اما بخصوص فساتين الزفاف و السهره اخترت بعض الصور فقط .. مع العلم ان فيه صور لا حصر لها عندى بس ما اقدر ادمج كل الصور دفعه واحده .
صور لمصنع فساتين الزفاف و السهره بالصين :
و بفضل الله تعالى .. تم تعاقدنا مع مصنع من اكبر مصانع فساتين الزفاف و السهره بتركيا … مصنع متميز يقوم بتجهيز افخم فساتين الزفاف و السهره لبيوت الازياء الفرنسيه .. و هو اولى خطواتنا للاتجاره الاوربى ان شاء الله .. ليكون للعميل اختيارات كثيره يختار منها ما يناسبه .
و هذه صور للمعرض التركى الذى تعاقدنا معهم مباشره لتسويق منتجاتهم فى الشرق الاوسط و الدول العربيه . فلديهم ازيائهم الخاصه و الغير مقلده .. فالزبونه تشترى نفس الفستان اللى بالصوره بنفس اللون بدون اى تغيرات تماما ,.
و كذلك لتعاون مع مصنع للازياء الهنديه من الهند مباشره .. يضم اجمل و احدث صياحات السارى و البنجابى و كذلك ملابس الاطفال و الرجال الهنديه
و نحن نسعى لتكوين اكبر موقع الكترونى تسويقى اسلامى … نحافظ فيه على الشروط و الاداب الاسلاميه .. و نتعامل فيه بما يرضى الله سبحانه و تعالى .
و انتهز الفرصه للاعرن عن طلب مسوقين و مسوقات من الجنسين للتعاون معنا فى اكتمال هذا الصرح الرائع . و كذلك دعوه لجميع التاجرات و التجار و اصحاب المنتجات و المصانع بالتعاون معنا بالتسويق لهم لمنتجاتهم بشرط ان تكون جميعها موافقه للشريعه الاسلاميه .,
و ختاما ..
اريد ان اتحدث كثيرا على التجاره و التجارب .. و اذكر ايضا مساوئ التجاره الالكترونيه .. فليس الامر كله عسل مثل ما يتخيل الكثير .
كثير من الناس يعتقد ان هذا العمل سهل و بسيط
و مجرد انك تجلس على الكمبيوتر الخاص بك و شابك بالنت تتكلم مع الناس و يرسلون لك فلوس و خلاص .. الامر اصعب بكثير و اعتقد جميع التاجرات اللى بهذا المجال هيوافقونى فى كلامى لان كلهم جربو … مدى التعب و الارهاق الجسمانى و النفسى .. لان مش كل الزبونات و العملاء للاسف محترمين .. فوالله احيانا نقابل ناس و مواقف تشيب الراس … و مهما نتكلم بالذوق ما ينفع معهم …
للاسف هذه من اكبر مساوئ التجاره الالكترونيه .. بعض الزباين يكونو خايفين … و هذا حقهم … بس اذا انت مش واثق من اللى بتشترى منه لا تخاطر .
و كمان بعض الزبونات يتاخر الطلب فى الشحن … نحن كتاجرات غير مسؤلات عن الشحن … نحن مسؤلات عن تحضير الطلبيه و ارسالها و مجرد الشحن صارت مسؤليه الزبونه .. صح نحن نتابع معها الى ان تبشرنا بالاستلام و تقول لنا كمان رايها بالمنتج … بس الشحن هذا طرف ثالث … مواعيد طيران و احيانا ترانزيت … و احيانا يتخلل فتره الشحن اجازات او اعياد او مندوب التوصيل فى اجازه … كل دى اجراءات ممكن و وارد تحصل و تأخر الطلبيه ,, لذلك لازم كل من يشترى من النت يكون فيه نوع من المرونه .
من المواقف اللى تضايق و بصراحه حصلت معى مرتين … و الله يصلح شأن الجميع ..
