الوسم: الحلا

اعرفوا ان لكل بيت درر
وما يقدر يطويها طول العمر
غلطة صغيرة بس لمشكلة تتمحور
عندهم الشمس فصوب والقمر
اللي انشغل بذاته واللي انجبر
اللي انكشف سره واللي انستر
كل(ن) يحاول يصكب همه لحد ما ينهمر
لكن ما اعتقد انه راح يزول ولو مر دهر

: ياخي انت شو لك خليني اسميها ع كيفي

: بس انا ما ودي بهالاسم خليني اسميها ع خوانها الباقين

:خلاص انت سميت الاولاد .. ليش ما تخليني اسمي اول بنت لي

: طيب سميها اللي تبين بس ما هذا

: وليييييييييييش ؟!!!

: لا تقولين ليش انا بنتي ما راح اسميها بهالاسم

: وانا قلت اني راح اسميها ويعني راح اسميها

: يا بنت الحلال راح تتعقد البنت شنو فيك ما تفهمين

: …

: خوله حياتي استهدي بالله …وغيري الاسم

خوله :…

: خوله

خوله : ..

: طيب خلاص سوي اللي تبينه وراح نسميها عذاب مثل ما بغيتي

خوله بفرح : صدق يا ابراهيم ..صدق

ابراهيم : ايه .. صدق

خوله : مشكووووووووور

ابراهيم : ابا عارف شي واحد ..ليش فرحانه بهالاسم

خوله تقوم عنه وتدخل داخل : ما يحتاج .. مايحتاج

ابراهيم تنهد وطلع برع البيت : الله يعينك يا بنيتي يا عذاب

…..
بعد 17 سنه
…..

طلع ابراهيم من الشركه اللي يشتغل فيها كفراش بعد ما كان محاسب فيها صار فراش و السبب زوجته اللي ما ترتاح الا بعد ما تسوي اللي في بالها ..طلع من الشركه وراح مكان كل شهر يروح له بعد ما ياخذ الراتب الشهري بعدين راح لمدرسة الاولاد بس كالعاده شاف فارس ينتظره من الباب الخلفي للمدرسه ….وهذا كله لانه يستحي يطلع قدام ربعه لسيارة ابوه .. اولا عشان شغلته كفراش .. ثانيا عشان السياره القديمه … … بعد ما ركب راح لمدرسة البنات بس من الباب الامامي اخذ عذاب و دنيا و دلع ورجع البيت اللي يا دوب يكفيهم كان عباره عن غرفتين وحمام واحد ومطبخ وصاله بس اللي يميز البيت عن بيوت الحاره انه له حوي كبير شوي ..وبهدوءهم المعتاد دخلوا البيت وكل واحد ع غرفته … ابراهيم ما لقى خوله ف الغرفه فراح يدورها ورا البيت سمع صوتها تتكلم بتلفون مع انه كان فيه تلفونين اللي هوه للبيت وعند ابراهيم .. بس كان فيه تلفون ثاني عند خوله واهو ما يدري عنه .. جلس يسمع كلامها و عيونه تلاحق تصرفاتها ..

خوله : لااااااااااا حبيبي .. قول والله .. ما بصدق … يعني مو زعلان ..
ما قصدي بس يوم الاحد شفتني و الاثنين شفتني وطلعت معك بعد .. خلاص
يعني .. ما اقدر اخاف ابراهيم يجي ألحين .. .. قول والله لا حياتي روح روح
امكن يجي فأي وقت .. انا وراء البيت لا حياتي روح الله يخليك ..

ابراهيم ما قدر يسمع اكثر من كذا مسك قلبه وطاح ..والحمدلله كان فهد توه
جاي صوب المطبخ وشاف ابوه …قام يصرخ لفارس ولأمه بس ماحد رد اجيت
عذاب له وقالها تتصل حق عم خالد ( جارهم وصديق ابوهم ) .. بعد مدة قصيرة
سمعت خوله الصريخ وراحت تشوف شنو اللي صاير وخافت من اللي شافته .. شكت
انه ابراهيم سمع كل شي توترت وماقدرت تسوي شي .. انتبهت لصراخ فهد

فهد : يمه دخلي داخل عمي خالد بيدخل

دخل العم خالد واخذ ابراهيم معه وراحوا سيده المستشفى وكان فارس وفهد معه .. وما في احد في البيت .. عذاب ودنيا كانن ييكن ودلع تبكي معهن بدون ما تعرف شو صاير ..اما خوله دخلت داخل وطلعت للبنات وكانت لابسه تنوره قصريه حق عذاب لونه وردي مع بدي ضيق عليها ابيض وفيه بقع ورديه ومسويه كحل وجلوس وبلشر ..

