زعلان لكن عارف شلون اراضيك
ماحد غيري يعرف بطبـع خلـي
اعرفك لي منك تضايقت واشفيك؟
ماعاش من زعل حبيبـي وكلـي
من نظرتك مـن هيئتـك وتغليـك
اقرأ ملامـح ضيقتـك لا تقلـي
ادري علي زعلان لكـن اوريـك
شلون ترضى يا بعد كل من لـي
ملح الحياة اني اضمـك واخليـك
وش هي الحياة بدون جد وتسلي؟
ساعات لي خاطر اجيبك ووديـك
وارفـع حـرارة حبنـا بالتغلـي
اقول ماحبك وما ابيـك ..مابيـك
عشان اغيضك بس وافشي غلـي
لكن حقيقه اني اهـواك واغليـك
ومحبتي لـك مـا بعدهـا تخلـي
ودي احطك وسط عيني واغطيك
عشان ماتبعد عـن العيـن ملـي
لي غاب حسك نبض قلبي يناديك
بشتاق لك بالحيـل يابعـد كلـي
اقعد انا والشوق دايـم بطاريـك
افكارنـا مابيـن ربـط وحـلـي
زعلان مني كل كلـي يراضيـك
ماحد غيري عارف بطبـع خلـي
يالله تبسـم يالله ذبحنـي تغلـيـك
يكفي حبيبي (مد بـوز ) وتغلـي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
ودائمآ في صعود للقمه
كثير حلوة تسلمين وربي تشررفت
أبقى نور الكون ونبضه
لقيت كل هالمواضيع .. يسلمو
وننتظر جديدك