السلام عليكم ورحمة الله وبركاته
كيفكم
أول رواية لي ان شاء الله تعجبكم
" عريجية بنات " للكاتبة : كلي ششوق
رجاء الي بينقلها يكتب اسمي 🙂
الشخصيات :
عائلة أبو فيصل :
أبو فيصل " حسين ": 47 سنه حنون ع عياله و هو اكبر واحد باخوانه
أم فيصل " مها ": 42 سنة حنونةة معلمة
فيصل : 22 سنة ثالث جامعة ، حلو وشعره لين رقبته ناعم ، ابيض جسمه معضل شعره اسود
تولين : 18 سنه ثالث ثانوي ، حلوة شعرها الا اخر ظهرها ناعم اسود سواد الليل ، بيضاء ونحيفه وطويلة شوي طولها حلو ، ما تحب تفضفض
ربى : 7 سنوات مع ربى بكل شيء يعتبرون نفسهم توأم يسمونهم التوأم المختلف خخ ، شعرها زي شعر تاله، وهي ع قولتهاا الاخت الكبيرة لأنها اكبر منها بثلاث أيام خخ فديتها 🙂
عائلة أبو نواف :
أبو نواف " نايف ": 45 سنه يشبه اخوه أبو فيصل ونفس الصفات بعد
ام نواف " نوره ": 40 سنه أخت ام فيصل وهي بعد معلمه
نواف : 22 سنه هو وفيصل أصحاب الروح بالروح ، شعره طويل بس اقصر من شعر فيصل شوي بني غامق اسمر بس سماره حلو
نور : 18 سنه صاحبة تولين الروح بالروح ، شعرها قصير أطول من شعر فيصل شوي ، سمره شوي بس سمآرها حلو شعرها ناعم بني غامق فيها شبه من اخوها
عائلة أبو عبد العزيز :
أبو عبدالعزيز " عبدالله ": 43 سنه صارم شوي
ام عبدالعزيز " سماح ": 42 سنه بنت عم نوره ومها
عبدالعزيز : 22 سنه ، طويل معضل شعره قصير ناعم اسود صاحب فيصل ونواف الروح بالروح ابيض
سمر : 17 سنه ثاني ثانوي تحب بنات عمها معهم بالمدرسة ، حلوة بيضاء شعرها اسود طويل مره لين اخر ظهرها ، ملامحها ناعمة
ندى : 15 سنه ثالث متوسط ، حلوة بيضاء شعرها قصير زي شعر فيصل ولد عمها عشان كذا يعتبرها بوية 
عبد الهادي : 20 سنه ، طويل معضل بس مو زي اخوه وعيال عمه ، شعره أطول من شعر اخوه يسويه بالجل ويطلع يجنن لانه ناعم وبني ، هادي شوي
ابيض
عائلة أبو فارس :
أبو فارس " خالد ": 40 سنه
أم فارس " نادية ": 40 سنه أخت سماح
فارس : 20 سنه صاحب عبدالهادي الروح بالروح ، حلو اسمر سمار حلو شعره زي شعر عبدالهادي كأنهم توأم < فيهم شبه الفرق لون البشرة
رهف : 17 سنه ، صاحبة سمر روح بالروح ، شعرها زي سمر بالطول ، بيضاء وحلوة
روان : 15 سنه هي و ندى الروح بالروح بكل شيء زي بعض حتى فيصل يسميهم بويات ( شعورهم في الطول زي شعره خخخ ) ، بيضاء بس مو مره حلوه شعرها اسود ناعم
عائلة العمة مزينة :
أبو فادي " ماجد ": 46 سنة زوج اختهمم مزينة
ام فادي " مزينه ": 44 سنه عمتهمم ينادونها عمه مزون
فادي : 20 سنه مع عيال أخواله طول وقته معهم صاحب عبد الهادي وفارس ، شعره قصير ولونة بني فاتح شوي ابيض طويل معضل
تالة : 7 سنوات أول ابتدائي ، حلوة شعرها قصير بوي
بس بقي شخصيات بتعرفونها بعدين 🙂
البارت الاول يمكن يكون بعد الاختبارات أي بعد أسبوعين أو ثلاث
وان شاء الله كل مااكون فاضيه انزل < طول وقتك فاضيه خخ
أمم اييه قولوا لي رأيكم خاص أوكي
ترا أول رواية لي يعني ابي تشجيع وتسذا يعني خخخ
🙂
"البارت الاول :"
الساعة 1 ظهر :
في المدرسة :
تولين : أخيرا جات الصرفة مابغت تخرج الابله
نور : اييه حسبي الله عليها وقفنا حصة كامله وعطتنا محاظرة ياطولهاا
البنات كلهم غير تولين ونور بصراخ : ليييه وش سويتوا ؟؟؟
نور : بسم الله اكلتونيي هدوا عشان أقول لكم
رهف : قولي وش صار ؟
تولين ببرود: ماصار شيء بس تهاوشنا معاها شوي
سمر : حمستوني وش سويتوا ؟
نور : أول ما دخلت قلنا لها مانبي درس
قالت الابله : وليه ع كيفكم
وتولين قالت : أييه عندك مانع ؟؟
الابلهه : وطلع لكم لسان بعد
انا قلت : والله من أول عندنا لسان ! ماتشوفينه يعني ؟
تولين بتكمله : وبعدين سكتنا وقالت أوقفوا ووقفنا ما كان فينا خلق للهواش!
