——————————————————————————–
هلووووووووووووووو بنات .. كيفكون ؟
بدخل بالموضوع على طول
بما اننا نذكر مواضيع كثييييييييييره عن الحركات الرومنسيه مع الزوج وعن الليالي الرومنسيه
فأكيد بتكون فيها موااااااااااااااقف اكثر واكثر تحصل بهذي الليالي او اثناء عمل حركات رومنسية للزوج
ومن هالمواقف منهااللي تكون تضحك ومنها اللي تحزن
فياليت تشاركوني بموضوعي في بعض المواقف اللي حصلتلك
وببدا انا باحدى المواقف اللي حصلتلي مع زوجي وهو موقف بصراحه يحزن ويكسر القلب بس بالاخير يضحك >>> وشلون تصير هذي خخخخخخخخخ
بيوم من الايام قريت موضوع بالمنتدى عن حركه رومنسيه حلوه نسويها مع ازواجنا اذا كانو ناوين يطلعون برا البيت الله يذكرها بالخير صاحبة الموضع ذكرت انها سوت الحركه مع زوجها ولقت مفعول حلو فقلت يلا بسوي الحركه خاصة ان زوجي ياكثر طلعاته وهو متعود يروح كل يوم لاهله يجلس ساعتين ثلاثه ويجي فقلت يلا ببدا بالخطه واللي هي كما ذكرتها الاخت اني اكون مجهزه حالي واخبي مفتاح السياره بمكان في جسمي واذا طلع الزوج بيلاحظ ان مفتاح السياره ضايع وبيدور بالبيت ويدوخ يدور عليه بالاخير اضحك بدلع واقوله المفتاح معي بعدين هو بيستغرب وين مخبيته فاقوله اني مخبيته بجسمي واركض بدلع واروح للغرفه فهو اكيد يبي يلحقني ويحاول يطلع المفتاح مني ومع هالحركات من المفروض يصير فيه اغراء فيغير الزوج رأيه ولا يطلع ويجلس معي يقضي السهره معي خخخخخخخ
فانا يازيني وانا مسويه هالحركه انتظر بس يجي يمسكني علشان يدور المفتاح بس ابو الشباب لما عرف ان المفتاح معي جلس يناظرني كذا انا خفت وقلت شكلي بغير رأيي بلا حركات رومنسيه بلا هم
بس قلت يلا ما استسلم يمكن بالاخير يجي مفعول الاغراء وكملت بس اشوف زوجي ظل على حالته كذا فقلت وش سالفته ذا وش يفكر فيه يمكن مستغرب خفة دمي خخخخ والا تفاجأ بالوضع ويفكر وش يبي يسوي وبعد لحظااااااااااااااااااااااااااات من الصمت ؟؟؟؟؟؟؟؟؟؟؟؟؟؟؟؟؟؟؟؟؟؟
سألته بكل دلع وش فيك ؟؟؟؟؟
فظل برضوا سااااكت شوي بعدين قااال : تحسبينك بهالحركه هذي تمنعيني اني اروح لأهلي ؟؟؟
عاد انا قلت لا مو معقوله فاهمني غلط خاصة اني قاعده اتدلع بجسمي واقوله اني مخبيه المفتاح بجسمي
وبعد لحظاااااااااااااااااااااااااااااااات الحبيب سحب نفسه وفتح الباب وطلع وهو كذا بعد
وانا قلت اكيد بيسويلي مفاجأه والا يمكن بيجي بعد شوي علشان يدور على المفتاح زين
فمرت خمس دقاااايق بعدين عشر دقاااايق بعدين ربع ساعه وانا قلت الله يستر وش صار فيه فدقيت عليه بالجوال الا هورد علي وقاالي وش تبين قلت وينك قال رااايح لاهلي
فقلت وشلوووووووووووون وانت مامعك مفتاح السيارره فقااااالي رااايح مشي على رجليني وبدبر روحي تحسبينك تبي تمنعيني عن اهلي بحركتك هذي
فسكرت السماعه وجلست شوي وانااا كذاااا مصدومه >>>>>
,قسم تحطمت تحطيمه مابعدها تحطيمه من جد تحطيمه اهئ اهئ اهئ مدري وشلون يفكر زوجي قسم مدري
بس بعدين كل ماتذكرت هالموقف اضحك لييييييييييييييييييييين اقول بس ههههههههههههههههه
يلا بنات عاد شاركوني بمواقفكم الحلوه خلونا نتسلى
م/ن
