وفاء رغم الألم**""واقعية من منتدى اخر للفائدة""
على سريرها الحديد كانت غدير ذات الخمس وعشرين عاما تعيد الاحداث في ذاكرتها**
غدير: السلام عليكم
عبدالله: **وعليكم السلام**
غ: ودي بمساعده لوسمحت**
ع تفضلي**
غ: عندي واجب في الجامعه وماعندي خلفيه عن بعض الكتب اذا ممكن تساعدني**
ع: ابشري يا أختي**
غ: الله يعطيك العافيه بغيت مراجع للسيره النبويه متعلقه بفقه الحركه في سيرة الرسول صلى الله عليه وسلم**
ع: بإذن الله ابحث وأرسلها لك مع الوالد
غ: مشكور ياأخوي ماقصرت**
ع: العفو اذا احتجتي اي شي اناجاهز
كانت هذي اول مره تكلم فيها عبدالله مدير مكتب الدعوه في الحي و هي معلمة اطفال في تحفيظ الحي حمدت ربها انها لقيت احد يساعدها بالواجب وأخيرا راح تسلمه**
انتهت المكالمه بالنسبه لها لكنها ماانتهت من قلب عبدالله**
واتصل بعدها بفتره يتطمن هل سلمت الواجب للدكتور**
وهنا كانت بداية الاتصالات**
غدير حافظه للقرآن لكن نفسها طاوعتها بالمعصيه أحست بحب جارف ل عبدالله شعور لايوصف تنام وتصحى وهي تفكر فيه **أحبته بصدق خاصه انه كان صريح من البدايه**
يبغى الزواج لكن ليش دائماً يصر انه يشوفها اول من دون علم اهلها هذا الشي اللي كان مخوف غدير وطبعا هي مستحيل تسوي هالشي حاول معها بكل الطرق لكنها رفضت**
وقالت له بكل ثقه أنا صحيح أخطئت لمن كلمتك من ورا اهلي لكن الله يعلم قد ايش هذا الذنب معذبني**
وقطعت علاقتها به بعد ان ذكرته بالله وكانت صادقه في توبتها
غدير فتاه جميله سمراء طويله اكثر مايلفت فيها شخصيتها وثقافتها والكل يحبها لطيب أخلاقها وهي معروفه في الحي بمساعدتها للجميع وأخلاقها الجميله وحبها للخير
مرت الايام والشوق يزداد ل عبدالله أحبته حباً صادقا طاهرا تعلم ان الحب يأتي بعد الزواج. لكنها احبت وليتها لم تحب**
الشوق يقتلها في كل وقت تمسك بالجوال تحاول ان تتصل لكن الخوف من الله يقتلها أنا حافظه للقران مستحيل أغلط مره ثانيه**
كيف أواجه ربي أنا من كنت انصح الناس افعل هذا مستحيل**
اتصالات عبدالله تزيد ورسائل الشوق تهز قلبها البرئ
ضعفت وكلمته واستمرت علاقتهم اربع سنوات وغدير تتوب ثم تعود بعد توسلات عبدالله **تتوب ثم تعود اصبحت كثيرة الاستغفار والصدقه خوفاً من الله لكنها ضعيفه امام حب عبدالله**
الغريب انها كل مالمحت لعبدالله بالزواج أصر على رؤيتها يقول اول أشوفك بعدين الزواج**
عبدالله امام مسجد معروف وله مشاركات دعويه هذا امام الناس لكن غدير هي من تعرفه جيداً لم تشعر يوماً بأنه من اهل الخير كلما قالت له دعنا نتوب قال هذه صغائر والله غفور رحيم وهلم جراً
في يوم من الايام وبينما هي في احدى الزيارات لأهل الحي سمعت ام محمد تقول مادريتوا**
ام سعد خير ان شاء الله **
ام محمد تعرفت على زوجة الامام عبدالله وبتزورني في البيت وش حليلها دخلت قلبي والله وشكلها بنت عز بعد**