واحده زبونه ارسلت لها جوالات بلاك بيرى مستعمله … الجوالات كانت وارده امريكا … بس مش مكتوب عليها صنع فى امريكا .. واحد مكسيكى او كندى مش فاكره و الثانى بلغارى … البنت قلبت الدنيا و بصراحه كانت قمه فى قله الذوق … المهم اتفاهم معها بالذوق و الاحترام .. لكن الله يعافينا من لسانها …. تقول لى الجوالات ما فيها وير ليس … اصلا النوع هذا معروف ان ما فيه واير ليس .. و انا كنت كاتبه بالموضواع شوفو مواصفاته من الموقع الاصلى .. و كاتب المواصفات كلها عربى و انجليزى .. بس تردد الزبونات يجيب مشاكل … اقول لها حبيبتى صورى المشكله اللى بالجوال مثل ما قلتى و ورينى علشان لو فعلا الجوالات خربانه برجع لك فلوسك … المهم بعد مناوشات و طبعا لا رسلت الفيديو و لا شئ ارسلنا لدار الافتاء المصريه المشكله … و بصراحه هم قالو اذا انتو تفقتو انكم ترسلون صنع فى امريكا و وصلها صنع فى بلد اخر حتى لو كلهم اصلى من حقها ترجع الجوالات و تسترد فلوسها … ارسلت لها الفتوى و قلتلها ارسليلى حسابك برجع لك فلوسك .. تقول لى خلاص رميتهم ,,:(
و التجربه الاكثر الما بالنسبه لى بصراحه كانت خسارتها ماديا و معنويا … هى زبونه والله ما قادره ادعى عليها لانى بجد حبيتها جدا جدا … الله يسامحها … تعرفت عليها و هى ست كبيره فى سن امى .,. و تعرفنا على بعض و وثقت فيها لابعد الحدود … كنا نتكلم بالجوال و المسن يوميا و يوم للى ما اشوفها فيه احس اليوم فيه شئ خطأ … تعرفت عليها و على اسرتها و كنت دايما تتكلم معى فى كل شئ … كان لها اتيليه بتجهزه فى جده .. حتى انها عرضت علينا نشتغل معاها .,, و طلبت 16 فستان و سويتهم لها مقابل عربون بسيط جدا … و المصنع اعتمد علينا طبعا لاننا معرفه سنين معاهم و مدير المصنع صديق شخصى لزوجى … يعنى العلاقات الشخصيه دخلت فى البيزنس .. و كل يوم تقول لى حجه و انا اصدقها .. مره زوجها مريض و مره هى و مره اولادها عملو حادث و كل اسبوع اول الاسبوع القادم .. الاتفاق انها ترسل باقى العربون بعد اسبوع من العربون الاول علشان المصنع لازم ياخد كامل حقه .. و فجأه اختفت ..ز بووووووووووم و لا لاقيتها … و حتى الان انا احسنت الظن فيها .. قلت اكيد فيه شئ هى دافعه لى عربون .. اكيد بتشوف فلوسها ,,, و قبل حتى ما تشوف الفساتين بعتت لى رساله اخيره .. تقولى ابعتلى فلوسى و فستانين بس من اصل 17 فستان .. كنت مسويه لها كمان فستان زفاف هديه بكل مشتملاته …. مممممممممم ماذا اقول … تحظيم … و الخساره ليست فلوس و بس .
المصنع ليه باقى فلوسه !!!
الاخت اللى اعتبرتها امى اعطتنى درس فى الحياه صعب جدا .,,, و صدق من قال .. لا تعطى الحب م لا يستحقه ..
تمر الايام و الاقى زميله و اخت حبيبه تاجره ايضا ورطتها فى 8 فساتين تقريبا من كندا و نفس النظام عربون و فقط .
و كذلك مصمم ازياء لبنانى سوى لها طلبيه كبيره بالثقه بدون ما ياخد فلوس
و تاجره مغربيه ايضا سويت لها طلبيه بدون فلوس …
و بعد مرور عام شوفنا فيديو لها فى اليوتيوب .. مستضيفينها بالتلفزيون على انها مصممه ازياء!!!!!!!!!