ندى : اممما ليتني معاكم غشش غش عيدوا
روان : ندووي وش رايك بكره نهبل بابلة سميرة ؟
ندى : قداامم فديتك بس
رهف وسمر : خطيريين والله
نور : اييه من زمان وحنا خطيرين * كبر راسها خخ *
تولين : توكم تدرون إفاا بس
رهف بهمس تسمعه سمر بس : اكلوناا
سمر بنفس الهمس : اييه ليتنا سكتنا
ندى بلقافه : وش تقولون ؟ وليه تتشاورون ؟؟ * تتهامسون *
روان : ندى ششوفي حتى تولين ونور تعالي بقول لك سر * حركات بزارين خخ *
ندى تقرب اذنها : وشششو ؟
روان تقول لها : اعلمهم اني جبت الأيباد ؟
ندى بصراخ : ايييه صح يلا نعلمهم
روان وتغطي اذنها : أبغى أذني والله ابغاهاا
ندى تضحك : ههه تستاهلين هههه
تولين ونور وسمر ورهف : وش عندكم ؟
روان بتتكلم بس قطعتها ندى : الله يخليك انا بقول تكفيين
روان : أوكي اوكي قولي
ندى : فديتك حبيبتي روني *تبوسها
ندى تكمل : احم الله يسلمكم ذي * تاشر ع روان * أيه بنات قربوا
قرربوا منها : * بهمس * ترا روان جابت الايباد !
البنات : امممما يالخاينات ليه ما علمتونااا من بدري 🙁
روان : نسينا 🙂
تولين : ترا نادى علينا 🙂
رهف : اييه الشباب بيمرونا اليوم
ندى وروان : لااااا يعني فصفص معاهم وععععع كشش عليه
تولين كشرت : ترا اخوي 🙁
ندى : اسفين بس ياخي يرفع الضغط
روان تكمل : احنا مو بويات
سمر بلعانه : ترا بعلم ربى تعلمه * تبتسم بشر *
ندى تنط عند سمر : فديتها بنت عمي ما تعلم
روان بنفس الحركة : اييه بعطيك الايباد الحين بس لا تعلمين
سمر عجبها الحال جات بتقول شروطها قطعتهم نور
: بنات الي ينادي عصب * تضحك *
البنات بصراخ : ياويلنا ياويلنا * يرقصون *
شوي توقف تولين : بنات انا ماشية كيفكم انتم 🙂
شوي يلحقونها كلهم
في السيارة :
فيصل : يوووه ايش الي يخليني أمرهم 🙁
* دخلوا البنات *
البنات : السلام عليكم !
فيصل مارد عليهم معصب
ندى : رد السلام واجب يامسلميين
فيصل : وعليكم السلام بدري ما بغيتوا
تولين تبي تغير السالفة : تونا طلعنا اسفين يأاخوي العزيز ، أيه تدري اليوم تهاوشنا مع الابلهه انا ورهف !
فيصل : اييه أيه < يصرف
تولين : تسلك مالت بس < تكش عليه
فيصل : طيب تعرفين تسكتين شوي ؟
تولين : ما طلبت شيء بسكت
فيصل استغرب ردها لانها دايم تناقره
وصلوا كلهم بيوتهم
بيت أبو عبد العزيز :
ندى بصراخ : هااااااي قااايز !!
سمر : السلام عليكم
كلهم ردوا السلام
ندى تهمس لسمر : ابوي فيه سمعني لما صارخت 🙁
سمر : عادي شكله مروق
ندى تروح لابوها : فديتها بابتي حبيبي كيفك بابا ؟
أبو عبد العزيز : الحمد لله وانتي شسويتيي في الاختبار نبي درجات حلوه
ندى انبسطت : الحمد لله كل شيء تمام أييه ابوي وش رايك تكلم اعمامي ونروح المزرعة اليوم خميس ! تكفى تكفى
عبدالعزيز : اقول ما ودك تروحين غرفتك تغيرين وتصلين وبعدين تسولفين ؟
ام عبدالعزيز : أيه يابنتي روحي غيري وصلي وبعدين تعالي
أبو عبدالعزيز : اذا خلصتي تعالي اسولف معاك 🙂
ندى فرحت : من عييوووووني فديتكمم بس * راحت تجري ع غرفتها فوق *
عبد الهادي : بسم الله مدري متى تعقل هالبنت
سمر نزلت : يوووه تحلم انت مستحيل تعلق ندو
عبدالعزيز : انا بروح أنام تبون شيء
كلهم : سلامتك
ندى نزلت : أيه عزيز
عبد العزيز : هلا
ندى : عزوز حبيبي اخوي اسمع * تشاورهه * ها موافق ؟؟
عبدالعزيز : أمم بشرط !!!
ندى : امررر تدلل أيشش شرطك؟
عبدالعزيز : تسوينن لي بحثي * ضحك بخبث *
ندى : أنا اسوي لك بحث !! مع نفسك بحوثك طويلة أطول من كعب ابلة منيرة !!
سمر ما قدرت تمسك ضحكتها : ههههههههههههههههههههههههههههههههاي
عبدالهادي : سلامات شفيكم ؟
سمر قالت له وعبدالهادي بعد ضحك : ليه يعني كعبها طويل ؟
ندى سحبت ع عبدالعزيز : ايييه مررره طوييييل مدري كيف تمشي به
عبدالعزيز : اشوف سحبتي علي أخت ندى !
ندى : الله معاك ماابيك توديني السوق خلاص دام تبيني اسوي لك بحث !
عبدالهادي : أوديك انا ؟؟
ندى : لا انت أبيك بشغله ثانية بخلي روان تمرني !
عبدالهادي : حتى انا بروح أنام * يبي يصرفهاا *
ندى : يالخاينن مو توك تعرض خدماتك !!
عبدالهادي : عندك السواق حبيبتي وش فائدته
ندى : يوه مامنكم فائدة بكلم السوواقق
ندى راحت للصاله الثانية عند امها وابوها وسمر:
هلا والله تو نورت الصاله بوجودي صح !!