ام سعد إيه عشانها بنت عز دخلت قلبك**
ام محمد اقول اسكتي بس ياحبك للهذره**
غدير الامام عبدالله متزوج ؟
ام محمد إيه وثنتين بعد**
غدير انتي متأكده
ام محمد ايه وحظرت الزواجين بعد ويه لوتشوفين بناته التوأم يأخذون العقل**
غدير وعنده عيال بعد**
ام محمد ايه ولدي وتوأم بنات والثانيه حملت وسقطت الله يرزقها والله انها بنيت حلال ودك نعرفك عليها**
غدير هاه ايوه لازم طبعا
دارت الدنيا في راس غدير معقوله يكذب علي. وبعد المواجهه قالها بكل برود انتي ماسألتيني متزوج ولا لا
انصدمت غدير من رده وقررت قطع العلاقه للابد وغيرت رقم جوالها**
دخلت ام غدير هاه ياحلوه فكرتي وش بتلبسين بكره**
البس عشان مين**
آفا وين عقلك بكره ماجد وامه بيجون عشان يشوفك
قبل شوي خالك اتصل ويقول سألنا عنه**
الكل يمدح أخلاقه ومحافظته على الصلاه الله يكتب اللي فيه الخير يابنيتي**
امين يمه**
رجعت غدير تفكر ااااااه ياعبدالله جا من يخطبني وانا قلبي معك رغم انك متزوج ورغم كل شي احبك والله احبك مااتخيل نفسي مع احد غيرك اه**
وارتمت على السرير تبكي**
اه من الحب ياليت الناس يحسون باللي في قلبي**
كيف اقدر أتزوج غيره كيف اضمه كيف اقدر أنام جنبه أهئ أهئ أهئ**
مستحيل أتزوج بجلس عانس أزين لي أعيش مع الذكريات**
بكره بقول لأبوي أني استخرت ومو مرتاحه**
عبدالله حبيبي بعيش مع الذكريات لأني احبك بصدق مستحيل احب غيرك مستحيييييييل
أشرقت شمس الصباح وغدير في وسط أحلامها لم تشعر الا ويد تلمس شعرها**
انتبهت هلا أبوي**
هلا بالعروس والله ياغدور شفت فيك حلم يشرح الخاطر حاس انه ماجد راح يسعدك ياغاليه**
استحت ونزلت عيونها كان ودها تتكلم ترفض تقول اي شي ……ماقدرت تقول غير الله يكتب اللي فيه الخير**
قطع أفكارها اتصال بسمه (هذي أنا طبعا عشت القصه بتفاصيلها فديتني أهبل في القصه)
الوووووو سلام حلو للحلوين**
هلا بسمه كيفك**
بخير كيف العروس اخس ياحركات عقباااااالي يارب**
اقول روقينا مع الصبح**
آفا وش فيها العروس زعلانه**
بسمه اسمعيني انتي الوحيده اللي تفهميني**
أبغى ارفض ما اقدر أهئ اهئ**
اقول منتي صاحيه والله وإنشاء الله عشان عبيدو النذل ودك تصيرين الثالثه مثلا**
ردي وش فيك ساكته .. طيعي شوري وتعوذي من الشيطان وشوفي العريس اليوم يمكن ترتاحي وتحبيه والله الحب مايجي الا بعد الزواج صدقيني**
اه يصير خير**
ماعجبك كلامي**
لا بالعكس كلامك مريح مره بشوفه اليوم الله يجعلني أنسى عبدالله وبس**
مالت عليه والله انه دابل كبدي ودي احوسه حوس باااااي قبل لاتعصبين علي**
ههههه باي**
وفي العصر ريح البخور مالي البيت **لبست غدير بلوزه مشجره وردي وموف وتنوره وردي. ومسكت شعرها بشباصه وتركته على كتوفها وكان شكلها جذاب**
الام يالله بسرعه الناس ينتظرونك**
دخلت غدير واول مادخلت جت عينها بعين ماجد استحت ونزلت راسها جلست جنب امه**
كان ماجد مبسوط ويردد ماشاء الله**