و كانت مسويه ديفيليه بهيلتون جدا !!! وااااااااااااو يعنى معها فلوس تسوى ديفيليه بمئات الاااف و مستخسره ترد لنا فلوسنا و تطلعنا من الديون و الورطات …
انا لله و انا اليه راجعون 🙁
واحده تانيه ما اقول الا حسبى الله و نعم الوكيل … ممممممم ماذا اقول ؟ ما كانت تريد الا التشهير .. و ما عطتنا فرصه للتفاهم و نازله تسوى ازعاج بدون وجه حق .. كانت حابه تسوى مشروع لفساتين الزفاف و السهره و طلبت كميه كبيره … قلت لها حبيبتى لازم تاخدين تجربه .. اذا عجبك الشغل نكمل و اذا ما عجبك لا تخاطرين …و على الرغم من ثقتى بالمصنع اللى اتعامل معه الا انى احب اخذ الاحتياطى .. و قلت لها استخيرى الله اولا و اذا ارتحتى توكلى على الله .. و البنت كملت الطلب و اخذت فستان زفاف و سهره .. و طلع فستان السهره مش زى ما طلبت … قلت لها ارسليلى كل التعديلات و نحن راح نسوى لك الفستان من جديد … و بالفعل كتبنا سوى التعديلات و بالصور و كل شئ … و سويت لها الفستان من جديدو طلع مطابق لكل طلبتها و تعديلاتها .. و بدون سابق انذار و لا حتى تفاهم و لا تكلمنا تنزل موضوع للتشهير …ما اقول الا حسبى الله و نعم الوكيل
اللطيف فى الذكر امرين بصراحه
الاول انها لما كتبت الموضوع حطت صورتين الصوره الاصليه و الصوره اللى من تصوير المصنع .. و لم تذكر تماما انها طلبت تعديلات فى الفستانو ما ذكرت الاتفاق .. و ما ذكرت الا رطوش غير مفهومه لدرجه ان البنات تخيلو انى سويت الفستانين ب 73 الف ريال هههههههههه .,,,
و الامر الثانى انى لما رديت عليها بالصور و الايميلات و ردودها و طلباتها و ارسلت الرد ده للبنات اللى فكرونى نصبت عليها مثل قولها (حسبى الله عليها) البنات اعتذرو لى و قالوا لى لم نكن نفهم الامر من الطرفين و اللطيف جدا ان واحده منهم طلبت منى فستان زفاف لاختها هههههههه يعنى اشكرها على الزبونه 🙂
.. و احب اقولها انت كان لو لك حق كنت هتاخدينه لا محاله بدون معارك غير مسببه . و الله المستعان
بصراحه انا قصدت اكتب التجارب دول … و يمكن ناس تقول ليه تكتبيهم اكتبى بس الحلو … لا يا بنات اكيد كان فيه تجارب سيئه … و انا مش ملاك …انا بشر لى اخطاء ايضا … بس لم اتكبر انى اعترف بها .. و هذه الزبونه و اى زبونه تانيه لو ليها حق برسله لها .
و لو اختلفنا بفضل يكون راي احد العلماء هو الفيصل … انا لا اريد ان اتكسب اى قرش حرام … و لا اريد الظلم للناس كما لا احبه لنفسى … و لكن دائما الحوار و التأدب فى الكلام و الصدق من الطرفين لازم يوصل لحل … انا مرتين ارسلت لزبونات فلوسهم مره لتاخر الفستان و وصل الزبونه بعد موعده و المره الثانيه الزبونه رفضت تستلمه اصلا , و على الرغم انى فى المرتين لم يكن لى ذنب و الا اننا فضلنا اننا نتنزه عن المال هذا و بفضل الله ربنا وفقنا فى بيعه الفساتين بدون خساره .