عذاب من بين صياحها : يمه بتروحين المستشفى كذا

خوله بدون اهتمام : لا حيــ…

قطع عليها تصفير من وراهم

خوله بدلع مو لايق : هلا حياتي وصلت هيا ندخل

عذاب ما قدرت تتحرك من الصدمه عم خالد صديق ابوي الروح بالروح
ولا بعد جارنا ودوم معنا يطعن ابوي من وراء ظهره وامي اللي اهي امي
تخون ابوي مع صديقه وليش ما نقول اخوه …مادري كم مر علي من الوقت
وانا جالسه افكر ما حسيت الا بلمسة ايده فكتفي

عم خالد: وألحين جاء دورك يا قمر انتي

اول ما سمعت كلامه حاولت ابتعد عنه بس اهو كان اقوا مني ..ضمني لصدره وانا احاول ابتعد عنه ..ماحسيت الا بصوت الزجاج ع راسه ..مسكتني دنيا ودخلنا داخل الغرفه وقفلنا الباب وكان المكان هادي بس بعد فترة سمعنا صريخ عم خالد وهو يقترب من الباب ويدقه بكل قوته لدرجة انا خفنا وحسبناه بيكسره من كثر الضرب بس بعده فترة عم الهدوء المكان مره ثانيه

دلع بنبرة كلها خوف: عذاب اللي صار قبل شوي صدق ولا انا اتخيل ما اقدر اتحمل ما قدر

دنيا بنفس النبرة : عذاب قولي هذا حلم وألحين راح نصحى منه الله يخليك قولي كذا

عذاب ..انا من نفسي ما كنت اعرف اللي صار ومو مستوعبه شي ابدا ضميت خواتي عشان اشعرهن بالامان …هذي انا من يوم وانا صغيره ما فيه احد كان يربي خواتي غيري من كان عمري 12 وانا احممهن والبسهن واكلهن واشربهن كانهم بناتي وامي ولا داريه عنا واحين كبرنا وصار عمري 17 ودنيا 16 ودلع 15 يعني يفهمون اللي حوليهم ولا تقولوا انهم صغار فهالزمن الصغير يفهم اكثر من الكبير

نامت دلع فحضني ودنيا بعد ..فرشت لهن الفراش ونامن فيه اما انا فرحت
صوب باب الصالة وقفلته مرتين من الخوف سويت الغداء اللي متعودة اسويه
بعد ما ارجع من المدرسه بس ابدأ 3 واخلص 4 يعني يكون غداء وعشاء فنفس
الوقت لانه ظروفنا ما تسمح انا نسوي 3 وجبات في اليوم فعشان كذا في ايام المدرسه
نتريق ونتغدا ( يعني يكون غدعشتر (غداء + عشاء )) اما في الاجازات نتغدا
ونتعشاء.. المهم هالمره بديت 4 و خلصت 5 لاني باديه متأخره قومت دنيا ودلع
عشان الغدعشتر وتغدينا ف الصاله مع انه ماكان ودي اكل بس عشان دلع ودنيا
واعرفهن لو شافني ما اكل ما راح ياكلن …. سمعنا طق ع الباب وكان قوي دلع
نطت صوبي ودنيا حضنتني … بعدتهن عني ورحت صوب باب الصاله

عذاب : منو ؟؟

فهد بنبرة حزن : فتحي هذا انا فهد

فتحت الباب ودخلوا فهد وفارس ورديت قفلت الباب

فهد : فارس تم مع خواتك … عذاب تعالي اباك

عذاب وقفت وراحت معه الغرفه : نعم فهد صار شي

فهد وفي يده ورقه : عذاب اعرفك قويه ..و ما اباك تضعفين قدام خواتك .. ابوي يا عذاب …ابوي عطاك عمره ..