وآلام داخله جو مره وتشرح لهم ان النظره سنة الرسول ولها فوائد وغدير تفكر بعبدالله والموقف اللي هي فيه بس حست بارتياح عجيب**
طلعت غدير وأمها وأختها منيره تنتظرها هاه كيف**
غدير يوووووه طويل بس يطالعني**
منيره
كيف شكله
غدير عادي مو حلو مره**
وش حسيتي**
افف وخري عني بكلم بسومه أعطيها الاخبار
بعد اسبوع اتصلت ام غدير تقولهم ان غدير وافقت**
ام ماجد والله مابنلقى احسن من بنتكم دين وخلق اذا ودكم الملكه الخميس الجاي**
ام غدير على خير ان شاء الله وتكلمو في التفاصيل
طبعاً غدير سلمت أمرها لله وقاعده تمشي الامور بسلام كل همها تبعد عن الذنب رغم الألم**
نعم الم الحب والشعور اللي تحس فيه إحساس بالشوق والجنون لكنها داست على قلبها خوفا من الله**
يوم الملكه**
ام غدير ترحب وأختها منيره ترقص هي وبسمه**
وام محمد وام سعد يتعرفون على ام ماجد وهاتك اسئله وين يشتغل وكيف عرفتوهم وكم راتبه (حكاكة حريم يعني )
غديرلابسه فستان سواريه وردي فاتح ورافعه شعرها غجري وشكلها مثل القمر وهي تنتظر في غرفتها جتها رساله
تدرون وش معنى افقده**
امووووووت مليون مره **
اتألم لكن بصمت**
احبه احبه لكن بصمت**
مشتاق له ياليته يرحم المشتاق**
غديري وحشتيييييييني تكفين ردي ياحبي
انصدمت سالت دموعها وهي تردد وانا احبك ومشتاقه لك بس انت السبب احبك احبك**
مسحت دموعها وماردت عليه**
دخلت أمها وخالاتها وانا طبعا ولاحظت في عيونها حزن بس عطيتها نظره وفهمتها طبعاً
دخل ماجد المجلس ينتظر وحوله امه واخواته**
الف الصلاه والسلام عليك ياحبيب الله محمد**
كالللللللللللوش**
دخلت غدير وعيون ماجد بتطلع من الفرحه **جلست جنبه ولبسها الشبكه ورقصوا امه واخواته**
وتركوهم لحالهم**
غدير حست براحه عجيبه وبدا ماجد يتغزل فيها وقالها أنا حبيتك من كثر ماسمعت عنك وحسيت انك الوحيده اللي تناسبيني دين وخلق وجمال بعد استحت غدير وحمرت خدودها**
فديت اللي يستحون والله وطبع بوسه على خدها ومسك يدها**
اسمعي ياغدير أنا حبيتك واوعدك اعيشك مثل الاميره اللي تبينه يصير امري وتدللي وماجد ينفذ مفهوم**
غدير تسلم بابتسامه خجلانه**
فديت الابتسامه وراعيتها وباسها على خدها
خرجت غدير وهي تفكر في ماجد وصدقه ورومانسيته وحمدت الله دخلت الغرفه ووراها بسومه وحكتلها كل شي**
بسمه شفتي ربي عوضك ياغدير**
الحمدلله**
اوعديني ياغدير تنسي عبدالله وتكوني لماجد وبس**
انساه ماظنيت بس ماراح اكلمه ابد**
مالت عليك بروح أتعشى أزين من مقابلك**
اصلا ماهمك الابطنك يادوبااااافضحت نفسي هههه**
المهم بدأت الاتصالات بين غدير وماجد**
غدير كانت حريصا انها تحب ماجد وتعلقه فيها فكانت تمارس انواع الدلع معاه**
الو سلام لاغلى وأحلى غدير في الدنيا**
هلا حبيبي**
فديت هالصوت والله**
خلاص استحي**
فديت اللي يستحون أنا**
وبعدين**
ماودك اشتريلك عشا واجيبه للبيت**
