يلا يلا مشينا
وصلت منى رندا وراحت مدرستها مع السواق حقهم
ودخلت المدرسه متأخره كالعاده ووقفت في طابورها
منى: هااااي بنااات هاور يووو
البناااات: هايااات…بدري…ياهلااا<<ردود متفرقه
رهف وهي تنغز منى وبصوت واطي: كان اتأخرتي شوي حرام عليكي مره جايه بدري
منى: لا ياشيخه تستخفي دمك تدري رندا هلكتني هيا الي تأخرني<<<ايه ايه هين دحين رندا هي الي تأخرك
رهف: اي والله كيفها هالبنت وحشتني تصدقي
منى: اقول بس عن البكش دحين رندا وحشتك وكل ماتجي عندنا مضاربات وهواشات وصوتكم يوصل اخر الشارع اس بس اس ابغا اراجع والله صعبه الماده اليوم
رهف: اووففف والله انك ماتنعطي وجه طيب بسكت حتى انا براجع
منى تبتسم وتكمل مراجعتها ويختبرو ويخلصو حصصهم وتجي الصرفه
منى: ها ايش سويتي في الاختبار
رهف: والله الحمدلله ماشي الحال وانتي يا حضرة الدافوره
منى: احم احم ميه بالميه دافوره اناااا
رهف: هيهيهي صدقت عمرها المسكينه
لجين:اقوووووووووووووووووو وووول بنااااااااااااات
منى: بسم الله من فين طلعت هاذي
رهف: بشويش بشويش فجعتينا
لجين:ههههههههههههههههههها اااااي اااه ياقلبي على الرقيقات اقووول من منكم تتشطر وتوصلني…!!
منى: والله ياحياتي انا ما اقدر انا بروح اخد اختي رندا وانتظرها ساعه عشان تطلع فاذا تبي تجي تنتظري معايا تعالي<<<بكااشه اصلا رندا تطلع قبلها وتجي تاخدها
لجين:لالالا شنو انتظر ساعه والله مافيا خلاص بروح مع رهف…!!
رهف قالت في نفسها ايش هالبنت اللزقه ايش اقول لاخوي دحين يالله امرنا لله
رهف: اوكي اوكي تعالي معايا بسسسس….
لجين: بس شنوو
رهف:انا اخوي جايني يعني لو عايدي عندك تعالي معانا
منى ارتجفت يوم سمعت طاري اخو رهف وماتدري ليه السبب بس كان نفسها تشوفه زمااان ماشفته وكانت تحمله بعض المشاعر بس تقول مشاعر مراهقين ودحين تلاشت وهوا حاول معاها كم مره زمان بس هيا وقفته عند حده دايما تقول عايدي هوا زي اخويا فمن يوم ما سمعت الاسم قاعده تقول في نفسها زمان ما شفت هالادمي…..احس انه وحشني….لالا ايش هالكلام بس….اكيد احلو زياده…..هو كان اصلا حلو….يلا وانا وش دخلني خلني اروح بيتي وابعد هالافكار البايخه…
منى: يلا بنات مع السلاااااااااامه
رهف: استني فين طايره نخرج كلنا مع بعض
لجين: دقيقه اجيب شنطتي
رهف:طيب طيب بسرعه بس …اوووووففففف للزقه هالبنت
رهف: اقول منوي اليوم بمركم العصر
منـى :تعالي حياك ولو انه مانبي نفتك من وجهك
رهف: ايش طيييييب اجل خلاص بطلنا ماني جيتكم
منى: لا والله ياحياتي امزح دنتي حتنوري البيت والله
رهف: تسلمي حبيبتي اجل خلاص اتفقنا
منى: اقول يلا اقلبي وجهك لا ياكثر
رهف..!!:دوبنا ياحياتي وش فيك قلبتي
منى: هههههههههههه والله ابغا اطلع ومأخريني حضرة جنابكم
رهف:هادي لجووون الله يرجها هي السبب
منى: ههههههههههههه الله يعينك عليها يلا يلا لجين اتأخرنا
لجين: يلا امشووو
ولمن طلعو شافت منى رهف ولجين يدخلو السياره بس ما قدرت تشوف اخو رهف ماكان باين حاولت بس ماقدرت… المهم ركبت السياره
رندا: ايش دااااااااااااا ساعتين وانا استناكي اووووووووف خدامة ابوكي وانا ما ادري
منى………..ساكته كان نفسها تشوف اخو رهف
رندا: هي انتي اكلمك انا
منى: اقول اسكتي الله يرحم والدينك تعباانه وواصله حدي يلا راجو روح البيت
رندا: ااووووففففف تتأخر وكمان لها وجه تتكلم….يلا راجو امشي
راجو:زين ماما
رندا: ماما في عينك انا اجيب واحد قدك امشي وانت ساكت
منى تبتسم في نفسها وتسكت وتكمل افكارها
وراحت البيت وعلى طووووووول على غرفتها واخدتها نومه مانامت من زمان مظبوط مع هالاختبارات…..