عذاب بتماسك : وشنو هذا؟

فهد استغرب من ردت فعلها يعرف انه اخته قويه بس ما كان يعرف انها قويه فهاي المواقف حتى : هاا ..اا هذي ورقه يقول ابوي اني لازم افتحها قدامك

ما قدر يفتح فهد الورقه من التوتر حسيت فيه واخذت عنه الورقه

عذاب : هاتها عنك انا راح اقراها

فهد يمد لها الورقه : اوكي

بعد ما خلصت من القراءه ارتميت فحضن فهد … ابكي ما قدرت اتحمل بكيت ..و بكيت بس عشان ارتاح ما قدرت امسك نفسي وايد

فهد وهو يمسح ع ظهري : حياتي عذاب ..حاس فيك بس لازم تكوني قويه قدام خواتك .. و وفي أي فرصه انشالله راح اروح للعنوان اللي قاله ابوي ..وانشالله خير

مسحت ادموعي وطلعنا برع لفارس ودنيا ودلع

دنيا ودلع ارتمن فحضني : صح اللي صار صح اللي قاله فارس .. طالعت فارس اللي كان متلوم انه قالهن .. ابتسمت عشان اطمنه ودخلنا الغرفه

عذاب : اسمعن … اللي صار اليوم كله صح يعني ولا وحده فيكن تحلم … بس سمعن ابوي الحين ف قلوبنا ولازم ندعي له عشان يرتاح فقبره … ولازم ما تنزل دمعه منا لازم نفرح انه الله اختار ابونا عشان يريحه من عذاب هدنيا.. وألحين هيا مسحن دموعكن ورحن نامن

فرشن فراشهن ونامن ..اما انا حاولت انام بس مستحيل انام بعد اللي صار … يعني الحين مات و السبب انه كشف حقيقة امي .. ااه يا فهد لو تعرف شو صار في غيابك .. وشو حقيقة عمي خالد … الحمدلله فهد ما سأل ليش ابوي قالنا نبتعد عن عم خالد .. … حاولت انام بس كل ما غمضت عيني ترجع لي مواقف اليوم كلها

مر اسبوع وفهد كل يوم يسأل عن امي بس ما استحملت
وخبرته بكل اللي صار و حسبته راح يهدى بس اهو منعني
اني اروح المدرسه وكان وده يمنع دنيا ودلع بس حاولت فيه لحد
ما طاع … مر اسبوع ثاني وانتشر خبر زواج عم خالد وامي
… بدت المشاكل بين معتز وعزيز اولاد العم خالد و فهد وفارس بعد
ما كانوا صحبه .. وخلص الاكل الموجود في البيت .. صرنا انا وفهد
وفارس ما ناكل عشان ما نحسس دلع ودنيا بالجوع …. فهد طلع وحاول
يدور ع عمل … اما انا صرت اخيط ملابس الجيران ومن الفلوس اشرتي
اكل للبيت ومنه اصنع حلويات وبيعهن ع الجيران .. فهد كان ما راضي بس
حاولت في لحد ما طاع

فهد دخل البيت وبتعب : السلام عليكم

عذاب : وعليكم السلام .. انشالله حصلت عمل

فهد : مؤقت ..راح اشتغل في دكان لمدة اسبوع بس لحد ما يجي البائع القبلي

عذاب : انشالله خير …وكأني تذكرت شي …فهد ما ابوي فرسالته اعطاك عنوان لشخص وقال انه راح يساعدك مثل ما ساعده

فهد يتعدل: ايه صح .. صدق والله نسيت … وراح غرفته اللي كانت غرفت امه وابوه صارت غرفته اهو وفارس …فتح الدرج واخذ الورقه وطلع

عذاب : ع وين ؟!

فهد وهو مسرع : بعدين .. بعدين

عذاب تلحق : فهد ..انتظر راعي البيت جاء البيت ويقول انه انتظر شهر كامل ومن عادتنا ما نتأخر عليه ..وكل يوم يجي وانا لوحدي في البيت

فهد توقف بعد ما سمع كلامها :……

عذاب : فهد

فهد : لبسي عباتك وتعالي معي

عذاب : وين اجي ..

فهد : وين بعد تعالي نروح للعنوان اللي ابوي كاتبه لي

عذاب : لالالالاا ماقد ماقدر

فهد : وليش انشالله

عذاب : ولا شي بس انا استحي

فهد : يعني راح تمين هنا لووووحدك

عذاب : لالالالا خلاص راح اروح وياك

لبست عباتي واحنا طالعين اجاء راعي البيت

الرجال : السلام عليكم

فهد : وعليكم السلام

الرجال: انا كل يوم كنت اجي وما احصلك الحمدالله اني حصلتك اليوم

فهد : خير ويش عندك

الرجال : انا عرفت ظروفكم وعشان كذا راح اصبر هذا الشهر والشهر الجاي تتطلعوا منه لو ما دفعتوا الايجار