لا شكرًا شبعانه**
تكفين يمكن تجوعين اخر الليل
لاماظنيت**
طيب ايس كريم**
ماأبي**
تكفين يبرد عليك شوي**
مابدددددي**
تكفييييين ترى بزعل**
طيب خلاص بس مابتشوفني**
ليييييييييه دقيقه بس
أبوي في البيت ومايرضى**
أنا زوجك ماسويت شي حرام**
طيب تعال فهمه**
طيب مو لازم يدري من عند الباب طلبتك والله مابيجيني نوم الا اذا شفتك**
لالالالا
خلاص والله مااداوم بكره**
بكيفك حط الايس كريم عند الباب وروح
طيب بس زعلان منك**
بكيفك بااااي**
حط الايسكريم عند الباب وكلمها تاخذه وطبعا كل البيت نايمين**
فتحت الباب تاخذ الايسكريم**
وفجأه يدين حوطتها مع خصرها كان ضامها من الخلف وحط فمه عند اذنها وهمس لاتعانديني مره ثانيه**
طيب بس وخر عني لحد يشوفك**
ضمها بقوه ماني خايف**
أقولك وخر**
زاد في ضمتها وصار يبوس رقبتها**
ولما شافها تنتفض تركها وركض للدرج وأعطاها بوسه في الهوا
دخلت البيت خايفه**
دخلت غرفتها؛؛**
اه منه مجنون بس احبه وجلست طول الليل تفكر فيه بدأت تحبه خاصه انه كان طاير فيها **
غير رومانسيته الزايده معقووووله في رجال كذا**
نامت بعد مكالمه طويله مع ماجد ولما صحيت الصباح بدأت تفرفر في الاسواق زواجها موعده قريب لان ماجد مستعجل**
في السوق**
الو حبيبتي وينك**
في السوق اقضي**
وش تقضين
اغراض كتيره
مثل ايش**
مايخصك
تكفين قوليييييلي**
قلت مايخصك**
بكيفك بس كثري من الأشياء اللي في بالي**
وش اللي في بالك
مايخصك
يااااي يادمك
عسل صح**
من قال**
أنا اقول احبك**
شكراً
شكراً يقلدها**
مااحبك
احسن مولازم اصلاً تحبيني لا صرتي في بيتي تحبيني غصب**
ياسلام اشغلتني بكمل المقاضي**
سلام ولاتنسين تكثرين هاه احببببببببك اموووواه
رجعت غدير البيت وهي نازله شافت سياره عند الباب وواحد يناظرها نزلت ولما جت تسكر الباب التفتت طلع ماجد ارسلها بوسه وراح**
دخلت البيت تضحك والله مجنون**
في الليل وهي تكلم ماجد جتها رساله تجاهلتها وبعد المكالمه فتحت الرساله**
غديري يااحلى حب وينك وحشتيني ردي علي بس اعرف اخبارك واتطمن عليك ارجوك ردي
أنا تعبان تعبان ياغدير ردي علي تكفين ارجوك ارحميني مشتاق لصوتك أنا انتظرك الساعه ست الصباح**
احبك**
سالت دموع غدير مازال يحبني يابعد عمري وانا احبك بعد لازم اكلمه عشان يرتاح يابعد عمري مستحيل اشوفه يتعذب احبه ولازم اكلمه**
وفي الصباح غدير في غرفتها الساعه ست الاخمس امسكت الجوال قلبي يوجعني خايفه ياربي وش اسوي اكلمه ولا اطنش
أكيد انه ينتظرني بس بقوله كيفك واتطمن عليه واقفل**
لا مستحيل يعني بعد ماصرت لغيره اكلمه أخاف ربي يفضحني لا مستحيل**
بس أنا مشتاقه له ودي اكلمه ابي اسمع صوته وضحكته يا الله وحشني مررررره**
الساعه ست تماماً…..جتها رساله**
حبيبتي أنا انتظرك ياعمري مشتاق لك**
قلبي يرجف من الفرح متأكد انك راح تكلميني**
منتظرك بشووووووق**
ضغطت على الرقم وسبقتها رساله أكيد عبدالله بيقول شئ**