أبو عبد العزيز : ياهلا تعالي حبيبتي
ندى تطالع سمر وترفع حواجبها وتضحك : هلا بابا ؟
أم عبدالعزيز : سمورتي تعالي
سمر تسوي نفس الحركة لندى
سمر : هلا مامتي حبيبتي امري
أم عبدالعزيز : جهزي وقولي للمهبولة الي عند أبوك بنروحح المزرعة
أبو عبد العزيز : ها تبين نروح المزرعة ندو؟
ندى: أكيد بروح أيه صح بيت عمي حسين بيجون ؟
أبو عبدالعزيز : أيوهه بيجون
ندى تتافف : بابا الشباب لا يجون ولا أقول الا خلهم يجون كلهم لازم طيب بابا
أبو عبدالعزيز استغرب : يمكن مشغولين بس بقول لهم
ندى ابتسمت ابتسامة انتصار
تولين بصراخ : ماااامااا شوفي البزره هذي
أم فيصل : وش فيك يابنتي ؟ وش سوت أختكك
تولين : اوووه خربت اللاب والله لا تشترون لي جديد وبذوقي حلفت والله مااصوم ثلاث أيام والله لا تشترون لي !
أبو فيصل نزل : وش فيكم تصيحون * تصارخون *
تولين : بابا شوف ربى خربت لابتوبي معد يصلح ابي لاب جديد والله لا تشترون لي انا حلفت وبنتكم لعد تدخل غرفتي
أبو فيصل : من عيوني يشتري لك ، ام فيصل اليوم بنروحح المزرعة جهزوا
تولين : واااااااوووو وناسسسسه البنات بيجون اومقق
أم فيصل : طيب
فيصل : سلامات محد يرتاح بهالبيتت اسكتي شوي * كان نايم وصحي من صوت تولين *
تولين : تستأهل هع * طلعتي غرفتها *
ربى تجري مع الدرج : بابا * تبكي *
كلهم : شفيك ؟
فيصل : كالعادة ضربتها تولين
ربى تشهق : اييه أيه تو تولين
أم فيصل : يارب ارزقها عقل هالبنت جننتني !
أبو فيصل : خلاص حبيبتي جهازي بنروح المزرعة
ربى: والله بروح أجهز ،تاله بتجي ؟
أم فيصل : أيوهه بتجي
فيصل : مابروح
أبو فيصل : عمك عبدالله يقول كلكم تعالوا
فيصل : ان شاء الله
" خلونا نختصر "
الشباب ع الواتس في القروب :
فيصل : شباب
الردود الي جاتهه كذا : ها – خير – نعم – شتبي ؟ الخ
فيصل : مالت عليكم المهم مين ببروح المزرعة ؟
عبدالعزيز : كلنا ابوي يقول كلكم تعالوا
نواف : شباب أتوقع ذي ندى
عبدالهادي : وش سوت ندى ؟
فيصل : ايييييه صح تفتكرون المرة الي قبل سويناا مقلب فيهم
نواف يكمل : واختك هي وروان حلفواا يردونها لنا
فادي : الله يعين
فارس : وش تتوقعون يسوون ؟؟
* الشباب خايفين من مقلب البنات خخخخ *
قروب البنات :
ندى : صباياااا
امري – عيونهم – هلا
ندى : فديتكم بنسوي مقلب 🙂
روان : الشباب مابيجون
ندى : الا كلمت ابوي يقول لهم يجون كلهم هع
سمر : خطيرة اختي
ندى : توك تدرين خخخخ
سمر : مالت 🙁
تولين : بنات ترا الشباب عندنا في المجلس
نور : بجي عندك فكي الباب
رهف : حتى انا
* البنات تجمعوا عند تولين بعد *
الساعة 5 عصر :
ندى : بنات بروح اشرب مؤيةة.
نور : جيبي لي
رهف : وانا بعد
سمر : لا تنسين اختكك
ندى : أوكي
* في المطبخ *
ندى : أوف المطبخ كله مؤيه بزلق 🙁
: عساك !
ندى استغربت منو :يمماااااااه
: جني !؟
ندى : عفريت بعد ، توها تذكرت انها بدون عبايهة
ندى : فصفص انقلع استحي ع وجهك تطالع بنت كذا مو محرم لك !
فيصل استحى : انتي دخلتي علي ع العموم بطلع
لما طلع ندى : حسبيي الله فجعني
ربى : بعلم علييكك انتي وفيصل
ندى : انقلعي ياشيخه مابقي الا أخاف من بزر
ربى : طيب طيب بعلم
ندى : علمي مع نفسسسسسسسسك < شددت عليها خخخ
ربى أخذت مكبر صوت وتصيح : ياااانااااااس ياااعااالم ندى وفيصل كانوا في المطبخ وشافوا بعضضض وندى مي لابسه عبايياااااه < طولتها خخخ
في المجلس عند الشباب :
فيصل تفشل وفي نفس الوقت عصب !
نواف : اوووه فيصل ولا تقول لنا !
فادي : يالخاين
عبدالعزيز لاحظ ع فيصل : شباب خلاص
فيصل قام وخرج يبي ربى
عبدالعزيز : مالاحظتوا عليه عصب ! وبعدين ربى اكيد تضاربت مع ندى وقالت كذا !
فارس : صح كلام عزوز
عبد الهادي : خلاص قفلوا السالفة ماصار شيء
عند البنات :
ندى : ربااااااااااا يالبزر وينكك
روان : هدي ندو ماعليك منها بزر
ندى شوي تبكي من القهر ؛ الحين عزوز اكيد سمع وبيخاصمني 🙁
ربى جات : احسن
ندى : تعالي يالـ *** والله لااوريك
ندى تلاحقها وكان مع ربى علبة مويهه طشتها ع الدرج وشردت
وندى طاحتت ورجلها تعورها : ااااااااااااييييي
فيصل دخل يبي ربى : ر … ما كمل الا وشاف ندى ع الأرض ومغمى عليها
شوي يجون البنات * سمعوا صوتها تصيح *
سمر : ندىىىى !!!
روان تطالع في فيصل : ودييها المستشفى بسرعه
* نختصر *
في المستشفى :
في غرفة ندى الساعة 10 ليل :
روان : والله لااوريها هالبزر
رهف تهديها : خلاص ان شاء الله تقوم بخير
روان تبكي : طاحتت من بداية الدرج وهي عندها فقر دم غير كذا رجلها !
