شفني باطراف المدينه / اشعل افواه السجاير
………………………. طفل يتسكع حنين / ويحتظن صمت المدينه !
شايل بيده رساله / تحتري صوت [ البشاير ]
……………………….بعد ماذاق الهوان . . . وبعد ماذاق الغبينه !
يرتشف [ جرح الغياب ] / وعينه تهل العباير
……………………….قلّب اوجاعه / فراق وهزت الذكرى .. حنينه
فوق ارصفة الشوارع / يلمح بعينه [ مناير ]
……………………….يبتسم مرات لكن : تجرحه ذكرى . . . دفينه
يامناير من غيابك : يسكن الحزن / الضماير
……………………….يامناير ضاع بعدك / [ طفل كنتي تحتوينه ] !
العبت فيه المواجع . . عاش وقته في خساير
……………………….ماحسب جور الزمان وصارت افراحه حزينه
يا مناير من رحلتي : صارت ذنوبه / كباير !!
……………………….يلعن الوقت ورداه . . . ويلعن البعد وسنينه
يسأل الليل / ببرآءه : هو انا وشلون صاير ؟
……………………….وليه انا لأوجاع وقتي صرت ياليلي / رهينه !
يحتضن صمت المباني / وينضر لوجه العماير
……………………….يحتري [ نور النوافذ ] تبعث .. بقلبه سكينه !
يمشي بدرب المدينه في حرا : عابر / وزاير
……………………….خطوته صيحة غريقِ يلمح بعينه . . . . سفينه
كان في قربك بـ آمان وصار من غيبتك ثاير !
……………………….حالته صارت غريبه / مو مثل [ ماتعرفينه ]
[ يرسم الحلم ] بيديه : وينكسر والحلم / باير !
……………………….كان يحلم كل ليله . . . في [ امل انك تجينه ] !
الغياب أرهق شعوره / ظالم غيابك . . . وجاير
……………………….يكسر بعزم الهقاوي / وكسرة الهقوه .. لعينه
تاه من ظلم الليالي / دار في صمت . . الدواير
……………………….بعثر [ الوقت بحياته ] . . . ولا له الا الله يعينه
يمشي بخطوات خوف .. وجاهلا دربه / وحاير
……………………….يستظل بعز ليله . . . تحت [ غصن الياسمينه ]
يكسر [ الغصن بيمينه ] ويرسم قلوب ودواير
……………………….والثرا يحظن دموعه . . قبل تمسحها / يمينه !
اختنق صدره وفك / لخنقته كل . . . الزراير !!
……………………….ياعسى الضيقه / تفارق صدر كانت له سجينه
يرتعش شوق وحنين / وخافقه بالدم .. فاير !
……………………….صاح من حر الفراق وهز هالشارع / ونينه !
وسار باطراف المدينه / يشعل افواه السجاير
……………………….طفل ضايع بالمدينه / كان يبحث عن مدينه !!
.
|
المشاركة الأصلية كتبت بواسطة الطاف عبد الرؤوف
 شفني باطراف المدينه / اشعل افواه السجاير
………………………. طفل يتسكع حنين / ويحتظن صمت المدينه ! شايل بيده رساله / تحتري صوت [ البشاير ] يرتشف [ جرح الغياب ] / وعينه تهل العباير فوق ارصفة الشوارع / يلمح بعينه [ مناير ] يامناير من غيابك : يسكن الحزن / الضماير العبت فيه المواجع . . عاش وقته في خساير يا مناير من رحلتي : صارت ذنوبه / كباير !! يسأل الليل / ببرآءه : هو انا وشلون صاير ؟ يحتضن صمت المباني / وينضر لوجه العماير يمشي بدرب المدينه في حرا : عابر / وزاير كان في قربك بـ آمان وصار من غيبتك ثاير ! [ يرسم الحلم ] بيديه : وينكسر والحلم / باير ! الغياب أرهق شعوره / ظالم غيابك . . . وجاير تاه من ظلم الليالي / دار في صمت . . الدواير يمشي بخطوات خوف .. وجاهلا دربه / وحاير يكسر [ الغصن بيمينه ] ويرسم قلوب ودواير اختنق صدره وفك / لخنقته كل . . . الزراير !! يرتعش شوق وحنين / وخافقه بالدم .. فاير ! وسار باطراف المدينه / يشعل افواه السجاير . |
كلمات جميله ورائعه
لا عدمنا جمال ابداعكـــ ،،،،
دمتي بحفظ الرحمن ،،،،