لاتحسبين العرس توفـي و كتكـات … ولا تحسبينـه توكـس والا بونتـي
ولا تحسبين العر س كيكة و طورطات… وصلـة قطعتيهـا ووصلـة بلعـتي
ولاتحسبين العرس تصفيق و اصوات … وانتي على صوت الغطاريف همتي
ولاتحسبين العرس كوشة و لمبـات … وانتي كما الطاووس فيهـا جلسـتي
ولاتحسبين العرس احلام في الشات … يامـا بنيتيـهـا ويـامـا هدمـتـي
ولا تحسبين العرس روحة و جيـات … هيا اقضبي بيتك عسـى ما انهبلتـي
ليلة سعيدة وانتي احلـى الجميـلات … تشخص عيون الناس اذا حضـرت
(واللاينر) حطيـه بـلا زيــادات … لا يختـرب المكيـاج اذا دمـعـتي
(والمسكرة) تحتاج لطف ومـدارات … حتـى يبـان ازيـن اذا غمضتـي
(والاسبريه ) رشيه حتى البصيـلات … يمسك شعرك زين ولـو كـان زدتي
وترى (المحدد) فن يحتـاج رسمـات … يبـان رسمـه زيـن اذا ابتسمـتي
العـرس يابنيـة ماهـو شعـارات … تفنـى مراسيمـه وتبقيـن انــتي
ويبقى شريك العمر راعي الطويلات … هذا هو العرس الحقيقـي عرفتـي؟
اول نصيحة لك حفـظ الصلـوات … صلي العشا و الفجر في كل وقـتي
وفي ليلة العرس الموفق وبالـذات … ادعـي الكـريـم الله اذا سـجـدتي
والتعري لاترضين عند الكوفيـرات … و لبسـك يملـي العيـن اذا لبسـتي
واللي على زوجك تحرضك مرات … ارجـوك شوتيهـا شوتـت بلنتـي
والصبر في العشرة حتى على فتات … ياماحـلا فعلتـك يومـك صبـرتي
واذا حفظت السر مـع المـدارات … زوجك ترى في عيونه انتي كبـرتي
والسوق يعني هاه وقت الضرورات … والاتـرى زوجـك يـدور لمفتـي
زيدي الغطاية وكثري في العبايـات … والله يرضـى عنـك اذا سـتـرتي
اوصيك بالمكبوس وكثـر الإيدامـات … حتى لوانـك مـن سببهـا متنتـي
وخلي الرجيم اللي فشلتي فيه مرات … سويـه مـرة واحـدة لا ولــدتي
م/ن
الله يعطيك العافيه
قصيدة روووعة