البنات ساكتين
شوي يدخل أبو عبدالعزيز : بنات ارجعوا خلاص اذا صحت تعالوا
روان : ياعم بعقد !
أبو عبدالعزيز : لا روحوا انتم تعبانين انا وسمر بنقعد عندها
أم عبدالعزيز: بجلس عند بنتي
أبو عبدالعزيز تنهد : خلاص سمر ارجعي البيت مع اخوانك
سمر تبكي هزت راسها بالايجاب
اليوم الثاني الساعة 7 عند ندى :
ندى صحيت : ماما
ام عبدالعزيز: هلا ، لحضها انادي الدكتورة
ندى :طيب
كشفت عليها وقالت انها بخير وبتجلس في المستشفى يومين
عشان رجلها وفقر الدم
ندى : ماما أيشش صار ؟
أم عبدالعزيز قالت لها كل شيء
ندى بقهر : والله لااوريها بنت اللذيناا تسويها فيني 🙁
ام عبدالعزيز: ماقصرت روان
ندى باستغراب : وش سوت ؟
أم عبدالعزيز : ضربتها وع كذا باقي تتوعد فيها
ندى بابتسامة انتصار : فديتها ، أيه امي متى بنطلع ؟
أم عبدالعزيز: بكره أو بعده
ندى : لاااااا والمزرعة ؟
أم عبدالعزيز: تأجلت لين ما تخرجين
ندى : ع بالي بعد بتسحبون علي كان ذبحت ربى وتالة معها
ام عبدالعزيز: شدخل تالة ؟
ندى : صاحبتها ساعدتهااا الدبه
بعد مرور يومين " مااحب المستشفيات خخ "
برب شوي واكمل 🙂
نور : ندى تدرين تمشين ؟
ندى طالعت ربى بقهر : للأسف لا ودي اسوي المقلب واذبحح هالصغنطوطااه
ربى تخصرت : انا صغنطوطاه والا انتي الي ع طول اغمى عليك ؟
ندى : شيلوها قبل اذبحها شيلوها
ربى : اصلا بطلع تالة امشي
تالة : طيب لحقتها
تولين : ندى تدرين مين وداك المستشفى ؟
ندى : لا نسيت اسأل منوو ؟؟؟
روان : فصفص
ندى : تبين فصفص ؟ تعالي خذي
البنات كلهم الا ندى : هههههههههههههههههههههههههاي
كلمت سمر : يالذكيه فيصل ولد عمي وداك المستشفى
ندى انصدمت !!
تولين : يقول حلوه هههههههه
ندى : لا بعد يتغزل فيني وينهي اوريه بالعكازه
روان : ههههههههههههه ذكرتيني بحركة جدي هههههه
دخلوا الجد وأعمامهااا
الجد : كيفك حبيبتي كيف طحتي
ندى : حفيدتك الصغنطوطاه طشت المويه وشردت وانا تزحلقت من بداية الدرج
والله لااضربها بالعكاز اكثر عظامها
أبو فيصل : كيفك بنتي ؟
ندى : الحمد لله احسن ، يا عم بنتك هذي ميته ميتهه لا تزعل
أبو فيصل : خير مابتسوين
ندى : فدييييييته عمي ، أيه قول لها ان العكاز بكسره ع ظهرها 🙂
أبو عبدالعزيز : بنتي صارت شريرة !
ندى : حرام عليك بابا ذبحتني شف مااقدر اتحرك
برب بعدين اكمل :
ابو عبد العزيز : لا مين قال انتي الزين كله
سمر غارت : وانا 🙁
ابو عبدالعزيز : انتي سموره ما عندنا الا وحده بس !
سمر : اييه كذا زين
الشياب طلعوا من عند البنات
الساعه 1 ليل كلهم نايمين
مافي غير البنات والشباب يسبحون
عند البنات :
رهف : بنات 🙂
هاه – وش تبين – اخلصي
رهف : حرام عليكم معاي مقلب حلو
ندى : تبون تسحبون علي !
رهف : يالغبيه انتي معانا !
ندى : وشششو ؟؟
رهف قالت لهم المقلب
تولين : واااااو يخقق
نور : لا وبعد في الشباب وهم بالمسبح فله
سمر : اقول امشششواا يلااا
روان: اوكي استنوا اجيب الاغراض !
ندى : لا تتاخرين اوكيي
رهف : مين ندفها ؟ بس تكون تعرف تسبح
البنات : مانعرف نسبح في الغميق 🙁
ندى : انا اعرف 🙁
رهف : طيب شفيك زعلانه
ندى : بالعقل مااقدر اسبح كله منها
تولين : وييييين ربى هالزفت لازم نذبحها
سمر : قهر 🙁
روان جات : شفيكم ؟
رهف : ايييييه انتي
روان : وشششو ؟؟
رهف : تعرفين تسبحين في الغميق صح !! حتى كنتي تسبحين مع فارس
روان : ايه اعرف
تولين قالت لها كل شي
روان : وانا مسستعده 🙂
~~ خرجوا برا جهة المسبح ~~
سمر استحت : بنات شوفوا اشكالهم مانقدر
روان : تحلمون والله ماانزل
ندى بشكل يحزن : لو كنت مكانك كان نزلت
روان حز بخاطرها ع صاحبتها : خلاص خلاص بنزل بششرط !!
البنات : امرررري تدلللي اشششرطي
روان : احمم بششرط ع طول تسوون المقلب اوكي !!
ندى : من عيوني الزرررق انا بسسسويه
نور : يالكذاابه عيونك عسلي
ندى : هاه اييه عسلي مالت عليك بس
سمر : اقول امشششوا يلاا
البنات راحوا جهة الشباب والشباب شافوهم
عبدالعزيز : نعم خير وش تبون ؟
ندى : اخوي العزيز طال عمرك نبي نشوفكم 🙂
عبدالعزيز: الله ع الاسلوب مو رفضتي تسوين البحث!
