بعد الفقر حطت شريحه وجوال =يسعد مسا جوالها والشريحه
كانت تجيني تشتكي قلة المال =وتصيح لاجا طاري الفقر صيحه
تقول ابويه دايم الدوم رحال =امي كبيره سن دايم طريحه
وانت الوحيد اللي لك القب ميال =دايم يصارحني وانا له صريحه
طفله وانا معشوقها بين الاطفال =جريح حب وطاح له في جريحه
كنا سوى نرسم على التربه امال =وأحلام تقتلها الحياه الشحيحه
كم دمعةٍ كانت على الخد تنهال =واذا نزلت ضاقت عليّ الفسيحه
الله كم صرخه.. وهمسه.. وموال =الله كم جادت علينا القريحه
الله كم بيتٍ كتبناه يختال =واقول انا ضيدان وانتي (عيونك)؟ مليحه
تخيل لو ما فالسما برق وخيال =و نكذب الايام لو هي صحيحه
تقول لاحطيت لك بشت و عقال =وسخّر لك الرحمن عيشه مريحه
اخاف تتركني على عثرة الفال =للفقر ووجيه الحياه القبيحه
وحبيتها بين الخلايق والازوال =حبٍ يطول الوقت محدٍ يزيحه
وسلمتها قلبٍ تباريه الاهوال =وطاح الخفوق وطيحة القب طيحه
راحت وخلتني مع القيل والقال =شاعر صواريف الدهر تستبيحه
ودار الزمان وغير الحال بالحال =وجاها الزمان بكل ورده وشيحه
فلة و 3 خدامات ولكزس وجوال =وانا عجزت ادفع رسوم الشريحه
فلة و 3 خدامات ولكزس وجوال =وانا عجزت ادفع رسوم الشريحه
وااااااااااااااااااو مره رووووووووووووووعه جد من زمان ماقرات شعر وهذا اول شعر اقراه من فتره يعطيكي الف عافيه ياذوق [/color]
ســــــلمت يـــمـــينـــكـــ يالغلا ~
أبيـــــات رائـــــعــــهــ جـــــــدآ ..
نـــنـــتظر جديدكــــ ..
مودتـــــــي لــــكــٍ
|
المشاركة الأصلية كتبت بواسطة عشقت غامدية
 ونااسة الكلمات رهيبة حلووه حيل الله يعطيك العافية اختي
|
اشكرك ع لمرور والكلام العسل