ام خالد: ها رندوو حبيبتي شو عملتي في اختبارك
رندا:الحمدلله يمه والله كان سهل مررره<<<البكاشه خبصت بس تكذب
ام خالد: وين اختك منى ما اشوفها
رندا:اوووووفففف منها بنتك هادي يمه هلكتني بس تتأخر كل يوم….خلاص خلو السواق يوصلني وبعدين يرجعلها….
ام خالد: لا شو ترجع مع السواق لحالها لاخليك استحملي هادي اختك
رندا ومبرطمه يعني زعلانه: يصير خير
ام خالد: طيب وينها الحين
رندا: والله مدري بس اكيد نايمه في ساابع نومه
ام خالد: الله يعينها بنتتي مسكينه حبيبتي متعبه عمرها مع الدراسه وماكانت تنام ايام الاختبارات الله يهديها
رندا:هييييي اقووول ترى انا اغااار اانا بنتك حبيبتك ووووووبسسس
ام خالد: هههههههههههه الله يقطع ابليسك والله انك حبيبتي ونص كمان بس يلا لا يكثر تعالي معي خلنا نسوي الغدا من شان ابوكي اخاف يجي واحنا ما خلصنا…….
رندا:طيب يلا
وتروح رندا مع امها
ويدخل البيت شخص غير منتظر……رامي ولد عم رندا والبنات وهوعند الباب الرئيسي للفله
ابو خالد: ياهلا والله هلا بالغالي ولد الغالي هلا رمووي حبيبي شخبارك
رامي وهو يبوس راس عمه:هلا بالطيب هلا بعمي الغالي تمام الله يسلمك كيفك انت..
ابو خالد:بخير بشوفتك
رامي: عسااه دووم ياارب
ابو خالد: الله يسلمك اقول حبيبي عندي مشوار اروح وارجعلك ادخل حياك البيت بيتك تدل الطريق كلها ربع ساعه وراجعلك اوكي
رامي:خلاص براحتك انا ادخل ادل الطريق استناك لاتتاخر
ابو خالد:الله يسلمك ياوليدي يالله مع السلامه
رامي:الله معك
رامي:ســـــــلام يا اهل البيــت هوووووووو ايش دا مافي بشر هنا
ويدور رامي بالبيت يدور على احد..بس مافي فايده البيت هادئ…
قرر يروح يشوف له تلفزيون في غرفة الجلسه وينتظر عمه ودخل وما كذب خبر قعد يتفرج ويحوس بي هالقناوات وفجئه تدخل رندا الغرفه عشان تحط الاكل لأبوها وتنصدم من وجود رامي وهو كمان انصدم
اتجمتد البنت من محلها ماهي عارفه ايش تسوي بس بعد ثواني استوعبت الوضع وطلعت تجري
رامي في نفسه !!!!!! من هالملااااك؟؟؟؟؟؟
استغرب رامي من هالبنت لانه في الاصل ما يشوف بنات عمه وما يجي هنا دايما بس جننه شكلها الملائكي والروعه اخدته الافكار فحاول ينسى الموضوع ويكمل تفريجه الا وينط عليه خالد
خالد:ياهلااااااااا بولد العم هلاااااا توه مانور البيت
رامي وهوا يسلم على ولد عمه ويحضنه:هلا فيك حبيب قلبي واحشني موووت
خالد:وحشتك العافيه بس لو وحشناك تجينا تمر علينا تسأل فينا ولا بس فالح في الكلام
رامي وبصوت واطي ساحر:هههههههههه والله اشغال يالغالي
خالد:اوووه اوووه ايش فيك ياولد الي يشوفك يقول مسحور ههههههههههه
رامي: لا والله هههههههههههههههههه..رامي في باله((الا خبلتني هالملاك الي كانت هنا من شوي))
خالد وهو يجلس:المهم اخبارك واحوالك ياولد العم
رامي:الحمدلله ماشي الحال انت شخبارك
خالد:نحمده الا ايش الموضوع مشرفنا اليوم
رامي:استحي على وجهك احد يقول كدا يعني ماتباني يلا انا خارج
خالد وهوا يمسك رامي من يده: هيهيهي يازينك وانت تتمصخر اقول اقعد بلا بياخه
رامي:لا والله تعال اديني كف احسن
خالد:بكل سرور…….