فهد : خير انشالله

الرجال : طيب انا راح اروح وانشالله اجي الشهر الجاي ويكون الايجار مدفوع

راح الرجال ورجع لي فهد

عذاب : هاا شو صار

فهد : انشالله خير

ويروح عند السياره

عذاب : هاي هاي … وين رايح

فهد : وين رايح يعني

عذاب : بس انت ما تعرف تسوق

فهد : ومنو قال ركبي .. ركبي وشوفي اخوك

عذاب ..دخلت السيارة وانا ميته من الخوف طلعنا من الحاره
ودخلنا حاره ما ادري كيف اوصف لكم اياها اللي اقدر اقوله
انها مدينه القصور كل قصر احلى من الثاني ..ولا اروع

..وقفنا عند قصر في نص هالمدينه

فهد : اعتقد هذا بيتهم

عذاب: ………..

فهد : عذاب

عذاب : هممم

فهد : نزلي

عذاب : شو انزل ؟! وين اجلس معك في الصاله

فهد : يعني تجلسين هنا لوووووووحدك

فهد يأشر ع الكراسي : انتي اجلسي هناك … وانا راح ادخل

عذاب : طيب انتظرك

رحت انا للكراسي اما فهد فراح واختفى وانا ما عد شفته جلست في الكراسي وانا بعدي اتأمل منظر الاشجار واحدد الاشكال عشان اقضي وقتي حسيت بالحراره إلتفت يميني واشمالي ما حصلت احد فخلعت الغشوه وحطيتها فيدي هب علي هواء باااااارد كنت احسه انه هو الوحيد اللي راح يشفي تعبي

………………..
دخلت البيت وانا حدي متضايق من هذا العله رائد .. بس اول ما دخلت شفت سيارة قديييييييييييييييييمه قدام البيت مصكرة ع باب الحوي فعشان كذا ما قدرت ادخل سيارتي البيت يعني لازم امشي كل هذي المسافه ..دخلت وانا حددددي معصب ع الحارس ودي انازعه واسفره مره وحده دخلت ولمحت حرمه شكلها كبيرة ف السن جالسه ف الكراسي اكيد جايه تطلب مثل ما البقيه يسون رحت لها وانا ميت قهر … بس وقفت اول ما شفتها خلعت الغشوه ..بلمت( فتحت عيني ع الاخير) ما عرفت شو اقول .. البياض بياض الثلج ..العين عين غزال ومن غير لونها اللي يسحر .. شفايفها صغيره وتوتيه ومن غير خصل شعرها الاسود اللي يحركها الهواء … سحرتني بجمالها ما قدرت ألفت عنها .. بس انتبهت لشخص طالع من المجلس وجاي صوب البوابه رحت غرفه الحارس وجلست لحد ما روحوا

………………..

عذاب : ها شو صار

فهد : الحمد لله طلع العم ابو راكان طيييب مره … ما تصدقين كيف ساعدني اليوم

عذاب : ليش شو قال

فهد : خبرته بكل شي.. وقالي من بكرة نروح نسكن في الملحق اللي برع وراح يدخلني فدورة تعليمية وبعدين راح اشتغل معه ف الشركه

عذاب فرحة اول فرحه من بعد وفاة ابوها: صدق ..تصدق اني فرحت لك الحمدلله .. الحمد لله ع كل حال

رجعنا البيت واحنا فرحانين بس ما دام الفرحه من بعد ماشفت دنيا تبكي في الغرفه

عذاب : دنيا حياتي ..شنو فيك

دلع تدخل في السالفه : بخبرك بكل اللي صار بس ما تزعلين منها اهي كل اللي سوته صح

عذاب : طيب قولي

دلع : اجانا معتز اليوم المدرسه ويقول انه فهد باعثنه عشان عشان يجيبنا اليوم وفهد مشغول شوي … طبعا احنا على نياتنا وصدقنا اللي قال بس لما ركبنا راح مكان غير عن البيت ..دنيا حست به وعلت صوته عليه بس هو وقف السياره وفتح الباب الخلفي ومسك دنيا ودخل البيت القديم وانا كنت خيفانه ف السيارة بس اول ما طلعت دنيا نزلت انا من السيارة وركضت وراها شفنا سيارة مرام رفيقتك وقفت لنا وركبنا معها ووصلنا