ياعمري ياغدير من جد الحلال حلو له لذه عجيبه**
الحمدلله اللي جعل أطهر قلب زوجتي**
**** ** ** ** ** ** **ماجد**
صدمتها الرساله أنا أطهر قلب لا أنا خاينه خاينه يتململ انته ماتستاهلني اهئ اهئ اهئ**
ارتمت على سريرها تبكي لا يستاهلني أنا أخطئت بس تبت وماراح أعيد الغلطه**
نامت وقبلها ارسلت لعبدالله**
ارجوك أتركني في حالي**
وارسلت مسج لماجد**
صدقت والله ياحلو الحلال**
احبك**
وفي الظهر بدأت حرارة غدير ترتفع بشده وحست بضيق في التنفس**
تعبت اكثر وراحت المستشفى واخذت ابر خافضه للحراره وأكسجين**
ورجعت البيت في اليوم الثاني تعجبت ماجد ماكلم او اتصل غريبه**
اتصلت جواله مقفل ارسلت حبيبي **طمني عليك وحشتني**
انتظرت لليل وما اتصل**
في الليل جاها مسج**
انتي لي أنا ….. ولا يمكن تكونين لغيري**
ابيع عمري واسوي المستحيل لجل تكونين حليلتي …..احبك وماراح تكوني لغيري اوعدك……….. عبدالله**
جن جنونها معقوله النذل قال لماجد شي بس كيف عرف انه خطيبي نذل والله ليندم لو سواها
يافضيحتي وش بيقول عني ماجد أكيد طحت من عينه اهئ اهئ لازم اكلم ماجد واعترف له بكل شي وأكيد بيقدر أنا أخطيت لكن تبت ولله الحمد**
بس جواله مقفل …… مافي غيرها**
الو سلام عليكم**
وعليكم السلام**
كيفك خالتي**
بخير من معي**
اناغدير خطيبة ماجد**
ياهلا والله حيا الله غدير كيفك وكيف امك وأبوك**
الحمدلله كلهم بخير
هاه عسى خلصتوا من السوق مابقي شي عن الزواج**
ان شاء الله مابقي الا شي بسيط**
ايه والباقي تاخذينه مع ماجد**
اقول خالتي بغيت اكلم ماجد جواله مقفل وقلقت عليه
ابشري يمه لا جا بقوله يكلمك ولا يهمك**
شكراً ياخاله سلمي على البنات**
يوصل سلمي على امك ومنيره**
يوصل مه السلامه**
في أمان الله**
وبعد العشا…
سلام عليكم**
وعليكم السلام هلا مجود**
كيفك يمه بخير وين كنت**
في الشقه اركب دولاب المطبخ
الله يقويك**
الاجوالك وراه مقفل**
مافي شي**
غدير دقت تبغاك ليه مقفل جوالك البنت قلقانه**
عليك تبيك ضروري**
لف وجهه بغضب**
وش فيك يمه عسى ماشر
الاخت المحترمه رايحه للسوق مع ولد خالتها بدون ماتقولي ماكاني زوجها**
وش فيها اخوانها صغار وهم يحتاجون السوق أكيد بيروحون السوق كثير عن التعقيد بس وش هذا على بالي سوت جريمه**
وهذا شي عايدي يعني**
يعني من يوديهم ابوهم مشغول واخوانها صغار**
أنا اوديهم ايه قول كذا من الاول**
يممممممه افهميني
خلاص روح كلم البنت وانا باقول لامها اذا احتاجوا السوق يكلمونك**
الله يخليك لي يا احلى ام**
روح كلم البنت مسكينه تلقاها قلقانه عليك**
في غرفة غدير وهي تفكر وفجأه يرن التلفون**
ماجد بزعل سلام**
غدير هلا حبي وينك خفت عليك**
حبيبك هاه**
ماجد وش فيك**
ولك عين تسألين بعد**
خلاص أنا بأعترف لك بكل شي بس
أنا عارف كل شي لا تتكلمين**
طيب اسمعني وانا بفهمك كل شي**
……………….
