العين تعتب
العين تعتب على من نـام واسهرهـا
يهناه نومه وانا يهنا السهـر عينـي
العين يالي هو أغلى مـن نواضرهـا
ياما لعينه بكـت سيـد المظانينـي
الله عليه استبـاح الـروح واتعبهـا
كن الله أسواه فـي الدنيـا يعنينـي
اصيغ حلو القصايـد فيـه واكتبهـا
لعيونها تنكتـب شعـري وتلحينـي
حاولت اجنب هواها كيـف اجنبهـا
مادام هي في العروق وفالشرايينـي
مرة سنه ماقطعت اليـاس وارقبهـا
شرقي ديـاره مكانـآ بـه يلاقينـي
مكان مـا ذكرياتـه كـان يرسمهـا
على الشجر واسمها محفور لا الحيني
مكان يحكي ليالي الحـب واعذبهـا
همسه ونظرة وله وايديـه بيدينـي
بين الحنايا ومهجـة روح عاشقهـا
تبقى وتبقى يليـن المـوت يفنينـي
رائعه يسلمووووو
تاخد العقل
الله يعطيكي العافيه
الله يعطيك العافية