خافت عذاب ع دنيا لانها كانت تبكي بشكل غير طبيعي

عذاب : دلع تقدرين تطلعين شوي

دلع توقف : انشالله

عذاب تقرب من دنيا : دنيا لازم تقولي لي باللي صار ..ما فيه احد يقدر يساعدك كثري

دنيا بكائها قالت كل اللي صار

معتز : تعالي انت ما تستحين ع وجهك …يكفي امك اللي اغرت ابوي .. بس انا مستحيل تغريني سامعه …

دنيا :………………

معتز مسك شعرها بعصبيه : يا الحقيرة اقولك سامعه

دنيا واجهته وصفعته ..صفعه ممكن يفيق من عالم العصبيه اللي اهو فيها .. صفعته وطارت

اما اهو ظل مكانه يستوعب اللي صار قبل شوي .. وبعدين حاول يلحقها بس ما قدر

عذاب: طيب ليش كل هذا البكاء انتي ما سويتي الا الصح

دنيا فخاطرها : بس كنت احبه يا عذاب احبه .. ما تعرفين شعور الواحد لما يكون فعين احد وفجأة يطيح منها

عذاب : هيا حياتي لمي اغراضك لانه بكره راح ننتقل بيت ابو راكان وانشالله ترتاحين من كل هذا الهم

دنيا مسحت دموعها : مــ ــنو … ابو راكــ ــان

عذاب : صديق ابوي ولما عرف باللي صار حب يساعدنا هيا ألحين لمي ملابسك و ملابس دلع وملابسي … وانا راح ألم ملابس الاولاد

دنيا : طيب .. نادي ع دلع عشان تساعدني

طلعت عذاب ونادت ع دلع وخلصوا من الاغراض وحطوهن ف السياره عشان بكرة ..بالاول كان فارس رافض انه ينتقل عشان بعد المدرسه .. بس بعدين رضى لانه رفيقه قال انه اهو اللي راح يوصله

وصلنا القصر ونزلنا اغراضنا دخلنا الحارس الملحق وقال انه ابو راكان طالبنا ف مجلس الحريم كلنا دخلنا الاغراض ف الملحق ورحنا لأبو راكان طبعا ما كنا نعرف وين المكان بس الحارس هو اللي كان دليلنا دخلنا من الباب اليسار كان كبير بشكل ما يتصور ومن غير الزخارف والالوان والرسومات جلسنا كلنا على جانب واحد ودخل علينا رجال كبير ف السن وشكله متدين …دخل علينا بكل وقار

ابو راكان : السلام عليكم ورحمة الله وبركاته

الكل : وعليكم السلام ورحمة الله وبركاته

ابو راكان : انا يا فهد راح ادخلك دورة مثل ما قلت وبعدها راح تتوظف معي ف الشركه وكذلك فارس اول ما يخلص من المدرسه راح اسوي نفس ما سويت في اخوك … اما البنات ف قلت انه ثنتين ف المدرسه ومصروفهن راح يوصل لحد عندهن

عذاب بإنفعال : وانا بعد ودي اشتغل .. ماودي اقبض مصروفي بدون أي شغل اشتغلته

فهد : عذاب لــ…

ابو ركان : خلاص مثل ما تبين راح اعطيك اسبوع واحد وتقولي لي شنو تبين تشتغلين

عذاب : مشكور

ابو راكان: تقدر يا فهد و يا فارس تروحون ابا اكلم البنات

طلعوا فهد وفارس من المجلس وبعد تكلم ابو راكان : ادري فيكن اكيد خايفات ومتوترات بس انتن حسبت بناتي واللي ابيه منكن انكن تنادني يبه ..طيب

البنات :…………..

ابو راكان : انا قلت انكن حسبت بناتي واذا ودكن أي شي تعالن قولن لي اوكي

البنات بصوت يا دوب ينسمع : اوكي

ابو راكان يوقف : بروح انادي ع البنات امكن تتعرفوا عليهن اكثر منهن

طلع ابو راكان ومن بعده دخلن اربع بنات

وحده من البنات : بما اني الكبيرة راح اعرفكن بوحده وحده فينا … احم احم .. انا رزان متزوجه وعندي بنتين ليلى وليال …. وبعدي ريناد متزوجه وعندها خالد .. وفيه وحده اسمها رنين اليوم تعبانه وما تقدر تنزل .. المهم وهذيل ريماس وريماز تؤم واعتقد تو عمرهن 16 …..تشوف عليهن ….صح