ندى : وانت ما نسيت !!
فيصل : مانتم ناويين تروحون ؟ ترا اقرب وحده بنسحبها
ندى قربت : اسحبني عشان اغرقك وتتورطون * ابتسمت بشر *
فيصل : يمه مانتي هينه ! < قالها بهمس ما سمعته
ندى : وششو وش قلت ؟
فيصل : سلامتك:)
فادي : اييه والله الله يعين اخوانها عليها
عبدالهادي : اخيرا حسيتوا فينا 🙁
عبدالعزيز : صار عذرها رجلها !
نواف : لو سمعتكم تشهدوا لانه بيكون موتكم 🙂
فيصل : اييه والله صادق نواف
ندى : خير خير وش تقولون ؟ دفت روان في المسبح
روان كانت سرحانهه شوي !
رهف : روااااااان
سمر نطت في المسبح وساعدتها لان الشباب مااستوعبوا
سمر : روااان
روان : ها ؟
سمر : يالـ ***
روان : كنت انفذ المقلب 🙂
البنات : مسكوها سب لانهم قلقوا عليها
الشباب مو فاهمين شيء !
فارس خرج من المسبح : روان !!
روان بفهاوه : هاه ؟
فارس : وش تفسرين الي صار توه ؟
روان : خطتنا 🙂
فارس عصب ولف ع البنات : وذي خطه بالله !! لو عدتوها ما حيصير خير !!
ندى : اكلتنا بششويش ترا حنا بنات وبتريقه وبعضنا بويات هه
فيصل انقهر من تصرفه معهم لانها قالتها وفي صوتها نبرة حزن
كلهم استغربوا بس فهموا قصدها
روان : صدقت ثنتين منا بويات هه
البنات ودهم يصفقون فيصل لان باين ان روان وندى مجروحين من هالكلمه
فيصل : اعترفوا انهم بويات برافوا برافوا * يصفق *
عبد العزيز طالع فيه بمعنى اسكت
فيصل انتبه له وسكت
..
البنات ماتوا ضحك
فيصل : نعم نعم لا تغلطين!!
نور : اييه وانت اغلط ع بنات عادي !
فيصل : نواف لا تزعل اذا غلطت ع هالبزر !
نواف بعدم مبالاه : عادي ما علي فيها
نور انقهرت وندى ردت معاها : مالبزر الا انت
طالعوا ببعض وابتسموا
فيصل : اكبر منكم بالجامعه ماني زيكم مفحطين في المدرسه
ندى : فرحان عشانه بالجامعه ما كان احد دخل الجامعه غيره هه
نور : انا ادري ايييه شايب انت وحنا بزران واكككك
البنات فطسسوا ضحك
والشباب ماسكين ضحكتهمم
فيصل : ما تضحك 🙂
نور : اقول تولين لا تزعلين
تولين : بردوا حرتي فييه 🙂
ندى : فديتك والله
نور : فصفص اخرج خلنا نبدا الحرب زين 🙂
فيصل : لا اصغر عيالك انا فصفص ؟!
ندى بدلع ماصخ : فسسولي يلا اتلع تكفى
البنات والشباب هنا مااستحملوا كلهم فطسوا ضحك
فادي بين ضحكاته :ما يليييق عليك الدلع
ندى : ما كلمتك كلمت فسسولي يلا فسسول اتلع
فيصل عصب لانها تتريق عليه : ندىىى خلاص زودتيها !!
ندى بنفس الدلع : لااا بنات مااصدق فسولي عصب علي اهئ
عبدالعزيز : ندى ادخلي جوا
ندى : لاا زودتوها بكيفي اروح وين ماابي واقول الي ابي محد له دخل فيني اوكييي
عبد الهادي: ندو خلاص عشاني
فيصل : لا خليها تكمل دلعها ! ومشى دخل غرفة الشباب
ندى : بنات امششوا ندخل
البنات مشوا معها
لما راحوا البنات عند الشباب :
فارس : مااحد يقدر ع فيصل لما يعصب اول مره اشوف احد يرفع صوته عليه
عبدالعزيز تنهد : مااتعرفونها ذا ولا شيء
فادي : بسسم الله منها تخوف
عبدالهادي فطس ضحك
فادي : خير ليه تضحك
عبد الهادي : ههههههه خايف منها ههههههههه
فادي : هاه لا مين قال
الشباب ضحكوا عليه خخ
فادي : سخيفين 🙁 راح عند فيصل
عند البنات :
توليين : واااه نادر اشوف فيصل يعصبب كذا
ندى ونور : يستاهل ، ندى تكمل : والله لو مااستحيت من عمي وخالتي ومنك كان وريته اكثر
تولين : خطييييره
نور : تولين ما زعلتي ؟
ندى : ايه ما زعلتي منا ؟
تولين : لا ليه ازعل بدتوا حرتي فيه
ندى : نور المره الجايه ما حنرحمه
نور : ايييييه المره الجاايه الكل معانا 🙂
روان : انا مارح اكون معاكم
رهف وسمر وتولين : وحنا بعد
نور وندى : وليييه ان شاءالله ؟؟؟
تولين : مهما يكون ذا اخوي اكبر مني
نور : ايه زين والباقين ؟
روان ورهف.: شفتوا فارس عصب علينا
ندى : الله الله اوكي والاخت العزيزه ؟
سمر تطالع اظافيرها : تعرفين اخوانك :/
ندى : لا يكون خايفه !؟
سمر : لا بس تعرفين عزوز بيخاصم وانا مااقدر اقول له شيء
ندى : اوكي بكيفك نويره تعالي نخطط وحنا نمشي
نور : اوكي ماتقدرين تمشين بدفك في الكرسي اوكي ؟!
ندى : اوكي يلا
" عند فيصل و فادي "
فيصل باين عليه معصب ومرفوع ضغطه فل !
فادي مقهورر من الشباب !
