السلام عليكم
تدري شوكت أنساك
وبگلبي اتهون
من تسمع آنه اهناك
بالنجف مدفون
تدري شوكت أنساك
ياأغله الاحباب
لمن يجيني الموت
واتغطه بتراب
عبوة وزرعني الشوگـ
صرت اعله دربك
واعذرني لو طگيت
فجرني حبك 
حسبالك آنه انساك
يالتسوه كلشي
تسوه العدل والمات
والتوه يمشي
غيرة وكرم واخلاص
كلهن صفاتك
واتعب شوصف بيك
يالطيبة ذاتك
أصفن واعد انجوم
وايدي اعله خدي
هم غربة هم افراگـ
هم ولفي ضدي
للدوم اظل وياك
يالطيبك ايفوح
ولخوتك ماعوف
لو تطلع الروح
نمت آنه عالتبريد
حسبالي أغفه
نار المحب بحشاي
ماترضه تطفه 
هدني التعب يفلان
والهم أكلني
من غيبتك لليوم
محد فگدني
سهران افكر بيك
ماشايف النوم
وتخيلت مرسوم
وجهك بالنجوم
لاتظن يوم انساك
يالمني بيه
ماي انته ومباريك
بثنين اديه
لاتگطع اترجاك
سمعني كلمة
والله الهوه بلياك
مايسوه اشمه
من كثر ما مشتاق ومنتظر الجية وكفت الامريكان عبالي كية
منهو اليكول انساك ما ظنه عاقل
انته اغلى ما بالروح كلي فكري شاغل
مقصر وحگ عيناك والفكر مشغول 
صدكني ما ناسيك بس شده وتزول
الولد..
صاحو عليه الناس واسمع ولاجن *** كالو خذاه الشوك وهذا الولد جن
البنيه..
لو تدري انه شلون مبتليه بيهم *** عمده من امر يحجون عنك حجيهم
الولد..
خل تحجي كل الناس بالج تصدكين *** ولايبقى فكرج دوم بيهم تفكرين
البنيه..
ماصدك الينكال بس بيك اصدك *** لن نبضي انه وياك كل ثانيه يدك
الولد..
شوفي انه حالي شلون من كثر الهموم *** بس رسم فوك الكاع سترتني الهدوم
البنيه..
لو تدري حالي شلون منبعدك اشصار *** جاكلت عفيه عليج متحمله هالنار
دارمي بين الزوج والزوجة
الزوجة:
اكعد نهارك فات اوه امداني خلصت عمرك نوم تشخر بذاني
…الزوج:
متكلي شتريدين خليني نايم اليصبح بوجه البوم يشبع شتايم
الزوجة:
كون انه بومه تكول جا انته الغراب من شفتك ولليوم تبحث بالتراب
الزوج:
بس بعد لاتحجين يم البراطم غلطة انه بيج ارضيت وعليهة نادم
الزوجة:
لو كبل وجهك هاذ شايفتة انة جا انتة والوياك شلعت اذانة
الزوج:
وجهج مزنجر دوم مثل الحديدة لو جلافة انة بسيم ما اظن يفيدة
كلي انتة هم تشتاك وتحن مثلنة من كثر مانهواك
طردونة اهلنا
كلش نغار اعليك خو تدري بينه
على الاعمه لو مريت غمضنه عينه
ضاكت علي دنياي حيل المتني
عذبت كلبي هواي وهم حنت متني
…………………….
ما شفت فرحة هواي بس دمعة وهموم
ضيم وقهر والآم ابلعهة كل يوم
…………………..
الدنيا للتهواه يفرحه ويعيش
همهة وحزنهة وياي هدن علي جيش
صعبة اليعاشر حلو وبلحظة مايلگاه
مثل اليعاشر گمـر والصبـح يتمنـاه
مغبر يصيف شبيك وچماله لهاب *** لاكهربا لامــــــــاي فوگاه التراب
القلب كال أحاه ! كتله وجعــــــــــتين
منهو الاجى أوعزاك من طكك البين
انشدني عالحال حالي أعلى حـــــاله
سمجه أوشحيح الماي وبظهري فاله
ارد انشد الصباغ هم يصبغ اقــلوب
اصبغ دليلي اعليك واحزن فرد نوب
الدنيا بس وياي شـدت عـــداوه
ولا واحد إمن الناس لجروحي داوه
علمني عالنسيان ارد انسى ضيمـــــك
وي غيري كمره اتصير بس حصتي ضيمك
وحقك يداحي الباب ما ننسى امنا
ولاخر نفس والله نفديها بعمرنا
شحجي شكل للناس من همي شحجي
مليان بالحسرات بس احجي ابجي
مو بالقلب بالروح رايد اخليك
واكتب خطرممنوع محد يمر بيك 
وبآي قلم تكتبين
كتبتي جماال الاحاآآسيس
وروعة آآلمشآآعر
يسلم احسآآسكـ
ودآآمت انفآآسكـ
لكـ محبتي واحترامي
يعطيك العافيه
تقبلي طلتي