أختي واليزر والمنطقة الحساسة ضروووري
السلام عليكم ورحمة الله وبركاته.
كيفكم بنااات
أبي أستشيركم في أختي زواجها السنة الجاية أزعجتني
تبي تروح لمركز لازالة الشعر بالليزر أنا بروح ﻷن عندي شعر زائد بالوجة وهي تبي تروح معي وتبي تشيل المنطقة الحساسة رفضت طلبها وقلتلها حراام مايجوز تكشفين عورتك بس البنت ماتسمع تعبتني وموراضية تقول ﻷمي هالشي تكذب على أمي وتقولها أبي أشيل منطقة اﻷبطين . ماني عارفة وش أسوي أقول لأمي أخاف تزعل لان أمي ماراح تخليها تروح لو تعرف .أنا متزوجة ولا سويت هالشي
صدق بنات اليوم مايستحون
الله يوفق اللي ترد ويجزاها الجنة دلوووني على التعامل الصحيح أخاف أخذ ذنب معاها الله يصلحها .
شوفي ياقلبي في بنات يكون شعر المنطقة الحساسة غليظ جدا والجلد رقيق فما تقدر تشيل بالحلاوه الجلد يتقطع وينشال مع الحلاوة واذا شالت بالموس انواع الدمامل والحبوب انا مثلا اعاني من هالمشكلة ما اقدر ابدا عالحلاوة الجلد رقيق وينشال معاها واذا شلت بالمووس يوووه حتى الاندر وير ما اقدر البس من الدمامل ويطلع يقزز ويألمني وما ارتحت الا بعد ماعملت ليزر كم جلسه صار الحين الشعر خفيف ومعقول فأنتي لاتحرجين اختك العروس وحاسبي تكشفين سرها لأمك لانها امنتك والامانة برقبتك فلاتخسرين ثقتها فيك وللعلم في عيادات كثير يخلون البنت تستخدم الليزر لنفسها يعلمونها عليه واهي تسوي لنفسها وارجوك لاتحبطينها وتسوين مقارنات بين جيلك وجيلها ادعميهااا وحفزيها وخليها تفرح بتجهيزها للعرس
الاخت اللي قبلي كفت ووفت
بارك الله بيها
ابد لاتعلمين امك على سر اختك وتفاهمي معاها
أحس الموضوع إنه مو مسألة حلال ولا حرام بس الموضوع ليه إن أختك تسوي قبل زواجها وأنتي ما سويتي يعني غيرانه وحاسده لأختك وجالسه تتستري بالدين وناويه تخلي أمك تمنعها عشان تبقى مثلك يعني قمة الحسد والنذاله والدليل على كلامي قولك (.أنا متزوجة ولا سويت هالشي صدق بنات اليوم مايستحون يعني إش معنى أنا ما سويت وهي تسوي
هذا اول شي ثاني شي في مراكز تشرح الأخصائيه للزبونه على دميه كيف تشيل المنطقه الحساسه وكيف تستخدم الجهاز وهي تشيلها بنفسها هذا لو كنتي صادقه بس الحسد أعماك ولا حول ولا قوة إلا بالله
ايش فيكم على الحرمه
الحين طالبه مساعدتكم وتقلبون عليها صحيح بعض الردود اصحابها مايستحون
ايش عرفكم عن نيتها فتشتوا قلبها
اسمعي انا اعطيك الحل
اذا كانت نيتك صادقه انه تفكرين في الحلال والحرام دوري على مركز متخصص ومثل مايقولون مايكشف على العوره
موفقه يارب
بصراحة عيب والله تسوي كذا وهي بنت بصراحة مو لايقة أبد
ويختلف من مجتمع لمجتمع
عندنا هالشيء مرفوض وأعتقد ممكن يصل إلى حد أن زوجها ممكن يكرهها بسبب هذا الفعل
بالعكس عااادي مافيها شي!! من قالك انها حرام؟!!! مافيها شي يمكن اختك تشوف انها ضروره بالنسبه لها وتعاني من هالمنطقه ….يعني لو راحت تكشف عند دكتورة نساء وولاده حرام مثلا؟!!! …..لا طبعا فليه تشوفين ان حرام تشيل المنطقه بالليزر؟!! اذا عند طبيبه مافيها شي وسمعت اختي تقول اذا تبين تشيلين المنطقه الحساسه بالليزر هناك بيعطونك جهاز يعلمونك كيف تشيلين المنطقه بنفسك يعني اختك بتدخل غرفه لحالها وتشيل المنطقه بنفسها من غير كشف عورتها للطبيبه
هذي عوره مغلظظظه مايجوز كشفها الا لضروره
والليزر مو ضروري يعني ذنب
عسى اي وحده تشيل المنطقه الحساسه ان الله يبﻻها بمرض تحت عشان تعؤف ان الله حق
استغفر الله بس الناس تساهلو في الدين ﻻبعد حدددد
انا شلت ليزر في العياده والمنطقه الحساسه شريت لها ليزر من صيدليه النهدي اشيل لنفسي مع اني ماعرف مضبوط بس احسن من اتكشف لناس