فادي : مانمت ؟
فيصل : لا
فادي : اوكي وش رايك نتمشى ؟
فيصل كان محتاج يتمشى : اوكي في المزرعه صح !
فادي : اييه صح
فيصل : قدام يلا
" وهم يتمشون سمعوا صوت نور وندى "
ندى: والله يقهرني انا مو بويه بس عشان شعري !
نور : ما عليك منه تلقينه معجب خخخ
ندى : ههههههههههههههههاي لو سمعك بيعصب خخخ
نور : خليه يسمع عااادي
ندى : ودي اشوف شكله بعد الي قلناه لها قبل شوي خخ
نور : تعرفين تتدلعين خخخخخ
ندى : دايم اشوف البنات في المدرسه كذا وقلدتهم 🙂
ندى بفخر : اكييد دامني بنت ابويي
فيصل بتريقه : فديتها بنت ابوها
ندى ونور بصراخ : يماااااااااااااااااااه حرااااااميييييييييييييي – نور شردت وسحبت ع ندى تصييح : نوووووووور يالتبببن الحرامييه بيسرقوووني اهئ < تبكي
فيصل مو مصدق : تبكين ؟!
فادي نفس الشيء لان ندى ما تبكي قدامهم : لا فيصل متاكد ذي ندى بنت خالي ؟؟
فيصل : شكلنا غلطنا تصدق ؟
فادي : لا تقول اتوقع جنييه ذي
فيصل : يمكن اقول وش رايك نجيب البسه ؟
فادي اخذ البسه وحطها فوق ندى
ندى تصيح : لااااا شيلوهااا ششيلوهاا يماااه تخوف
فيصل ابتسم ابتسامة نصر : اعتذري ونشيلها !
ندى بسرعه: تحللممم والله مااعتذر
شوي تجي سمر وتدخلها جوا عند البنات
عند البنات :
ندى : نووور يالـ **** ليييه ما اخذتيني معاك
نور : مدري نسيت
ندى : * تكلم تولين * وانتي اخوك وولد عمتك لوو ماعقلوا بكسر هالعكاز عليهم
تولين باستغراب : وش سووا ؟
نور : ندى الي جو فيصل وفادي ؟
ندى : ايييه والله لاانتقم منهم فادي حط البسه عندي و فيصل قال نشيلها بس تعتذرين فديتها اختي ساعدتني
روان : خليهم علي انا بنتقم !!
رهف : يوووه قهر انتي تخافين من البسه
ندى : اييه شوي وكان بيغمى علي لو ما جات سمر 🙁
سمر : وقتي مناسب صح فديتني
ندى : اي والله فديتك
تولين : فيصل خلوه علي لكن فادي مين ؟
ندى : فادي علي انا بعلم عليه امه التسلب
نور : اييه بنات الساعه كم ؟
رهف شهقت : الساعه 3 ونص ما نمنا
سمر : انا بروح انام تصبحون ع خير
" كلهم راحوا ناموا "
عند الشباب :
عبدالعزيز : مو كانه تو سمعنا صوت ندى ؟
عبدالهادي : اكيد قابلت البسه قدامها
فيصل وفادي دخلوا عليهم ويضحكون
فارس : ضحكونا معاكم
فيصل قال لهم كل شيء
عبد العزيز : يووووه لو ما جات سمر كان اغمى عليها وابلشتنا
فادي باستغراب. : ليه يغمى عليها ؟
عبدالهادي : تخاف من البساس واحيانا ع قولتها قلبها يكون بيوقف
فيصل : فيه احد يخاف من البسه عادي
عبدالعزيز : عندك عادي ذي ما تخاف من الصرصور لكن تخاف من البسه
فارس : اما فيه بنت ما تخاف من الصرصور
عبدالهادي : اييه ندى ما تخاف منه
نواف : عجيبه هالبنت
عبدالعزيز : بقووه
فيصل يطالع ساعته: شباب قوموا ننام
نواف : اوكي انا بعد بنام 🙂
– اليوم الثاني –
الصباح في المزرعه الساعه 7
ام فيصل تصحي البنات : يلا قووموا ولا اجيب البسه
ندى نقزت : لااا خاله بقوم بس الا البسه تكفيييين
ام فيصل حنت عليها : خلاص بس قومي البنات
ندى تاشر ع عيونها : من عيوني
ام فيصل خرجت
ندى بصراخ : قومووا صرصووووووور تحتكم
البنات نقزوا ما يشوفون الا ندى تضحك ع اشكالهم
سمر : ويين الصرصور ؟؟
ندى تحاول تتكلم : ههههههه هههههه ما ههههه ماافي ههههههههههاييي
البنات عصبوا منها وكملوا نوم
ندى : افف مو راضين يقومون بروح عند خالاتي احسن
دخلت عن الحريم :
ندى : السلام عليكم
كلهم ردوا السلام
ندى : بناتكم وش عندهم مايقومون ؛(؟
ام فيصل : ما صحوا ؟
ندى : لا بس قلت تحتكم صرصور ونطوا ولما قلت امزح عصبوا ورجعوا ناموا
الحريم فطسوا ضحك
ام نواف : وانتي كيف صحيتي ؟
ندى تطالع فخالتها ام فيصل : الله يهديها خالتي قالت انها بتجيب البسه وانا قلبي وقف وقمت عشان مااموت
ام عبدالعزيز : ههههههههههههههه البسه ما تخوف عادي
ندى تخصرت : لا والله شعرها يا كثره و تتلصق فرجلي وتدور زي النحله تسمونها ما تخوف !!!!
ام فادي " العمه مزينه " : الله يهديك ما تخوف
ام نواف : ولو قلت لك شوفي جنبك مين !