خلاصه الرغى الكتير هههههه و الكتابات الطويله اللى مللتموها … حابه اقول كذا رساله للجميع بدون استثناء
1- انا و زوجى شريكين فى الحياه و العمل و لنا حلم نتمنى انكم تشاركونا فيه و لو بالدعوه الطيبه
2- التجاره الالكترونيه مثلها مثل اى عمل فى الحياه به مخاطره وبه تعاملات مع جميع الاصناف من البشر و به ايضا تعب و جهد و سهر علشان نوصل للزبون افضل الاشياء … لذلك ياريت اللى يقوم بالشراء من اى تاجره او اى موقع الكترونى يصبر عليهم و يحسن الظن و يبحث يستخير الله و يسأل قبل ما يخاطر .
3- السماحه و الحكمه و الذوق وطيب الكلام واجب على الطرفين … مينفعش طرف واحد يعطى و الثانى لا … معذره بعض الزبونات للاسف تتعامل بنوع من الكبر و العجرفه كأنها بتشترى التاجره بفلوسها .. و ناسيه تماما ان التاجره بتوفر لها المنتج و هى جالسه مرتاحه .
4- بعض الزبونات ما تشترى بس تدخل تبخس اشياء الناس و خلاص … و هذا ليس ابدا من تعاليم الدين .. او تدخل تاجره للاسف تبيع على بيع الزبونه .. او واحد يقول انا اعرف محل او تاجر يوفره بسعر ارخص .
5- سياسه الاسعار بيتم وضعها على اسس كتيره . يعنى سعر المنتج + تكلفه شحنه + اى عمولات او مصاريف اضافيه + ربح التاجر اللى بيعتمد على مدى تعبه و المنتج اللى يبيعه … يعنى مثلا واحد يقو انت بتبيع المنتج ب 1000 ريال انا شوفته ب 500 بس فى موقع … احنا مكتب السعر شامل الشحن و المصاريف و ممكن نكون بنوفره من مصدر اغلى و اعى جوده من اللى انت شوفته … بالتالى مينفعش نعمم على الكل .. خصوصا فى المنتجات الصينى .. لانها درجات و انواع .. و كل من يعلم و لا يعلم ان الشحن الدولى جدا جدا مكلف و احيانا كثيره يفوق سعر المنتج اصلا .
بصراحه انا كنت نفسى اتكلم اوى معاكم … نفسى اقرب من كل الناس اللى كانت عايزه تعرف رحيق المسك … و لاى شخص سمع كلام تشهيرى بدون ان يرجع للطرفين اقول ..
قال تعالى : {يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6
وقال ايضا: {يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ }الحجرات12
…. و ختاما.,,, أهدى باقة ورد .. لكل من تعرفت عليه فى حياتى .,, و كل من وثق فينا و تعامل معنا .. لكل من تعرفنا عليه و حتى لو لم يجمعنا تعامل مادى ,,, لكل من قرء موضوعى و أستقطع من وقته لكى يستمع الى فضفضتى … و حلمى ,,, لكل من يدعو لنا دعوه بظهر الغيب ,,,, احبكم جميعا فى الله ,
رحيق المسك ,,,
.jpg "عروض العيد محصلتش عند:رحيق المسك: اختارى لانجيرى متميز بالوان العيد و هدايا")
.jpg "عروض العيد محصلتش عند:رحيق المسك: اختارى لانجيرى متميز بالوان العيد و هدايا")
.jpg "عروض العيد محصلتش عند:رحيق المسك: اختارى لانجيرى متميز بالوان العيد و هدايا")
.jpg "عروض العيد محصلتش عند:رحيق المسك: اختارى لانجيرى متميز بالوان العيد و هدايا")
.jpg "عروض العيد محصلتش عند:رحيق المسك: اختارى لانجيرى متميز بالوان العيد و هدايا")
.jpg "عروض العيد محصلتش عند:رحيق المسك: اختارى لانجيرى متميز بالوان العيد و هدايا")
.jpg "عروض العيد محصلتش عند:رحيق المسك: اختارى لانجيرى متميز بالوان العيد و هدايا")