ريماس وريماز : ايه صح

رزان : لا تستحن ومافي احد راح يدخل عادي خلعن الغشوه وعرفنا عن نفسكن

خلعنا كلنا الغشوة وتمن البنات مبلمات عيونهن ما يعرفين شو يقولن ( لان دلع و دنيا و عذاب من جد جميلات وكان كلن في المدرسة يقولوا لهن ام الاجنبيه لانه اخذن كل هذا الجمال من امهن يعني جدتهن كانت عراقيه ….المهم عيون عذاب كانت زرقاء ع جدتها … دنيا كانت خضرا ع امها…. اما دلع طلعت رماديه غير عن الكل وكانن صح مختلفات عن بعضهن بعض في العين بس كلهن جميلات)

ريناد : ممكن سؤال

عذاب بعد ما ارتاحت لهن : تفضلي

ريناد : امك اجنبيه

عذاب : لا

ريناد :طيب ابوك اجنبي

عذاب : لا .. بس ليش

رزان : ماشاء الله حلوات وجميلات

عذاب بخجل : عيونك الحلوه

ريماز : عرفنا عليكن

عذاب : انا اسمي عذاب عمري 17 سنه

ريماس : ياااااااي عذاب اسم حلو بس مو كأنه مبالغ فيه

ريماز : وهي شو دراها انهم راح يسمونها هذا الاسم

رزان : سكتن خلنها تكمل

عذاب ابتسمت : طيب نكمل .. وهذي دنيا عمرها 16 سنه نفس ريماس وريماز … اما هذي دلع اصغر وحده وعمرها 15 سنه

ريماز : يااااااااااااي رموس زادت معنا وحده … ريماس وريماز ودنيا …. لالالالالا دنيا وريماز وريماس

وفجأة يدخل ولد صغير ممكن يكون عمره 11 سنه : اااااااااانننننناااا وصللللللللللللت

رزان :جيت في وقتك … هذا ريان … عندنا اخين ريان وراكان

عذاب : احنا بعد عندنا أخين فهد وفارس

رزان توقف : نترككم ألحين عشان ترتبوا غراضكم وترتاحوا شكلكم تعبانين

عذاب :ايه والله … وتشرفنا

رزان : واحنا لنا الشرف

طلعت عذاب وخواتها من القصر للملحق اللي كان عبارة عن 4 غرف نوم لكل غرفه حمام وصالتين وغرفة طعام ومطبخ كبيييير.. طبعا فهد اخذ الغرفة الكبيرة وفارس اخذ الغرفه اللي جمبه اما عذاب كانت فغرفه لحالها ومقابلتنها غرفة دنيا ودلع ..رتبن الاغراض ورجعن نامن

قامن الساعة 4 العصر ..اول نوم مريحه لكل افراد العائلة ناموا وبالهم مرتاح من كل شي الا فرد واحد كانت ع كل ما تغمض عينها تقوم تتذكر الموقف اللي صار لها ..راح عنها النوم فمسكت ورقه وقلم وجلست ترسم ..رسمت قمر منور ع البحر وفي سكين قاسمته نصين ونا زله منه دمعه.. كانت الرسمه مره حلوه

…………………………..

..
..
..
..
..
..
..
..
..
..
صح مصممة ازياء ليش ما افتح لي محل فيه تصاميمي .. طلعت رحت المطبخ نسيت اسوي الغداء اليوم رحت اشوف الثلاجه بس تفاجأت باللي فيها كل شي … كل شي ما اعتقد فيه غرض مو موجود كل شي .. وفيه اشياء غربيه بس اكيد ياكلوهن ما دام انهن محطوطات في الثلاجه …. سويت لهم العشاء وطلعت في الصاله شفت كل واحد جالس في كرسي لحاله ويفكر باللي شاغل باله

عذاب : العشاء جاهز .. هيا قوموا نتعشاء

دلع توقف : ياااااااي احس اني جوعانه اليوم

دنيا : شو مسويه لنا

فارس : ما فيه غير كبسة دجاج انتي تشوفينها مستانسه يعني اكيد كبسة دجاج

فهد : يلله .. وبلا كثرة حكي

في السفره

دلع : فهد

فهد : همممم

دلع : منو راح ياخذنا للمدرسه ..

