خالد الفيصل(شمس العصر)
بعض من قصائد الشاعر الامير خالد الفيصل(دايم السيف)
شمس العصر
شمس العصر مدّت على عمري ظلال
شمس العصر والقلب في ظلّها مال
العين يجهرها شعاع المودّه
والقلب مال عصير يا من يردّه
ترى العصر محدود بالحيل حدّه
يا من يردّ الشمس عن هايف الجال
مذبوح أنا والموت من سهم نظره
الموت في حدّه وبأقصاه زهره
يا أهل الهوى في ذبحة الحب عبره
خلٍ قتيلٍ وخل يا ناس قتّال
شمس العصر في وردة الخدّ تلمع
بالقلب أغنّي له وبالقلب يسمع
والكلّ منّا في هوى القلب يطمع
ساعٍ لنا حالٍ وساعٍ لنا حال
شمس العصر تلثم زهور المحبّه
يا نشوة اللّي عقب نومه تنّبه
كل الهوى في وسط قلبي تصبه
في دافي عروقي شعاع الهوى جال
الشمس في تالي نهاري ضعيفه
خلّت رسايلها وراحت خفيفه
ولبغ ودّع خافقه مع وليفه
الله يعين القلب بالليل وان طال
بالله يا شمس العصر لا تغيبين
الغيم والورده وأنا لك حبيبين
متى على خير وسلامه تعودين
ميعادنا باكر على ميلة ظلال
وش بقى
يا وش بقى باعطيك مني ولا جاك
مابقى الا روحي احيا بها لك
اوصف جمالك كل مانشدت اهواك
وازين ايامي بجلسه خيالك
يا الغايب الحاضر بقلبي ولا القاك
اقرب من عيوني وصعبن منالك
شالك زماني عن عيوني ووداك
لا شك وثق في ظلوعي حبالك
ياصاحبي شمس ورا ليل جفواك
ما بالعهد بك قاسي في دلالك
وش غيرك يا منوة القلب واطفاك
على حبيب ماتخير بدالك
دنياي ماتصلح بلا شمس دنياك
والليل يوحش لو تغيَب هلالك
ولا تشوف العين زين (ن) بلياك
ولا يطرب سمعي الا مجالك
ولا انتفض قلبي من الحب لولاك
ولولاك مايبدي على مابدالك
الميلاد بريشته
يمرنـي كـل عـامٍ يـوم ميـلادي
يومٍ أعرفه ويوم انسـى مواعيـده
يمرنـي وانتبـه للغايـب البـادي
واهوجس بحال غيري من مواليـده
أرتاع وارتاح له يفرق وهو عـادي
ينقص من العمر عامٍ في ضحى عيده
أناغم الحرف ذا باكـي وذا شـادي
وارسل مع كل دمعة وجـد تغريـده
ياوابل الغيث كان الحـظ بـه جـاد
يزهر حياتي نـداه وتزدهـر بيـده
ياراكب الايام معـك العمـر ينقـادِ
كـم ليلـةٍ وسدتنـي فيـك تنهيـده
ويارحلة العمر في صحوات ورقـادِ
ويارعشة الجفن في غفوه وتسهيـده
في لحظة العمر تسري فزّة فـوادي
لحظة وفزّه وباقـي العمـر ترديـده
ألّلحظـة الماضيـه ماعـاد تنعـادِ
والقادم من العمر بالغيـب تفنيـده
ثلاثـة أيـام للـرجـال يـاهـادي
يومين دنياه ويـوم البعـث تخليـده
دايم السيف