انتظروني لي عوده الليله**
**** ** ** ** ** ** ** ** ****
ماجد : هاه قولي اعذارك رغم انها غير مقبوله
أنا اهئ اهئ اهئ**
لا غدوري لاتبكين خلاص مسامحك بس مره ثانيه ولد خالك لا تركبين معاه خلاص حبيبتي بدون دموع**
تلخبطت غدير ولد خالتي وش السالفه ماني فاهمه**
أنا شفتك وانتي نازله معاه انتي وامك وشايلين اكياس من السوق**
بردت اطراف غدير وتنهدت بقوه**
وقالت حبيبي مالقيت تغار الا من ثامر الدب**
اغار عليك من الهوا الطاير انتي ملكي أنا وبس فاهمه**
فاااااهمه**
فديت الدموع الغاليه**
شكراً**
يقلدها بغنج شكراً
مجودي وبعدين معاك**
احبك والله احبك
&&&&&&&&&&&&&&&
مرت الايام وقرب موعد الزواج غدير مبسوطه من ماجد وحبه الجنوني لها وفي نفس الوقت تفكر في عبدالله دايماً
جربت نسيانك وجربت ذكراك"..؟
"واحترت ما بين الوهم واشتياقي"
"احيان اسولف بك وانا قصدي انساك"
"واحيان احس انك معي في فراقي"
"وان جيت اببعد يابعد عمري القاك"
"انت الوحيد اللي بهالقلب باقي"
لكنها غيرت رقمها وطلعت رقم ثاني باسم زوجها وانقطعت عن عبدالله يعني ماصار يعرف لها رقم**
وفي يوم الزواج**
ماجد يستقبل الضيوف وفرحان لانه بيجتمع مع حبيبته**
وعند الحريم ام ماجد وام غدير يستقبلون الضيوف**
والفرحه عمت المكان**
غدير لابسه فستان بتصميم فرنسي اوف وايت ورافعه شعرها لفوق ولابسه تاج فضي**
ومكياج ممزوج الاحمر مع الاورانج وشكلها مثل القمر**
انزفت والكل يذكر الله**
وعلى الكوشه همست لها اخت ماجد نبيله بسرعه ياعروس عريسك ينتظرك في الغرفه**
دخلت عليه في الغرفه وسط الغطاريف والكل يبارك وتركوهم لوحدهم**
غدير مرتبكه وخجلانه وماجد يناظرها ويضحك**
واخيراً بتصيرين بين يديني**
يمممممه خايفه منك**
قرب منها وحط يده على راسها ؛:احد يخاف من حبيبه**
ابتسمت بخجل**
قربها منه وطبع بوسه على خدها ومسك يدها**
وباسها واللي خلقني لاسعدك وادلعك وانسيك الدنيا يا اميرتي**
ردت تسلم حبيبي**
غطي نفسك زين عشان نطلع**
وفي السياره كان يناظرها ويبتسم ويلف السياره يمين ويسار
وهي تضحك من ورا الغطا**
وفي البيت
تفضلي يااحلى عروس
كان ناثر ورد في البيت ومشغل اضاءه خافته
منظر البيت رومانسي**
جلسها على الكنب وجلس قدامها يناظرها**
وش فيك تناظرني
احبك**
بس**
احبك**
طيب خلاص عرفت**
احبك
افففف منت حافظ غيرها**
احبك وقرب منها وضمها بقوه وهمس في اذنها ياحلو الحلال ( تقول غدير هذي الكلمه كانت توجع قلبي وفي نفس الوقت تحسسني قد ايش انه انسان طيب وطاهر ماتلوث قلبه ابد)
مرت ايام الزواج من احلى مايكون ماجد دلعها بكل انواع الدلع انسان طيب بكل ماتحمله الكلمه من معاني الطيب**
وغدير كانت مرتاحه ومبسوطه**
بس طيف عبدالله مارضي يفارقها
حملت بعد شهرين من الزواج وطار قلب ماجد من الفرح وماكان يخليها تسوي شي**
الكل لاحظ هالانسجام**
وبعد تسع شهور ولدت غدير وجابت احلى ولد **
وسموه نواف**
ومع كل تغير في الحياه كان حب ماجد يزيد والدلع يزيد اكثر**
كان ينشد كثير من يشوفها تقرأ وردها من القرآن ويتسمع لصوتها الشجي**
