هذي منك .. اقسى من طعنة عدوي !
اقسى والله .. حيل اقسى !
حيل تعبانة يدينك ! يقدح الخنجر واشمك
هيل وجروح وأغاني !
عاد تدري .. شفت ظلك !! ياما نبهني عليك!
كنت اكذب ظل / وافي !! كان خارج من خياناتك عليّ !
ايه اعرفك .. احضن الخنجر واشمك ..
دمع .. وعيون .. وأماني !بس انا وياك والله ..
مو مع الطعنات ضدك !
حتى شوووف .. وش كثر اشره عليك !
وانا مطعون بيديك !
كان من اول تقول وانا اطعن نفسي عنك !
طار من عمري غلاك .. ودمعتين مورقه ..
بللت عمري حسافة .. بس انا مااشره عليك !
المصيبة نبع عمري ../ مايصب الا الثقه !
عاد شوف وشلون عمري .. شلون وداني ليديك !
اشهد انك ماتقصر .. كل خنجر تزرقه !
بالظهر ياحيف والله برد آمالك شريك !
وش لقيت بطعنتينك ؟! غير صدقي وعذقه !
وش لقيت بحضن كفك ! غير قلب هو يبيك !
ماحبست الا بضلوعي دمع يابس .. واعتقه !
مو عشانك ! من عرفت ان المحبه ماهي فيك !
انعكاس الظل يكسر صورتك وسط ورقة !
وانكسار الضوء خنجر يرتعش من طعنتيك !
كل حزن في عيوني من عيونك اسرقة !
قلت لك وان جت ضيقة .. لاتجيني انا اجيك !
كل هم من يحاول يوصلك كنت اسبقه !
وكنت اخلي عمري يحضن .. / كل طعنة تب تجيك !
دمتي بود