وفعلا يعطيه كف بس على خفيف شوي
رامي وهو مقهووور:من جد قليل ادب
خالد: هههههههههه اقول مو انت الي طلبت انا مالي دخل
رامي وهو ناوي ينهي الموضوع: طيب طيب اسكت بس
خالد: ايش فيك ياولد العم شكلك مضايق لاتكون زعلت
رامي:لا ايش شايفني ازعل لا بس ابوك قلي ربع ساعه وبيرجع وانا صارلي اكثر من نص ساعه هنا شكله نسيني يلا مو مشكله انا بروح واجيكم مره تانيه
خالد: لا والله احلف انت بس
رامي: ايش فيه؟؟
خالد:مافي روحه بتتغدى عندنا من متى ماجيتنا بالله غداك اليوم عندنا انتهى…
رامي:ههههههههههه الله يهديك انت وهالتسلط كل شي تقرره انت ماتخلي للواحد فرصه يتكلم بس يلا انا اصلا جوعان وابغا اكل<<<كذاااب بس لمن شاف ديك الملاك ماسكه الاكل قال اكيد هيا الي مسويته ويبغا ياكل من يدها وقال يمكن اشوفها تاني
خالد:هييييييي ابو الشباب فين رحت امشي معايا يالله
رامي:هاااا ايش تقول
خالد: لا والله انخبل الولد فين وصلت
رامي يبتسم ويقول بصوت واطي:للقمر
خالد:اوووه اووه قمر وحركات اقول بلا غباء امشي قدامي بوريك شي
رامي:ايش هوا
خالد:انت تعال وبعدين تشوف
رامي:اوووف خلاص طيب امشي
ويطلع خالد ومعاه رامي للحوش الخلفي
رامي: اوووففففف اوووفففففف ايش كل هالزين
خالد: ها ايش رايك حلوه مو كدا
رامي: الا تجنن من فين جبتها يابن اللذينا
خالد:شفت كيف مالي يومين مشتريها<<<يتكلمو عن سيارة خالد الجديده
رامي:يالله تتهنى فيها ياعم مين قدك
خالد:احم احم يلا عقبالك لمن تشتري وحده احسن منها
رامي:لا ياعم اانا حقتي عاجبتني ومو ناوي اغيرها ماكلمت تلاته شهور خليني اتمتع فيها
رهف:هههههههههه بنتك هادي مصيبه ياخاله
منى وهي تسلم على صحبتها وتغمز لأمها:بس مو انصب منك
ام خالد:ههههههههههههه الله يسعدكم يابنات يلا انا بدي اروح ارتاح لو تبو شي في عندكم تيتا انا رايحه مع السلامه
رهف:الله معاكي ياخاله
منى:اقعدي الله يرجك متى جيتي
رهف:من ربع ساعه تقريباً وبعدين تعالي تعالي هنا فين رايحه مع كل هالكشخه
منى:ولا محل بس اتكشخ واتشيك لصحبتي حبيبتي ولا ما يحقلي
رهف:لا يحقلك ونص كمان ههههههههههههههههههه
منى:هههههههههههه جيتي مع مين<<<تستهبل
رهف: مع مين يعني مع السواق
منى؟؟؟؟!!!:قولي والله
رهف:ايش فيكي انصدمتي كدا لا امزح مع اخويا
منى:اهااااا قولتيلي….اخوكي مين
رهف:وانا كم اخو عندي تدري ان اخواني مسافرين ومازن هو الوحيد الفاضي والموجود
منى:اهااا
رهف:وليه كل هالتحقيقات مو بالعاده
منى:لا ولا شي
رهف:اقووول تعالي نروح غرفتك ابغا افك النت بوريك شي رهييييييييب
منى:طيب يلا امشي
ويطلعو البنات الغرفه ويقعدو على النت كم ساعه ويتسلوو
وفي المسا رندا تكلم مها بالتلفون مره تانيه