ندى تطالع جنبها نطت من الخوف : يمااااه شيلوووهاا
ام عبدالعزيز شالتها وخرجتها برا
ندى بخوف : يمه ذي رعب بخرج من جده كلها بساس حسبي الله
الجده : وين تروحين بتروحين بلاد الكفر
ندى : لا ياجده عاادي بروح باريس عندهم برج ايفل يجننن وعليهم جو باررد ويجيهم ثلج وما عندهم بساس كثير
ام فيصل : اذا رحتي شيلينا معاك
ندى : لااا عشان تجيبون البسه معاكم !!
ام نواف : لا خلاص توبنا بنزعل البساس. ونصير معاك
ندى تفكر : اممم اوكيي
ام عبدالعزيز : وانا امك لا تنسيني
ندى : من عييوني انتي اول وحده
ندى تكمل : الا اقول جدتي انتي معانا
الجده : طيب بس خذوا جدكم معانا
ندى : اخصصص عشان تكمل الرومانسيه اخصص * تصفق وترقص *
الحريم كلهم يضحكون
ام عبدالعزيز : خلاص ندى روحي عند البنات
ندى زعلت : طرده محترمه اصلا بروح من اول
* عند الشباب والشياب *
عبدالهادي : شباب وش رايكم نتمشى شوي ؟
فيصل : لا الحين اكيد اختك صحيت ويمكن بتنتقم
فادي : الا اكييد بتنتقم !
عبدالعزيز : ياهالبنت مسويه لكم رعب !
عبدالهادي : لو عشتوا معاها يوم وش بتسوون اجل ؟
فادي و فيصل بسرعه : الله لا يقولهااا
فارس : اجل من بكره واحد منكم يخطبها عشان يجرب معاناة عبدالعزيز وعبدالهادي
فيصل : لا مابقي الا هي مع نفسهاا
فادي : اييه انت ليه ماتاخذها ؟
فارس : مستحيل اخذها عشان تشيبني
عبدالعزيز : اصلا انا برفضكم لو جيتوا 🙂
فيصل وفادي وفارس : ليه يازيينا بس
عبدالهادي يكمل : اختي صغيره وانتم شياب 🙂
فادي وفارس : دام حنا شياب انت معانا 🙂
عبدالهادي : اااا اقصصد فيصل شايب انتم شباب 🙂
فيصل : نعم ! انا شايب اجل حتى اخوك شايب
عبدالعزيز : اناشايب يالظالم !!
عبدالهادي تورط : خلاص خلاص انتم شباب بس اسكتوا.
عبدالعزيز وفيصل : اييه كذا زيين
"" عند البنات ""
ندى : بنات بنتقم !
نور : انا مافيني للانتقام
ندى : ادري كلكم ما بتساعدوني خونه
روان : قلتيها مانقدر
رهف : الله يعين الشباب عليك وع انتقامك
دخلوا ربى و تالة
ندى تذكرت : ياهلاا ومرحبا ياهلا ارحبوووا حبايبي تعالوا سلموا علي
ربى وتالة نسيوا وراحوا جري لها
ربى : ندو ابي حلاوه
تالة : حتى انا ابي
ندى مسكتهم : تبون حلاوه تعالوا ذوقوا حلاوة العكاز كله منكم معد اقدر امشي
تالة بتبكي : انا ماسوويت شيء
ندى حنت عليها : اييه خلاص انتي ما سويتي شيء خذي حلاوه " عطتها"
ربى : وانا 🙁
ندى : تحلمين * بدت الحرب بينهم *
نخليهم ونتقدم 5 ساعات !
ابو عبدالعزيز : ندى تعالي يلا نروح نفكك الجبس * رجلها كانت مجبسه *
ندى : جيييت يلاا
– عند الشباب –
يلعبون كوره :
نواف : شباب وقفوا
– وققفوا –
عبدالهادي : وش عندك ؟
فارس : ليه وقفتنا ؟
نواف : ما كان ذاك عمي عبدالله خرج ومعاه بنت ؟
عبدالعزيز بعدم مبالاه : اييه ذي ندى بتفك الجبس الي فرجلها !
فيصل : اهاا
فادي : الا اقول شباب متى مباراة الاهلي ؟
عبدالهادي : اليوم بعد العشاء
فارس : مع مين ؟
عبدالهادي : مع الهلال
عبدالعزيز.: ماشاءالله عندك معلومات كامله
عبدالهادي: اكييد دام عن الاهلي كل شيء عندي * مشجع متعصب *
فيصل : اتوقع الهلال بيفوز :/
عبدالهادي : لا ان شاءالله الاهلي
فادي : ان شاءالله الاهلي عشان تعشينا ع حسابك 🙂
عبدالعزيز : عبود * يقصد عبد الهادي * ودع فلوسك من الحين
عبدالهادي بهمس : انا ادري يبون يطفروني 🙁
فيصل سمعه : بخيل 🙁
عبدالهادي : خلاص خلاص عششاكم علي اذا فاز الاهلي
فارس : ايه ذا ولد عمي الي اعرفه
نواف : المهم كلموا البنات من بدري يجهزون القهوه
تولين سمعتهم : انا بسويها
نواف : اللهم سكنهم في مساكنهم
تولين : ليه شايف جني ؟؟ * رافعه حواجبها *
نواف : يمكن 🙂
فيصل : توليين يرحم اهلك لا تسوينها انتي
تولين : اجل احلم وحده من البنات يسون لكم لانهم زعلانين منكم 🙂
فارس : خلاص جهزي القهوه
تولين تخصرت : ليه شايفيني خدامه ؟؟
فادي : مو توك تقولين انتي بتسوينها
تولين : لا بقول للخدامه
فيصل : مستحيل تسوين شيء بنفسكك
تولين : عندك مانع ؟
فيصل : لا بس اقلبي فيسك
تولين تفشلت : يمين ولا يسار ؟
فيصل : الي يعجبك ايه ترا بقول لابوي عنك
تولين : وشش سويت ؟
فيصل : قاعده عندنا وتهاوشين بعد يلا انقلعي
تولين : مالت كشش عليكم ومشت
نواف : اختك نشبه ما بغت تروح
عبدالهادي : كل بنات عمي كذا
عبدالعزيز : ايه والله صادق
فادي : انا بروح اشتري الفصفص 🙂
فارس وعبدالهادي لحقوه
بقي فيصل ونواف وعبدالعزيز
عبدالعزيز : شباب شفتوا الدكتور بدر !
