السلام عليكم ورحمة ألله وبركاته..
اولا احمد الله على السلامة وعلى ولادتي لأطفال وهم بصحه وعافيه …
أقول لكم قصة ولادتي بتؤمي …
كان موعدي ب 1 / 6 / 1445 طبعا موعد العمليه القيصرية … وكان باقي أسبوعين تقريبا ع الموعد وانا انتظر بفارغ الصبر بسبب الثقل وقلة الحركة وضيقة الخلق م قدر امشي ولا اطلع ولا اركب السيارة بسرررعه اتعب .. ودي يجي الموعد بسرعه وتمر الأيام …
في يوم من الأيام وقبل الموعد بأسبوع تقريبا كلم الدكتور اللي متابع حالتي زوجي وقاله ان بموعد عمليتي عنده سفره اضطراريه وما يرجع الا بعدها بأسبوع وخيرنا نسوي القيصريه الأسبوع هذا او نأخرها على الموعد أسبوع كمان..
أنا لما قالي زوجي ارتبكت ومادري وين الخيره اقدمها ولا أأخرها …
رحت أتوضيت وصليت استخاره .. بعدها حسيت أني مرتاحه ورحت وقلت لزوجي نسويها الأسبوع الجاي .. لان أخاف يصير شي بغيبت الدكتور واضطر يولدني دكتور ثاني طبعا المشفى حكومي ومعاملتهم جداً راقيه …
رحت ثاني يوم علشان السونار وأشوف حجم البيبيهات قالي حجمهم كويس وكل وحده2،5 كيلو اتطمنت انهم ما يدخلون الحضانة ومايحتاجون شي
توكلت على الله وترقدت بالليل يوم الاثنين 25/ 5 وصمت من الساعة 12 بالليل …
وهذي الليله صابني ضيقه خلق وأفكر بالعمليه ..شغلت القرآن على سورة مريم وصليت ودعيت وارتحت كثير ..جاتني الممرضه الساعة 4 الفجر علشان تسوي تخطيط لنبض الجنين ورفضت وقلت لها سويت لي 4 مرات وكله تمام قالت لازم علشان انني تؤم المهم رفضت وجابت لي ورقه توقيع على مسؤوليتي الرفض ووقعت ..
بعدها بشوي جابت القسطره ًرفضتها كمان لان العمليه راح تكون الساعه9 وأبي يسوونها قبلها بساعه ..
جت الساعه 8 ودوني السونار وشاف وضع البنًتات وطمنوني .. ركبو لي القسطره ولبسوني لبس العمليات …
جات ممرضتين وسألني على سرير وتغطيت كلي ًغطيت وجهي … شوي الا وشالو الغطا وصرت بغرفة العمليات شالوني على سرير العمليات وسألني دكتور التخدير بعض الأسئلة فيه ربو او أمراض عندك يعني الأسئلة المعتاده الاحتياط
طلبت من الدكتور يخلي ملابس العمليه علي وملئ شيلها الا بعد كأمام قالي لازم تكوني جاهزه وجسمه معقم بالكامل قبل التخدير علشان نطلع البنوتات قبل يوصلهم جزء من المخدر …
عقمو منطقه البطن والأفخاذ بالكامل وبدو يوصلون جهاز الضغط والقلب ويحسنون حاجات بالأبره اللي بيدي اليمنى ..
المهم كلهم مشغولين …
شفت الساعه كانت 9 وربع بعدين حطو كمام اسود على فمي وخلااااااااااااااص مدري وش صار …
غمضت وفتحت على صوت الممرضه مبروك مدام الحمدلله ع السلامه …شفت الساعه 11 الحمدلله على هذي النعمه اللي انعم الله بها علينا تنامي وتقومي ما تحسي بشي ي ربي لك الحمد ولدت وخلاص … طبعا وزن السونار غير صحيح لان وحده كانت 3.200 والثانية 2.800 كيلوغرام …
بعد العمليه قمت ارجف بغرفه الافاقه ما تحكم بيدي ورجلي كل جسمي يرتجف بقوه مدري هو برد ولا ايش ….
كانوحاطين علي بطانيه ثقيله وصارو الممرضات يحذو على صدري شي دافئ كأنها بالونه معبينها ماء دافئ …
المهم شوي الا وراحت الرجفه وسكنت بالسرير جاتني الممرضه قالت الحمدلله كويس وأشرت لها أني طيبه ..
فتحو باب الافاقه وطلعوني كانت امي وزوجي مستقبليني ويباركون لي فرررحت من قلبي …
رافقت معي اختي وحاولت امشي الساعه8 بالليل مشيت جوى الغرفة طيعا بعد ما شالو القسطره …
جسمي صار كله متورما وأصابع رجلي مره متورمه .. أنا أقول لكم علشان تعرفو انه شي طبيعي التورم بعد العمليه .. راح الورم رابع يوم تقريبا …
منعوني من الأكل والشرب فقط مغذي …واليوم الثاني ماء والثالث عصيرات والرابع أكلت …
طلعت بعد ثلاث ايام من المستشفى ع بيت أهلي ًالحمدلله يساعدوني أهلي علشان ارتب وضعي مع البنات الحمدلله على نعمه اللتي لاتعد ولاتحصى ….
يتربون بعزكم ودلالكم الله يحفظلك ياهم
يارب
ومبروك ماجاك
يتربن بعزك حبيبتي
ومبروك على توءم وغقبال المحرومين