رندا:والله ياحبيبتي اشتقتلك وينك ماتجينا
مها:وانا اكثر والله بس تدري ظروف الدراسه
رندا:تكفي الله يخليك ارحمي نفسك ههههههههههه يلي يسمعك يقول فيي التوجيهي وانا مدري
مها:لا ياعمري اولى ثانوي اصعب من التوجيهي المهم ماقلتيلي شخبارك واحوالك وعلوم جيرانك هههههههههههههههههههههههه
رندا: تستخفي دم حضرتك آآآآه لوتعرفي شو صار اليوم
مها:شو صار يابنت اللبنانيه<<<تتريق عليها
رندا:حزري مين شفت اليوم
مها:مين يعني
رندا:رامـــــــــــــــــ ي
مها؟؟؟؟؟:ومين رامي دااااا
رندا:يؤ يؤ كيف ماتعرفيه نسيتي الي زمان كنت احكيلك عنه واقلك شكله يجنن
مها:اهاااااااا عرفتـــــه الي من ايام الطفوله هههههههههه هوا عايش
رندا:لا والله ايام الطفوله شو الموضوع ماله اكتر من سنتين
مها:طيب مو ياحبيبتي من سنتين كنتي طفله ومازلتي ههههههههههههههههههههههههه
رندا تعصب:مع السلامه
وتقفل رندا التلفون في وجه مها لانها من جد عصبت وهيا اكره ماعندها احد يقلها طفله او صغيره وهيا صحيح عمرها صغير لكن عقلها كبير ويوزن بلد…..<<<دا زي ماهي مفتكره
رهف ومنى نزلوو من غرفت منى يشوفو الاحوال
رهف وهي تحضن رندا:وييييي فديتهااااا الزعلااااانه والمعصبه انااااا<<<رهف امها اماراتيه
رندا:هلا والله
رهف:ايش فيك
رندا:ولا شي بس دبوي اتزاعلت مع مها
رهف:اهااااا ولا يهمك مدام انا هنا انسيها هههههههههههههههههه
منى:الله يرجكم يارب والله انكم هبل اقول رهف تعالي نتفرج الفلم الهندي الي قلتلك عنه تلاقيه جا دحين
رهف:اوكي بس اخويا بيجي في اي وقت ان شاء الله الحق اشوفه
ويدق التلفون في هاللحظه
رندا: الوووووووو
……….
رندا:اوفففف لو انتي مها ما راح اكلمك اوكي يلا باي
……:لالا دقيقه انا مو مها اصبري الله يهديك
رندا:اجل مين انتي
…..:انا مناال يامجنونه
رندا:اهاااا منال ياهلا والله هلا بالغاليه
منال:دحين غاليه ودوبك كنتي تبي تقفلي السماعه في وجهي الله يهديك بس
رندا:اسفين يابنت الخال والله كنت احسبك صحبتي الهبله
منال:اوكي حصل خير كيفك وشخبارك
رندا:الحمدلله عايشين
منال:طب كويس خليكم عايشين للاسبوع الجي
رندا:وليه يعني للاسبوع الجي
منال:تترررااااااااا لاني انا حجيكم يلا اسسسسس لا تقول لا احد بسويها سبرايز….
رندا:اوكي حياك
منال:الله يسلمك حبيبتي اقوول منى موجوده
رندا:ايه دقيقه اعطيك هيا
منال:اوكي
رندا:منــى استني لحظه لاتروحي خدي كلمي
منى:ميييين؟؟
رندا:كلمي وانتي ساكته
منـى:اووف منك هاتي خلنا نشوف رووحي رهف الغرفه وانا بلحقك
رهف:اوكي استناكي لاتتاخري
منى:طيب
وتكلم منى منال وتروح رهف غرفة الجلسه وتدخل وتقعد تتفرج الفلم وهي مبسوطه
وبره البيت………..