فهد : انا قلت للعم ابو راكان وقال انه الدريول

دلع : نعم .نعم . نعم ..ومنو هذا بعد

فهد : مادري ..والله

دلع : وانشالله انت موافق انا نركب ما رجال ما نعرفه ابد

فهد : ما دام عم ابو راكان موافق ..انا بعد موافق

دلع : بس لــ…

فهد يقاطعها : ممكن ناكل بهدوء

دلع :…………..

بعد العشاء جلسنا نذكر المواقف المضحكه لما كنا صغار

الكل : هههههههههههههههههه

فارس : وتتذكروا لما دلوع كانت معلقه في الحديد اللي في الجدار وطابقة وما طاحت للحد ما جينا

الكل :هههههههههههههههههههههه

دلع : وتتذكروا الهندي اللي كنا لما نطلع للمدرسة نقول انه هذا الهندي ما فيه ادب لانه يطالعنا 24 ساعه ولما راحوا عشان ينازعوه طلع في شلل وما يقدر يلفت

الكل : هههههههههههههههههههههه

دنيا : وتتذكروا لما كنا نلعب هذي اللعبه اللي نختبفي فيها وفهد اختبى فوق الدولاب ولما اجا ابوي طار وطاح الكبت في ابوي ومثل انه ما يدري شي

الكل : ههههههههههههههههههههههههه

عذاب : وتتذكروا لما كنا نرمي البيض ع راجوا لما ما يعطينا اللي نبيه

الكل : ههههههههههههههههههههههههه

فهد: الله هههههههههه يخليك كفايه ههههههههههههههههه

عذاب وانا بعد بطني عورني

الكل : ههههههههههههههههههههههه

وفجاة سمعوا احد يدق الباب

دق دق دق

عذاب باستغراب : والله مادري .. فارس روح شوف

فارس يوقف : طيب

فهد : خلك .. خلك .. انا راح اروح

راح فهد للباب

: هلا

فهد : وعليكم السلام والرحمة

بنظرة تكبر : معك راكان الـ.. من حضرتك ؟؟

فهد : فهد .. فهد الــ.. ..

راكان بنفس النبرة : والله الطلابين تطورا وصاروا يطلبون بيوت

فهد مسك اعصابه ما يبا يسوي مشاكل في أول يوم لهم :………

راكان : والله هذا البيت مو ملككم يعني عرفوا انه لازم عليكم تخفضوا اصواتكم … احتراما لشخص اللي لمكم من الشارع وعطاكم بيته

فهد : انشالله يا راكان

راكان بأمر : عم راكان

فهد بفقد صبر : انشالله عم راكان

راكان : وليش مو طالعة من قلب

فهد بقلة حيلة : انشالله عم راكان

روح راكان عنه ودخل فهد البيت

دلع : منو ؟؟

فهد يحاول يبتسم: هذا راكان وده يتعرف علينا ويدخل معنا بس لما قلت انه الاهل معي رفض

دنيا : خوش اخلاق

فارس: يالله قوموا انا تعبان خلونا نروح ننام

دلع : بس شوي

فهد بصرامة : لا

الكل راح الغرفتة الا عذاب بعد ما تأكدت انه الكل ف غرفته راحت لغرفة فهد

دق دق دق

فهد : تفضلي

عذاب : وكيف عرفت انه انا

فهد : ما فيه راح يجي يواسيني غيرك

عذاب : يعني فيه شي مخبيه عني

فهد : وانا اقدر ..

جلست عذاب وحكى لها كل اللي صار

عذاب : النــ.. الحقـ…

فهد : خلاص يا عذاب قلت بس

عذاب : كيف تباني اسكت عن هذا الحيــ..

فهد : خلاص اللحين روحي نامي ..انا تعبان ابا انام

عذاب بقهر: اوكي تصبح ع خير

فهد : وانتي من اهله

في اليوم الثاني
………………….
طلعت من عند ابوي وانا حدي معصب ما ادري من وين طلع لي هذا اللي ما يتسمى فهد واخوه … انا لازم اسوي أي شي عشان ابعده عن ابوي … قاطع حبل افكاره رائد

رائد : يالحبيب ويبن رحت

راكان : ما رحت مكان معك

رائد : باين .. قول وشوله قاعد تفكر

راكان يتنهد : شنو اقولك

رائد : خير شو صار من دخلت عند عمي وانت كذا ليش شو قالك؟؟

راكان بنرفزه : هذا فهد مادري من وين طلع لي هو و فارس يقول لازم .. اساعدهم وبعدهم صغار ومادري ايش

رائد : وليش كل هذي النرفزه

راكان : احر ما عندي ابرد ما عندك .. انا افهم لهاي الاشكال يعني مايغرك اشكالهم يعني من داخل نيتهم نية

رائد : يعني شو راح تسوي

راكان : راح تشوف شنو راح اسوي

رائد : الله يستر من مخططاتك

………………….

