افضل الخلطات والزيوت لشعر,,,,بصور
(بسم الله الرحمن الرحيم)السلام عليكم ورحمة الله وبركاته,,,,,كيف حال الجميع ان شاء الله الكل بخير
بنزل اليوم موضوع عن كل المستحضرات الي استخدمتها لشعري من زيوت وشامبوهات ومواد طبيعيه ,,,,
اول شي بتكلم عن الزيوت واحد واحد وكل واحد وطريقة استخدامي له ونتائجه :
[IMG]
[/IMG]
اول زيت النارجيل الاخضر ,,,لما كنت صغيره تدهن امي شعري وتظفره صحيح ريحته تصرع بس له فوائد حلوه وكان شعري وانا صغيره حلوه ناحية كثافته وطوله بس لما كبرت صرت اسوي حمام زيت احط واخليه فتره واغسله بعدها ,,,,صراحه زيت روووعه قليله عليه.
[IMG]
[/IMG]
ثاني زيت دابر املا,,,,ما اذكر اني جربته باستمرار وانا صغيره لان ثقيل ,,,,بس جربته من فتره قصيره احطه بشعري وبعدها اظفر شعري واخليه لمدة خمس ساعات تقريبا كنت احطه الصبح واغسله قبل الظهر,,,,,ينعم الشعر وما يخليه ينفش ويعطيه صحه ولمعه حلوه ويطول في نفس الوقت.
[IMG]
[/IMG]
ثالث زيت الكيشور الدهني,,,,,
افرغ زجاجة الزيت بعلبه واحط اربع اضعاف الكميه زيت الكيشور زيت النارجيل الاخضر ,,,,,,احطه على شعري لمدة ساعتين لثلاث او اربع وبعدها اغسله ,,,,,نتائجه حلوه مع الاستمرار يطول الشعر يعطيه نضاره وريحته عاديه ما تتضيقين منها والي تتضايق منها تروح على طول بعد الغسل.
[IMG]
[/IMG]
رابع زيت الي هو زيت الزيتون,,,,,,الي يعانون من خشونه الشعر او جفافه وكمان القشره تحطيه على شعرك وتلبسين القبعه البلاستكيه او سفره اكل وتخلينها ساعتين وتغسلينه ,,,,مرت اخوي ما شاء الله شعرها يجنن وكل الي تستخدمه زيت الزيتون انا كنت اقول زيت الزيتون حار على الشعر وهي قالت لي انا شعري ما استخدم الا هو وهي الله يحفظها الكل اول ماتزوجت اخوي تجننوا على شعرها وكل الي تستخدمه زيت الزيتون.
[IMG]
[/IMG]
خامس زيت الخروع,,,,,,زيت الخروع من اهم الزيوت لشعر هو صحيح ثقيل بس فيك تخففيه مع اي زيت وتستخدمينه لو مره فالاسبوع عشان صحة الشعر وحيويته ,,,,استخدمه مع زيت الوز الحلو ممتاز
[IMG]
[/IMG]
سادس زيت الوز الحلو,,,,,معروف زيت الوز الحلو ينمي الشعر ولا ينصح بزيت الوز الحلو لجسم لانه يزيد نمو الشعر ,,,,انا استخدمه على الاطراف بعد ما اخلص الشعر يمنع الشعر من التكسر والتقصف
[IMG]
[/IMG]
سابع زيت جونسون,,,,,زيت جونسون كنت استخدمه بعد الشور لجسمي وكمان لشعري صراحه ما شفت لا طول ولا كثافه بس ينعمه شوي وما يخليه يجف لان انا شعري ينشف بسرعه وهو يخليه رطب بس هذه فوائده بالنسبه لــــــــي
,,,,, لا ترودون الموضوع لسى ما خلص,,,,,
المشاركة الأصلية كتبت بواسطة سارة عبة  اصبحت كل السيدات تعاني تقصف الشعر وتساقطه واتمنى ان تفيد هذه الخلطات مشكورات كلكن
|
سبب التلف والتقصف هو المنتجات الكيمائية الي نستخدمها من شامبوهات وبلسم وغيرها من الكريمات الي تدخل فيها مواد كيمائية وهذا طبعا عاد الاضرار النتجيه عن استخدام الاستشوار والسراميك والفير
