الوسم: الرومانسيه

1/ وحده من الحريم ملت من الروتين اليومي في حياتها وحبت انها تسوي مفاجئه لزوجها
بسهره رومنسيه …المهم قامت واطلبت الكيكه من الدبلوماسي والعصيرات
وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم …..
.المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه
وصبت له من العصير…المهم يوم بلع وخلص قالها الحين وراك مجلستنا بالظلام حشى كأننا بقبر.
.تقول هي انها بلعتها وسكتت منب مخربه السهره…قام وكمل ذا الماصل وقالها الحين وراك طالبه حجم كبير
من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب..
.عاد هي حامت كبدها منه وطفسته وزعلت عليه……
.تدرون المفروض انها تحط له خبز وفول ويخب عليه هذا مهب وجه تدليع(جعله الضربه ذا البخيل)

2/هذي وحده من البنات توها متزوجه وحابه تسوي حركه لزوجها .
..قامت وتزينت وتجهزت من مجاميعه وحطت الاضاءه هاديه وشغلت الدخان الصناعي
وانتظرته لحد ماشرف…المهم يوم دخل ويشوف الدنيا شبه مظلمه والدخاخين
حاجبه الرؤيه قام يركض للصاله وجلس يناديها
وهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ماترد عليه(جاء بيكحلها عماها)….بالله وش تتخيلون موقفها؟؟؟…
المفروض انها صبيت على راسه موية نار…..

3/ هذي وحده من البنات تزوجت وراحت للخارج مع زوجها بعثه للدراسه له ولها..
.المهم شافت ذا الحمران العطران ورمنسيتهم قالت خل اسوي مثلهم .
.وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من الايام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات.
..قالت إذا رجع وشاف الحركات هذي اكيد بيستانس شوي…المهم يوم رجعت من المعهد
شافت زوجها نايم في الصاله عاد هي استغربت وراه تارك السرير ما امبطح عليه…ويوم صحى
وسألته قال الله يصلحك ناثره لي عشب على السرير وشلون انام عليه(الله يقلعه مايميز بين الورود والعشب).
…بالله مو المفروض تنثر على السرير تين شوكي عشان يتأدب ……

4/هذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب
ويعزمني بدال ما انا أعزمه…قامت وعزمته زي كل مره ويوم خلصوا ماكلين
قالت له اكرمك الله ياابو فلان على العشى…عاد هو شرق بالعصير من الروعه
, قال لها وشلون يعني؟؟؟قالت له الله يسلمك الفاتوره
دفعتها من جيبك اخذت المبلغ من بوكك قبل مانطلع….
.تقول عقبها طاح وجهه تأدب وصار يطلعها كل سنه مره(تعب نفسه صراحه)……

تعتبر غرفة النوم اهم واجمل مكان ف الحياة الزوجيه ,,
وهي اكبر سر يتشكل في حياة الزوجين .. ولكن اليكم بعض النماذج
عن هذه السر الكبير وخاصه بعد الولاده ووجود الطفل المزعج

سمعت وقرات وشاهدت مشاكل كثير من السيدات يمرون بها في حياتهم الزوجيه
وهي مشكله اين أضع مولودي المزعج بعد الولاده .. وهذا بعض ما مر علي خاصه

تقول لي احدى السيدات .. لم يعد زوجي ينام في غرفة نومي ولا يشتاق لي
ولم يعد يعشق سريري التي عشقناها معانا .. تغير حاله

وتقول قريبه لي .. انا أنام في غرفة نومي وطفلتي تبكي وتصرخ طوال الليل وزوجي
لا يستطيع النوم من كثرة بكأئها وعندما قلت لها لماذا لا تذهبين الى الخارج
حتى يرتاح وينام قالت .. سوف اذهب بها عنده حيث ذهب فلن احرم انا النوم ..
وهو ينام كما يشاء

وقرءات هنا ف القسم بأن احدى الاخوات ضربها زوجها لانه بعد الولاده اصبح ينام في غرفه منفصله ولم يعد ينام معها في غرفة نومهم وبعد ان اخذت المفتاح منه غضب منها
ومد يده عليها..

وتقول اخرى .. بأن زوجها اصبح لا ينتظرها عند النوم .. ولا يتقرب منها
بل وبعض الاحيان يقوم بطردها هي وطفلها للخرج .. فأين انتظاره وحبه لها
وقوله لا استطيع النووم الا واشعر بأنفاسك

وبعضهن تقول بأن زوجها اناني لا يأتي الى غرفة نومه الا لقضاء
رغبتة فقط .. وهي في حاله نفسيه سيئه ولا تعلم ما حل هذه المشكله

اخواتي طرحت اليكم مشكله متعدده الجوانب فكل ما نتمناه هو ايجاد الحلول
ومن كانت لديها مشاركه اومداخله او قصة حدثت معها فلا تبخل علينا
في انتظاركم