برد من برود الثلج قتل بعض الأمل فيني -همس القوافي 2024.

تلخبط داخلي أنفاسي ودموع في وسط عيني
تزلزل داخلي حزن حرمني الشوف قدامي..

بشوق كنت أدور عنك.. أبي علم يرسيني
((بغيتي شي)) كان ردك وصحاني من أحلامي..!

فجاءه دون ما اشعر .. بدء دمعي يغطيني
بديت أحس بالعبرة توسم دمعها وسامي..

حبيبي الحين ببين لك وش اللي منك يكفيني
وش اللي بغيته منك .. وبكتبها بأقلامي..

بغيت إحساسك الأول .. بغيت حسك يدفيني
بغيت اطمن واسأل واروي لهفة الظامي..

بغيت أقول محتاجك .. وصوتك بس يخليني
أتصبر على هم(ن) ذبحني وكدر أعوامي..

بغيت أقول واحشني ومنك الله لايخليني
بغيت أقول أنا بدونك مثل خيل بلا لجامي..

بغيت اعرف متى أشوفك وأحط أيديك ببديني
ومتى أناظر أنا عيونك وأجدد فيها أيامي..

ومتى افرش أنا الدنيا بورد من بساتيني
ومتى بنفاسك أتعطر بريحة فل وخزامي..

ومتى انفض رماد القلب.. وتشعل مابرد فيني
وأضمك واهمس بإذنك احبك ياشامخ السامي..

بغيت الضحكة من فمك.. تموتني وتحييني
وتنسيني عناء دنياي وخوفي وجرحي الدامي..

حبيبي أرجوك لاتزعل شعور وكان يحويني
تجسد في بعض أبيات تخفف حرقة الأمي..

المشاركة الأصلية كتبت بواسطة ثوآني بغيت أقول واحشني ومنك الله لايخليني بغيت أقول أنا بدونك مثل خيل بلا لجامي.. بغيت اعرف متى أشوفك وأحط أيديك ببديني ومتى أناظر أنا عيونك وأجدد فيها أيامي..

ع الوتر ياثوآني ,,

سلمت يمناك عزيزتي ,,

آبيآت معبره جدآ رآآآق لي نقلك ,,

بإنتظار جديدك ~