الوسم: الامل

اخواتي الحبيباتي .. صديقاتي .. امهاتي .. و كل اللي تابعوني بموضوعي من نزلته هنا قبل اكثر من سنه ..
كل اللي نصحوني ..
كل اللي تابعوا و تعبوا معي ..
هنا .. في المسنجر .. في الجوال .. في الرسائل الخاصه ..

حبيت اجي هنا و احكي قصتي كاااامله .. من اول زواجي .. لين طلاقي .. لين كل اللي صار بعد الطلاق .. يمكن القصه تعيد الأمل لواحده يأست .. او تكون درس لواحده بتطلب الطلاق من غير سبب مقنع .. او واحده تعلي صوتها مثل ما كنت انا اسوي خخخخخخ ..

ابحكي لكم كل القصه .. من اولها لين آخرها .. و اتمنى تفيد احد مثل ما تعتبر نقطة تحول في حياتي انا الشخصيه

هذي روابط المشكله اللي طرحتها في خلال السنه

زوجي طلقني و بموت و ارجعله

زوجي طلقني و بموت و ارجعله .. من جديد

زوجي طلقني و بموت و ارجعله .. رجعت

برجع لكم مع القصه

.
.
.
.

كنت استغفر كثييييير .. و ما خليت وقت استجابة دعاء ما دعيت فيه .. و اتصدق بنية ان ربي يرد لي زوجي .. و كنت اقرا سورة البقره كاامله كل يوم .. و كل يوم احس اني ابعد عنه اكثر .. كأن كل اللي اسويه يبعدني عنه اكثر ما يقربني له ..
لكني ما كنت ايأس ابد ..
كنت اواصل ..
بس اوقات كنت افكر ان يمكن ما فيه خير .. و ادعي ان كان ما فيه خير لي ان ربي ياخذه من قلبي مثل ما خذه من حياتي .. بس كنت كل ما دعيت هالدعاء حبه في قلبي يكبر و يزيد .. مع اني كنت احاول اتجنبه .. و احاول ما اشوفه لجل اقدر انساه .. لكني مع كل هذا ما قدرت انساه ..
و كنت كل يوم احبه اكثر .. و اتمناه يرجعلي و ينور دنيتي اكثر ..

.
.
.

خلصت فترة العده و كانت اطول فتره تمر علي بحياتي .. كان كل ما رن الجوال ادعي ربي يكون هو .. بيقول لي خلاص رديتك .. بس ماكو فايده .. كل ما قال لي ابوي بكلمك بموضوع افكره زوجي طلبني .. بس بعد ما يطلع هو ..
بعد ما خلصت فترة العده لأني كنت صغيره بدوا يخطبوني .. بس انا حالتي ما كانت تسمح لي حتى اشوف خطاب .. مع ان فيه ناس كانت تلمح من قبل نهاية العده .. لكن انا ما كنت اشوف غيره .. مع كل اللي اسمعه عنه .. و كل الاشاعات اللي كانت تطلع ..
و كان فيه ناس يقولوا لي كلام عنه و يروحون له يقولون له كلام عني الله يسامحهم بس ..

.
.
.

بعد فترة بسيطه من نهاية العده كان فيه رحله منظمتها الكليه .. و هو كان عنده امتحانات بس يوم درى اني بروح سجل اسمه مع اللي رايحين .. و قال لصديقتي انه ما يقدر يمنعني اروح لأنه مو زوجي بس ما يقدر يتركني اروح لحالي لأنه يخاف علي كثير ..
و قالها انه يحبني مره بس مستحيل نرجع ..
كل هذي الفتره انا كنت استغفر و اقوم الليل و ادعو الله سبحانه و تعالى انه يردلي زوجي رداً جميلاً طيباً مباركاً فيه عاجلاً غير آجل ..

.
.
.

يتبع

.
.
.

البناااات و ما ادراكم ما البنات ..
البنات ما كانوا يخلون زوجي بحاله ابد ..
هو ما شاء الله عليه وسيم .. و طباعه مره حلوه و الكل يحبه .. و من كنا متزوجين ما كانوا يتركونه حتى و انا وياه يجون و يسولفون وياه و كذا .. و الله من غير حيا ..
بعد الطلاق صار زوجي يقهرني فيهم .. كل ما يشوفني يروح يكلمهم .. و هم طبعاً يعجبونكم .. ذاك الدلال و تلوين الصوت و التغنج و اشياء تفررررس ..
بس انا ما كنت ابيه يحس بشي .. و لا يحس اني سائله فيه اصلاً .. مره على مره لما لقاني مو ساءله بالموضوع ابد صار ما يعطيهم وجه .. و انا ارتحت شوي .. وقتها عرفت اني شوي شوي بديت اتعلم وشلون اتعامل معاه ..

.
.
.

هذي الفتره انا كنت مره قويه .. او امثل اني قويه .. و كان كل ما طنشته كل ما اشتاق لي اكثر و وله علي .. بس بالاخير خربتها و كلمته و كنت اصيح بالجوال و حكيت له عن كل اللي بقلبي ..
يومها سمعت صوت بكاه على الخط بس بعدها يوم كلمته كلمني بقسوه عجيبه و قال لي خلاص انساه و لا احاول حتى ارد له ..
و قال لي اننا م س ت ح ي ل نرجع لبعض

.
.
.

بعدها حاولت اوقف على رجولي و انساه .. صرت اشترك بدورات لغات و تنميه بشريه .. و اتعلمت اسباني و فرنش .. و غيرت نفسي تماماً .. مع اني كنت مازلت اعشقه بجنوووون .. بس كنت احاول اثبت لنفسي ان حياتي ما تتوقف على احد .. و اني به و من غيره عايشه و لا يفرق وياي ..
في سنه واحده انا طورت نفسي كثيييير .. و سويت اشياء كثير كان نفسي فيها .. سافرت و رجعت و تعلمت و تعرفت على ناس كثير و كونت صداقات كثير و صرت انسانه اجتماعيه مره و شغلت نفسي بكل الطرق الممكنه ..
بس بيني و بين نفسي ما قدرت انساه .. و بقدر تطويري لنفسي بقدر الناس اللي خطبوني .. بس انا ما كنت ابي غيره .. و كان بعد فيني امل يرجع ..

.
.
.

كنت مواظبه على الاستغفار و قيام الليل و قراءة القرآن و الصدقه بنية رجوعه .. و كنت كل ما ايأس شي يظهر يعيد لي الامل .. و هو كان بعد يحبني مره و مو قادر ينساني .. و كل اصدقائه و اهله و الناس يقولون لي كذا ..
بس ما قد جاني و لا حاول يفاتحني في اننا نرجع ..
انا رحت له بس قال لي انا مستحيل اغير رأيي .. و ندمت على ضعفي و عزمت ما اروح له مره ثانيه ابد

.
.
.

يتبع …