كان يحرص على اي شي يسعدها
وبعد سنتين**
وفي يوم من الأيام غدير كانت سهرانه لوحدها وتفكر في الماضي وتذكرت عبدالله ومكالماته**
حن قلبها له كثير وجلست تبكي وقررت انه تشتري جوال جديد عشان تكلم عبدالله**
وارتاحت لهالفكره**
اتطمن عليه واسمع صوته وبعدين ارمي الشريحه**
ونامت على الكنبه بعد بكاء مرير**
وفي الصباح**
تفاجأ ماجد بنومها في الصاله وصحاها**
عمري ليش نايمه هنا فيك شي حاسه بشي**
هاه لا ابداً بس نمت بدون مااحس**
ياعمري تجهزي وبنفطر عالبحر مشتهي افطر مع الوجه الحلو عالبحر**
ابشر ثواني واجهز
**
كان الجو معتدل والهوا ممتع جلست غدير مع ماجد يسولفون
كان ماجد يضحك ويسولف وطبعاً يتغزل في غدير وكانت جلسه حلوه بالنسبه لغدير لان ماجد وعد غدير انه يدلعها ومايقصر عليها بشئ ابد ووعدها يعطيها الفين ريال هديه لها**
ولما سألته عن مناسبتها**
رد: لأنك اسعدتيني ولاني مرتاح معك ( على فكره غدير شخصيتها حلوه مره ماتحب المشاكل وحنونه وطيبه وتعرف كيف تكسب قلوب الناس وهذي هبه من الله لها)
بعد اسبوع غدير قدرت تطلع جوال جديد **كانت تحاول كل يوم وتتردد**
كانت في صراع مع نفسها
&& الحب احياناً يفقد الانسان صوابه ويخليه يتصرف بدون وعي &&
مر شهر وغدير تحاول ولكن شي يمنعها
اخيراً قررت تشاور بسمه
الو سلام بسومه كيفك يادوووبه**
هلا وغلا والله كيفك وكيف نواف وابوه**
بخير الحمدلله**
يا الله ياكريم يامزوج الحريم ان ترزقني واحد مثل ماجد يزود عنه بس ما ينقص
اقول استحي بس**
مافي حيا في الزواج**
طيب فكينا من هالسالفه بشاورك في حاجه وياليت تسمعيني للاخر**
تفضل ياحلو**
أبغى اكلم عبدالله**
انتي صاحيه وش تبين براعي الحريم **صاير في عقلك شي
قاطعتها غدير:: انتي اسمعيني للاخر ولاترى بقفل **في وجهك
بسمه متنرفزه: كممملي**
بسمه أنا تعبانه مو قادره اتحمل بس أبغى اسمع صوته واتطمن عليه واوعدك تكون اخر مره**
بسمه ساكته**
بسمه حبيبتي والله تعبانه انتي منتي حاسه بالنار اللي في قلبي تكفين افهميني**
طيب وماجد وحبه لك موحرام عليك**
بسمه أنا ماراح اخونه بس اتطمن عليه وبعدها ينتهي كل شي**
بسمه: تبين تكلمينه بكيفك بس بقولك كلام وفكري فيه زين وانتي حره في تصرفاتك**
انتي غلطتي وحبيتي وهذا شي انتي عارفه حكمه زين**
لكنك تبتي رغم انك تحبيه وتتألمي لبعده بس صبرتي وربي عوضك بماجد لانه من ترك شيئاً لله عوضه الله خيراً منه
وانتي نفسك دايماً تقولي مستحيل يكون في رجال في الدنيا مثل ماجد صح ولا لا
غدير : صح**
المفروض تحمدي ربك على هذي النعمه وتحافظي عليها بالطاعه كم من الحريم يتمنون ربع ماجد لاتغيرين على نفسك ويغير الله عليك**
وبعدين الدنيا سلف ودين وش ذنب زوجات عبدالله أخاف ربي يسلط على زوجك وتشوفينه يخون بعينك ووقتها ماراح ينفع الندم**
يعني لا اخذتي عبدالله ولا حافظتي على الكنز اللي عندك**
والدنيا مثل ماقلتلك سلف ودين يعني اللي تسوينه من خير او شر يرجعلك ولو بعد زمان طويل هذي سنه في الحياه**
حبيبتي فكري زين وانتي وحدك اللي بتقررين وشوفي كم وحده حولك زوجها خائن ونذل وبخيل ووووووو ماجد مافي مثله كثير**