ابو راكان : حيالله بعذاب

عذاب : الله يحيك

ابو راكان : هاا قررتي

عذاب باستهبال : ع شنو

ابو راكان : ع شغل .. ع شنو بعد مع اني مو راضي عليه

عذاب : ايه قررت .. وما عليك انا بنت واقدر اتحمل

ابو راكان : طيب شو قررتي

عذاب : ودي افتح مشغل لتصميم ازياء

ابو راكان بدهشة : وانتي متأكدة انك راح تقدرين تتحملين كل هذا

عذاب بثقة : ايه راح اتحمل ليش لا

ابو راكان : ايه ..بـ..

تقطع عليه ريماز : السلالالالالالالالالام عليكم

ابو راكان و عذاب : وعليكم السلام و الرحمة

ريماز : قطعت عليكم شي

ابو راكان : لا يا بنتي بس وين اختك

ريماز : من ريماس ..رايحة المدرسة ما تدري اليوم اصـ….

حست بنظرات ابوها لها

ابو راكان : لا والله

ريماز : والله سوري

ابو راكان يقلد ريماز : اليوم راح يعطونا اجازه لانه فيه اجتماع للادارة عشان مشكلة بنت وقالوا بكرة اجازه

ضحكت عذاب من قلبها ما جالها تشوف اب يقلد بنته اما اهي تمووووت في التقليد

ريماز : ايه ضحكي يا عذابو

عذاب انحرجت : سوري

ابو راكان : ويعني خليها تضحك يا ..ويقلدها ايه ضحكي يا عذابو

ما قدرت تتحمل وماتت من الضحك

الكل : هههههههههههههههههههه

: شنو اللي يضحك ضحكونا معكم

تغيرت ملامح وجهها بعد ما كانت ضحك وفرح بالعائلة اللي ممكن تحبها صارت حزن وحقد ع انسان ما يستاهل

الكل لاحظ عليها

وطلعت بعد ما تغطت اهي كانت ما تتغطى من ابو راكان بس راكان دخل فجأة وبعد ماشاف وجهها تغطت وراحت الملحق

………………..

ابو راكان بعصبيه :انت تدري شنو سويت

راكان بدلاهه: ايه

ابو راكان يصرخ : راااكااان

راكان انتبه لابوه : نعم يبه

ابو راكان : انت تدري شنو سويت

راكان :اسف يبه ما كنت ادري

وطلع عنهم

…………………….

ياااااااااي ياللقهر اللحين ألحين كل هذا الزين يطلع من فهد .. انا لازم اسوي أي شي لازم .. وبعدني مصر اسويه

………………………..

الحـيو. الجبــ……

ااااه يالقهر

اااااااااه

انا لازم اسوي شي عشان انتقم منك يا راكان كل هذا التكبر ع شنو .. انا لازم اكسر خشمك العالي
……………….

بعد 3 شهور
………………

يصرخ : يالله بسرعة

عذاب : انشالله مخلصة مخلصة

فهد : بسرعة بتأخر ع الدوام

عذاب : خلصت

فهد : واخيرا

عذاب : وفارس من اللي راح ياخذه

فهد : اكيد راكان يقول عنده شغله قريب من مدرسته وراح يوصله

عذاب : هيا روحنا

فهد : هيا

………………..

: سمير بسرعه تأخرنا

سمير : ماما دنيا انت ما فيه يعرف شغل مال انا خليك حال انت

دلع: والله وطلعلك لسان يا سمير

دنيا : اففف راح نتأخر

دلع :تستاهلين لما قال عمي بو راكان ننتقل للمدرسة القريبه هذي ما طعتي

دنيا : لا والله تبيني اوافق ع كل شي لا تنسين انه اهو ساعدنا بس ولو ما لازم نكون خفاف .. عليه
وتفتح جامة الباب : سميير كيف ؟؟

سمير : صبر صبر ماما بـ..

: تبون أي مساعدة

دنيا التفتت لصاحب الصوت مستحيل تنسى صوته : انت

/

تسلمي يَ آلغلآ ع آلطرح آلرآآئع و آلمجهوود آلآروع ..

مجموعة جميلة من ازياء المحجبات