فيصل : وش سوا ؟
عبدالعزيز : يقول بيرسب واحد منا
نواف تنرفز : وهو يقدر
فيصل نفس الشيء : يبينا نفقع كفر سيارته
عبدالعزيز : ايه عشان كذا قلت لكم نبي نوريه شغله
نواف : خلاص شباب يوم الاحد نوريه 🙂
فيصل وعبدالعزيز : اوكييه
* عند البنات *
تولين دخلت عندهم وترقص : اليوم الاهلي يامجانين الاهلي
سمر تكمل : فايزين فايزين غصبا عن الزعيق 🙂 * الهلال بدل ما يقولون زعيم يقولون زعيق *
رهف تكمل بدالها : اليووم 4 صفر للاهلي ترررم 🙂
روان : قولوا ان شاءالله ترم
نور : ان شاءالله ترمم تررم 🙂
ندى دخلت : بنااااااات
البنات انفجعوا : بسسسسسم الله !!!
ندى : بسسرعه الشباب اشتروا فصفص روحوا اسسرقواا شوي وتبدا المباراه
روان : السرقه علي بروح
نور : انا معاكك
ندى : اوكيي بنات روحوا سووا شاي و فشار
سمر ورهف : احنا بنسوي الفشار والشاي
تولين : اوكييك وانا ؟
ندى : طال عمرك انتي جيبي رموت المكيف ورموت الشاشه و البطانيات
تولين : اوكييه وانتي ؟
ندى حطت رجل ع رجل : انا الدكتور قال لا تتحركين كثير ** ابتسمت **
تولين : مالت ع هالدكتور
ندى : اقول لو بدات المباراه وانتم ماسويتوا شيء مابخليكم تتفرجون
روان ونور رجعوا : نساعدك تولين ؟
تولين : اييه تكفوون
نور : انا بجي معاك وروان اقعدي مع هالندى
روان: اوكييي يلا جيبوا الاغراض
تولين ونور راحوا
بعد ساعه بدات المباراه
عند الشباب والشياب :
يتفرجون المباراه
يدخلون عندهم ربى وتالة :
ربى : بااباا
ابو فيصل : وش تبين ؟
ربى : بابا ابا اركب جواد حق ندى
ابو فيصل : كلميها تركبك
ربى : قلت لها قالت لو قربتي منه بذبحك 🙁
ابو فيصل : اجل اركبي حق فيصل
فيصل : لا تركبين حقي
ربى : لييه ؟
فيصل : بعدين يذبحك لانه الجامح
ربى : مالت ع هالجامح
تالة : ابا اركب حصان 🙁
فادي : لا تركبين حقي
تالة : طيب 🙁
ابو فادي : فادي خليها تركب
فادي : ابوي بعدين تطيح
تاله : خلاص معد بركب
عبدالهادي : الحمدلله ماعندي اخوات بزران
عبدالعزيز : اييه والله الحمدلله ندى كفت ووفت
نواف : الله يعينكم فادي وفيصل خخخ
فيصل وفادي : بيجونكم بزران اذا تزوجتوا خخخ
الجد : ايوه متى ناوين تتزوجون ؟
نواف بهمس : حسبي الله عليكم فتحتوا باب
عبدالعزيز بنفس الهمس : فيصل وفادي ياويلكم لو قالوا لي شيء
فيصل وفادي بهمس : تستاهلون خخخ
عبدالهادي : ترا انتم معانا :/
الجد : وش تقولون ليه ما تردون ؟؟
نواف: جدي الله يطول بعمرك تونا شباب
الجد : متى بتتزوجون اجل ؟
نواف : عن نفسي بعد 5 سنوات
ابو نواف : السنه الجايه بتتزوج
نواف : لاا يبه الله يخليك بدري ع الهم
ابو فارس : بالعكس الزواج مموب هم
فارس : يبه الززواج حلو صح !
ابو فارس : ايه حلو لازم تتزوج عشان تشوف
فارس : لا لسا شباب توي 20 سنه
ابو عبدالعزيز : كلها سنتين وكلكم متزوجين
عبدالهادي : يبه وش سنتين ! تونا 20
ابو عبدالعزيز : خلاص انت و فارس و فادي بعد 4 سنوات
فادي وعبدالهادي وفارس : اييه كذا عدل
عبدالعزيز وفيصل ونواف : احنا بعد 8 سنوات
الجد : ويين 8 سنوات سنتين وانتم متزوجين من بنات عمكم
فادي وفارس وعبدالهادي ماتوا ضحك ع فيصل وعبدالعزيز ونواف باين عليهم الصدمه خخخ
فيصل : تبوني اتزوج من المهبل الي هناكك !!
عبدالعزيز: ماني ناقص هم
نواف : بنشيب بدري دام كذا
الاعمام : وش فيهم بناتنا الزين كله
فيصل : والله كل وحده اخس من الثانيه بالذات ندى
ابو عبدالعزيز : وش فيها ندو ؟
فيصل: مافيها شيء الزين كله بنت عمي ندو
عبدالعزيز : لا تتغزل باختي !
فيصل : بنت عمي عادي 🙂
عبدالهادي : لا ياحبيبي مو عادي
فيصل : خلاص اسفين
نواف : …
التوقعات :
– وش تتوقعون نواف يقول ؟؟؟
– تتوقعون فيصل وندى يصير بينهم شيء ؟
– نواف وعبدالعزيز و فيصل مين يبون من بنات عمهم ؟
* البارت الي بعده يمكن يتأخر المعذره *
قولوا لي توقعاتكم في الخاص + رايكم في الروايه < ما حنزل البارت حتى تقولون لي التوقعات 🙂