خالد:هلا ابوو الامجاد
ماجد:هلا فيك حبيب قلبي
خالد:لك وحشه ياوحش فينك عني
ماجد:موجود كاني قدامك
خالد:يامرحبــابك يلا تعال ادخل البيت اليوم بيعرضو فلم هندي شي رهيييييييييب
ماجد:لا والله انا امووت على الافلام الهنديه
خالد:ادري فيك يلا امشي خلنا نشوفه
ماجد:مشينا بس بالله روح جبلي كاسة مويه عطشان
خالد:اوكي تامر امر من عيوني ههههههههه بس انت اسبقني على غرفة الجلسه
ماجد:لا والله ادخل البيت لوحدي لا حبيبي انت وصلني بعدين روح
خالد:يا اهبل عندك الباب الوراني مايحتاج تدخل البيت واعتقد انك تدل الباب
ماجد:طيب بشويش اكلتنا اهوه انا رايح استناك
خالد: طيب طيب
ويروح ماجد للباب ويدخل نفس الغرفه الي فيها رهف وهو بيلعب بالجوال ومو منتبه للجالس في الغرفه معاه ويقعد على وحده من الكنبات القريبه من الباب وشوي يقطع عليه لعبته ويظهر له
الوالد
يتصل بك
ماجد وهو يرفع راسه:ايوه هلااا بالغـــ…..ويسكت من الصدمه ويطيح الجوال ايش دا مين فين طلعت هادي…من متى هيا هنا….كيف ما انتبهت لها
ورهف المسكينه الي كانت في حاله ماتنحسد عليها
هيا كمان انصدمت لمن سمعت صوته في البدايه ما انتبهت له كانت منتبها للفلم ومشدوده له وارتبكت لمن سمعت صوته وشافته ماعرفت ايش تسوي اتجمدت محلها وما قدرت تتحرك لان الباب بعيد عنها وجنبه
مرت حاولي نص دقيقه وهما متجمدين حس ماجد بنفسه وفاق وقال ايش هالهبل كيف قاعد اطالعها وكمان جالس قام بسرعه وخرج بره الغرفه وقعد مو مصدق ايش دا البيت ومين دي لاتكون اخته وتروح تفضحني عند خالد والله مو ناقص مشاكل…..
ويجيه خالد
خالد:بسم الله الرحمن الرحيم ايش فيك ياولد ليه كدا شكلك كأنه احد ضاربك كم كف على وجهك
ماجد:ها نعم ايش تقول
خالد:لااااا منت صاحي ايش فيهم اليوم الناس كدا لاااا وشف بعد كيف بتعرق هاك خد مسح عرقك وامشي ندخل
ماجد:لاااااااا استنى لا تدخل
خالد:ليــــه
ماجد في نفسه يا غبائي اخته ويكشف عليها انا اشلي
ماجد وهوا يبا يهرب من الموقف:لا ولاشي بس دقيقه نسيت شي في السياره بروح اجيبه
خالد:طيب بسرعه
ويدخل خالد الغرفه ويشوف جوال ماجد مرمي على الارض فيشيله ويحطه على الطاوله
ويجي ماجد بعد ما اتعدل وضعه
ويدخل الغرفه وهو خايف شوي
خالد:ها لقيت الي تبغاه
ماجد ما عرف ايش يقول فمسك جيبه:لالا مالقيته كنت ادور على الجوال حقي
خالد:ههههههههههههههههه ياغبي جوالك هنا
ماجد افتكر صح انه كان بيكلم ابوه بالجوال لمن شاف البنت
ماجد:من جد فينه
خالد وهوا يعطيه الجوال:خد يابويا لقيته مرمي على الارض شكله طاح من جيبك وانت بتجلس
ماجد اخده وهوا يحمد ربه شكله خالد ماعرف شي
ويقعدو الاتنين مع بعض ويسولفو
وبره في الصاله
رهف:منـــــــــــــى الحقينيييييييييي
منى وهيا بتكلم في التلفون:اوكي منال اكلمك بعدين يلا باي
رهف:وانتي للحين ماخلصتي تلفون سااااعه راميتني لوحدي
منى:افففففف منها هالبنت ها ايش فيكي وجهك مصفر و مخضر ايش صار يعني كلها عشره دقايق
رهف:ايش صار قولي ايش ما صار
منـى: اووففففففف ايش صار من جد
رهف: تعالي غرفتك بقولك
ويطلعو الغرفه
منى:ها ما بتقوليلي
رهف:لا اول شي جيبي لي مويه
منى:لا والله وتتشرطي كمان
رهف:لا والله من جد ابغا مويه ريقي ناشف
منى: طيييب امري لله
وتروح منى وتجيب المويه
اخدت الكاسه وبدت تشرب زي الي ماعمرها شافت مويه ويدها ترتجف
منى:اوففففففف شكل الموضوع كبير ايش فيك رهووف حبيبتي شو صار