ولو صار شي او كشفك ماجد بتندمين على كل شي وماجد بيلقى الف وحده تتمناه**
تعوذي من الشيطان وصلي ركعتين وادعي دايماً ان ربي يصرف عنك عبدالله ويتم عليك نعمته**
بدأت غدير تبكي بصوت عالي**
أنا اسفه اذا قسيت عليك بس والله أني احبك وابغى لك الخير**
قفلت غدير في وجه بسمه بدون ماتقول شي وكانت تبكي بجنون**
حزن على نفسها وندم على الي كانت بتسويه**
فجأه دخل ماجد**
وشافها تبكي بشده لما شافته زادت في بكاها**
ضمها بقوه وكان يسألها اهلك فيهم شي تحسين بشي وهي تبكي**
كان يضمها بقوه ويمسح دموعها
ويقولها والله لوتعرفين غلات هذي الدموع ماتبكين يابعد عمري والله عسى كل الناس يفدونك ناقصك شي أنا زعلتك في شي**
تكفين تكلمي قولي اي شي**
كانت غدير تبكي بانهيار كلام بسمه كان موجع لها ماتتخيل ان ماجد يتغير عليها**
اويخونها
حست بالندم على كل لحظه فكرت فيها تخون ماجد كانت تبكي وتبكي**
وفجأه ماجد مسك وجهها بيدينه وصار وجهها. امام وجهه بالتمام**
غدير قوليلي وش فيك حرام عليك**
طالعت غدير في ماجد**
كانت عيونه مدمعه وخايف عليها
ماجد تحبني**
وامووووت فيك ياعمري … وش فيك ياحبيبتي ليه تبكين**
خايفه**
من ايش**
انه يصير بيننا شي وماعاد تحبني ماجد أنا احبك تكفى لا تتغير علي ورجعت تبكي**
ضحك ماجد وضمها بقووه مستحيل اتغير عليك انتي عمري وحياتي انتي سعادتي**
انتي اميرتي وانا قلتلك من اول يوم والله لاسعدك وادلعك انتي تأمرين وبس احبك والله احبك**
اختلطت دموع غدير مع الضحكه وصار شكلها يضحك وجلس ماجد يضحك عليها وكانت اروع ليله في حياتها**
وبعدها بيومين سافرت هي وماجد وكان ماجد كل شوي يقلدها**
اهئ اهئ أخاف يصير بيننا شي وماعاد تحبني تكفى ماجد لاتتغير اهئ اهئ**
ويضحكون**
£££££££
مر الان على زواج غدير اربع سنوات.
**** ** ** ** (تقولكم غدير
:: أنا عايشه في سعاده ماتتخيلونها وأحاول أحافظ على هذي السعاده بعمل الطاعات**
وأحاول اسعد ماجد بكل ما اقدر الله يخليه لي ولايغير علينا**
وما اخفيكم مازلت افكر في عبدالله واتذكره واشتاقله ونفسي اسمع صوته**
بس الله يثبت قلبي ويصرف عني الفتنه اتمنى تستفيدون من قصتي ولاتنسوني من الدعاء)
وانا اقول : فعلاً من ترك شيئاً لله عوضه الله خيراً منه)
وأقول لكل وحده تعاني من حب سابق وتخونها نفسها يقول الله عزوجل (واللذين جاهدوا فينا لنهدينهم سبلنا وان الله لمع المحسنين )**
ويقول عز وجل ( ومن يتق الله يجعل له مخرجاً ويرزقه من حيث لا يحتسب )
&&&&&&&&&
تمت
اتمنى تعجبكم القصه والاهم تحصلون منها فايده**وانتظروني قريباً في قصه واقعيه جديده**
اترككم في حفظ الرحمن**
على اعصابي
القصة اكتملت بس اذا شفت الردود
ارسلت باقي القصص
القصة جميلة…لكنها طويلة وهذا قسم القصص القصير..
وماكان هنالك مجال لاسرح معها..
اشكرك دمتي بود
الله يتم السعاده على كل الناس
شكرا لك يا حلوه
اشكرلك مرورك الكريم
جلس رجل اعمى على احدى عتبات عمارة واضعا قبعته بين قدميه وبجانبه لوحة مكتوب عليها"انا اعمى ارجوكم ساعدوني".
